201803192259終無驚險碉堡探秘


路線: 小西灣海濱公園龍躍徑歌連臣角探射燈> 黑角頭碉堡> 砵甸乍山> 大浪灣石刻> 大浪灣> 太安樓開飯 
登山之友: 超級嘻嘻YY     

是咁的,今次郊遊路線我事先就已經睇過了,由於佢係位於香港島而且路程唔長,所以可以算係一條極度方便既路線。咁我同超級嘻嘻就揀左日大家都有假期既日子就決定輕輕鬆鬆咁出發行返轉短途遊喇。首先我地係小西灣車站旁的金拱門集合,吃過快餐再買一點補給品我地就起行了。走出商場往海旁再沿路走很快就已經到達龍躍徑入口。拾級而上好快就來到黑角徑,而行到盡頭就見到被圍欄圍住的燈塔。我地於是唯有從旁邊的小徑經叢林上山,輾轉一會之後終於來到了歌連臣角道。

由於唔熟路,所以我地只有沿路走就來到了位於歌連臣角道盡頭的懲教所,於是唯有往回頭走找尋往探射燈碉堡的小路。其實沿路走來我地大約都見到有一些小徑位是有機會通往我地今日既目標地標 黑角頭碉堡的。不過由於唔太肯定,咁我地梗係沿住大路走、睇定一點再作決定啦。而家要走回頭路,咁就立即往我地之前睇到既果個位置走下去... 果然,過了小路就是柳暗花明又一村!走出叢林就是對住整個藍塘海峽,遠望將軍澳同埋鯉魚門,而碉堡則是近在咫尺、就在眼前了。

雖然郊遊的日子是閒日,但係我倆卻不是唯一的遊人。有兩位女士一直在拍照,本來我倆都諗住等佢地影完先再過去影,但係佢地真係好似係度易寫真咁樣,等極佢地都係不停地影;咁我地仲要繼續上山再去大浪灣嘛,咁樣等落去都唔係辦法,唯有佢有佢地影我有我地影,一於唔理我地會做左佢地既相入面既背景人物。為左尊重保育地方的原則,我地在碉堡影相都只係輕輕的坐著和依靠住建築物就是了,絕對唔會好似網上見到有些人咁又要爬上去、又要好似扮到攀爬、舉重咁既動作,以免破壞這些古蹟。

影相過後又係時候繼續上路啦。上返歌連臣角大路再步回龍躍徑,就一直沿石級往山上走,途中遇到個阿姐話「唔係好辛苦姐,繼續行多七八分鐘就到架啦」,就係咁樣我地繼續不停咁上石級上左成十分鐘就終於黎到砵甸乍山觀景台了。但係我地上到黎既呢個時候,卻發現四周都是霧氣,能見度極低,視野不清晰,和剛才在碉堡的時候可謂差天共地;由於乜景都睇唔到,所以我地都係只係稍作休息就繼續行程、往大浪灣進發。由呢度起一路落到大浪灣都只是不停的石級而下,我同超級都不約而同咁話如果我地行程係由大浪灣出發上黎觀景台再落碉堡的話,我地肯定上到一半已經大叫放棄而回了。當然這也是說笑而已,不過如果真係咁樣既行程、要直上二百多米的石級,真係都非常有挑戰性架,哈哈。當然我地今次就只係一直由山上咁行落黎,而過了大浪亭之後終於我地就黎到大浪灣了。在小徑旁有個大浪灣古石刻,也幾有趣,係度影返幾張相稍作休息之後我地就行過大浪灣沙灘那邊了。由於仲未係夏天再加上是閒日的關係,弄潮兒並不多。咁我地洗洗手,換件衫之後就行去車站坐小巴離開了。

小巴就出返去市區筲箕灣,這時已經黃昏了,咁我地決定食埋晚飯先離去,咁我就建議去距離筲箕灣只有一個地鐵站距離的西灣河太安樓覓食去。食完個美味海南雞飯之後我地再繼續行多兩個地鐵站先至結束今日呢個既短途,又不用再「驚險」既行程了。

~~~

往碉堡去

   


   
遠眺鯉魚門 
 
來到了歌連臣角懲教所
   


  
咩玩法?
  


  
雄偉的峭壁
   

 

 
 

 
廢碉堡




   
我又影
 
超級又影
 

   
 

  

  
型男照!

 

 
合照

 


 
爽歪歪


 



 
~~
到達觀景台附近 忽然起霧了

 
登山後回望懲教所
 
很大霧呢
 

 

 

 

 
大浪亭

 
遠處中心、模糊的打浪排

 
大浪灣古石刻

 
大浪灣

 

 

 
太安樓 馳名海南雞飯

回應





Powered by Xuite
    沒有新回應!
關鍵字