201109251944樂活‧怡保(2) – 遺忘 30年的 人情‧味道


馬來西亞
怡保 – The Banjaran Hotsprings Retreat (Water Villa)


怡保,雖然係馬來西亞霹靂州
(Perak)的首府,其實只係一個典型的大馬舊城市,市內全是三兩層高的戰前樓,像檳城、古晋、亞庇等大馬名城一樣,發展緩慢,樣貌仍停留在四、五十年前,所以父子色‧戒兩部戲都貪佢怡保個Town夠殘夠舊,在這裡取景。


今次到怡保,除了想在小桂林區舒適地親親大自然外,還想在舊城內逛逛老牌冰室,那些小學常常經過但冇錢入去試試的冰室,感受一份
遺忘了
30年的 味道和人情味。




 

 


樂活
怡保
2


原本打算
06:30起身,早些開始玩,但張床太舒服啦,最後都係瞓到 07:30 mei mei mor mor 起身。


Package
包的美式早餐,乜都有,味道亦唔錯。


早餐麵包新鮮焗的,非常好味。


食完早餐,行過去酒店內的一個大型岩洞
– Meditation Cave。這岩洞主要供住客學做瑜伽和太極,洞內有天然河流,十幾二十米高,有水準。


The Banjaran Hotsprings Retreat –
Meditation Cave


今早
09:30 有免費太極班,師傅和同學未到,自已包起整個石灰岩洞練一練瑜伽先。


師傅準時
09:30 到,其他住客都係死懶鬼,全班居然只有我同小太熊兩個,二人包一個師傅,正呀! 最正仲係個師傅講廣東話架。。。。


學足一粒鍾太極,師傅教曉我乜嘢係氣隨意走、氣聚丹田、以柔制剛、以弱勝強、以肥壓瘦、以大欺小
,做到滿身大汗。

 


練完太極,
11:00a.m. SPA,酒店個Package包了RM 1000SPA回贈,可以免費做三次,爽呀。。今日選擇了一個專按腸和胃(肚池附近)45min療程 – Chi Nei Tsang Abdominal Message ,價值RM 240。雖然按得幾好,但水準相對 Banyan Tree 還有一段距離,價錢卻一樣,所以覺得唔係好值,不過 Package 包了,冇所謂啦。



The Banjaran Hotsprings Retreat – SPA Centre


12:30 “The Pomelo”食午餐,又係 Package 包埋,可隨意在餐牌選一款頭盆、一款主菜、一款甜品和一杯果汁,加加埋埋都要成 RM 140 一位,但味道只係普普通通。



頭盆
– Pomelo Salad (RM 34.8)


頭盆
– Grilled Scallops Skewer (RM 41.8)


主菜
– Grilled Beef Tenderloin (RM 75.4)


主菜
– Pan Seared Fillet of Coral Trout (RM 64.5)


甜品
– Espresso and Chocolate Almond Cake (RM 27.8)


甜品
– Banana and Walnut Nougat (RM 27.8)


全部都唔難食,不過怡保市內的野食肯定平靚正過這餐好多。


食完飯叫
Reception call 的士,等了成 25分鐘至有車,出Town 唔塞車又要25分鐘。的士司機奇怪我會在怡保玩 4日咁耐,佢話:4日??怡保冇乜好聊渣喎,香港咪仲多野聊?」佢可能唔知我間酒店這麽正,有錢有時間真係7日都唔覺悶。


今日先到火車站買兩日後返吉隆坡的火車票,跟住開始怡保半天食食食之旅。



怡保市政大樓,位於火車站對面。


從怡保火車站行
10分鐘,便到達舊城的白咖啡街“Jalan Bandar Timah”,全怡保最懷舊的茶室都集中在這條街,是馬拉白咖啡的起源地。第一站到“Jalan Bandar Timah”街內最出名的茶室 天津飲冰室試試。



“Jalan Bandar Timah” –
天津飲冰室,門口檔雞絲河粉必食。

 


這間茶室相信已
50年不變,充滿人情味。坐低立即叫了杯 凍白咖啡(RM 1.6) 凍咸吉水(RM 1.6),凍白咖啡只普通,好過香港一般茶餐廳飲到口都酸嘅三流凍咖啡,但香滑濃味都不及街內其他老牌茶室。凍咸吉水味道都係一般。

 
 


天津飲冰室的
雞絲沙河粉 是極品中的極品,湯底相信用了大量蝦頭熬成,鮮甜濃郁,沙河粉亦滑不溜口,是整個行程吃到最好的東西,可惜香港食唔到。下次去大馬,可能會為這碗河粉專程到怡保走一躺。



雞絲沙河粉
(RM 4) – 天津飲冰室


怡保名菜有三寶,就係
芽菜、雞和沙河粉,未食過等於未到過怡保。怡保芽菜和香港食到的完全兩樣,怡保芽菜條條肥大爽甜,食落嗦嗦聲且冇草青味,一食上癮,原因係怡保有大量石灰岩山,因此除了酒店可以擁有大量石灰岩洞外供住客耍樂之外,怡保的泉水都含大量礦物質,特別適合種植芽菜和制沙河粉。



怡保芽菜
(RM 2) – 天津飲冰室


天津飲冰室的特色薄餅用沙葛、雞蛋、蝦米、芽菜和糖做餡,咸咸甜甜幾過癮,值得一試。



特色薄餅
(RM 1.8) – 天津飲冰室


食得太飽,要行一陣落隔後才能再食了。中午在舊城四處逛,那些舊街十足十
10年前未番新的檳城 George Town


  
  


在街上行了個幾鍾,行了最大的街市都找不到
榴槤,小太熊極度失望,我於是盡最後努力,轉入一條街“Jalan Dato’ Tahwil Azar”碰碰運氣,居然比我在街上一個大排檔找到了三個今日賣剩的 怡保樹上熟榴槤,雖然係賣剩,但都係極品。



“Jalan Dato’ Tahwil Azar”
的大排檔


怡保土產
榴槤,叫
五指果,每1kg 只係RM 8,平到笑,這個榴槤 2kg收了我 RM15,外皮亁身,內肉黏喉,槤香樸鼻,味道主香甜,部份帶點輕微甘苦,和上次檳城吃到的有得揮,而且價錢平一倍。


兩個人即場食了一半,餘下半個包回酒店雪凍食,比熱食正好多。


食完榴槤已飽了大半,但時間緊迫,只好頂硬上過兩條街食埋
怡保必吃的地道菜 芽菜河粉。由於本本雜誌都推介「老黃芽菜雞沙河粉」,見佢又係最多客,便入去完一完心願。



怡保市 老黃芽菜雞沙河粉


店內一大筒芽菜,見伙記不停一手一手找上煲白灼。


兩個人
Order 了一碟芽菜、半隻雞和兩碗湯河粉,共收了 RM 20


怡保芽菜,同樣爽甜,但加了胡椒粉,味道反而有點不及
天津飲冰室那一碟。


白切雞加了豉油,都有點雞味,如果期望不高的話,味道係
OK嘅,但唔明佢點解甘出名。沙河粉質地比天津飲冰室好,但湯底差十萬倍,這碟只係豉油湯底。果漢果茶()(RM 1.4)和薏米水()(RM 1.4),幾清熱。


食完
芽菜河粉,又走過對面間鴨仔燈鹹涼茶飲番杯排吓熱毒,杯涼茶鹹鹹濕濕老老土土又幾有人情味,每杯 RM 0.6,路過又唔想這間一代鹹嘢咁快消失咪幫襯吓囉。


怡保市 
鴨仔燈鹹涼茶


怡保市 的街道有些似曾相識,有點像 意大利 Bologna的長廊。

  


行了陣街,又買了怡保另一特產
「炭燒香餅」,這是以麥芽糖、炸蔥頭加芝麻作餡料的福建傳统小食,「余合」的出品十分香脆好味,但其他品牌我就未試過了。



「余合炭燒香餅」10個獨立包裝 (RM 8)


食完晒已黄昏
18:00了,決定作最後一擊,乘RM 6 的士去 周中師傅介紹的民眾酒家食大頭蝦。周中師傅話怡保大頭蝦的地位等如太湖的大閘蟹喎,又話個蝦頭勁多蝦膏,好好味wor….所以在肚皮飽到列開的狀態下還要專程去一試。


記得上次在
胡志明市食到的炭燒大頭蝦鮮甜味美,蝦頭的蝦膏又cream又甘香,成日發夢想再食,所以對怡保大頭蝦期望很高,點知……..!!


怡保
  民眾酒家


生猛大頭蝦
1kg – RM 140,每隻最少 200g


兩個人淨叫兩隻蝦好似好衰,所以叫多煲蟹肉翅,點知又係
…..劣,湯底唔鮮甜,用豉油味精溝出來的,屎到不得了。


蟹肉煲翅
(RM 40)


豉油王亁煎
怡保大頭蝦,兩隻共 500g (RM 70),蝦肉彈牙,但完全冇味淡口,頭上的膏亦不多,而且四隻勁多肉的蝦鉗失踪了(上次在 胡志明市會把蝦鉗原隻上碟後再拿回去廚房拆肉的)周中師傅真大整估。



民眾酒家完全唔得。


食完蝦截的士返酒店,個馬拉司機話要
RM 20,但我由酒店出來時只係 RM 15,最後我還價 RM 15 成交。點知個死嘢唔識路兜來兜去,最後要我帶路至揾到間“隱世酒店”,到酒後又亞支亞咗好似嫌錢少,不知所謂。


返到酒店了,今晚去酒店內一個最大的
石灰岩洞酒(Jeff’s Cellar)”,內藏大量美酒,又有冷氣,保持氣温在 25°C左右和乾爽的濕度,而且內有像土耳其綿花堡的水台,都好有特色。



石灰岩洞酒(Jeff’s Cellar)”外的 古井


石灰岩洞酒(Jeff’s Cellar)”入口,凉風陣陣。

 


石灰岩洞酒(Jeff’s Cellar)”內像土耳其綿花堡的 水台

 
 


石灰岩洞酒(Jeff’s Cellar)”嘆酒的地方,難得係這麽正的地方亦冇乜人到,這間“隱世酒店”真係貴得有道理。

 
 


難得可以包起個山洞,當然買杯
紅酒(RM 35)揀個龍位嘆吓啦…..



RM 35
包起個山洞,仲有杯紅酒,真係電費都收唔返。


夜晚臨瞓前食埋半個榴槤,雪凍好味過中午好多呀。。。

 



補充資料
:

1.   The Banjaran Hotsprings Retreat 乘的士出怡保市最少 25分鐘車程,最耐塞車要55分鐘車程。酒店 call 車後,最快等了25分鐘,最耐等了50分鐘,都幾浪費時間。車費每程 RM 15

2.   怡保 的芽菜名不虛傳,又平又脆又肥大又甜,正。但大頭蝦淡過水,垃圾。

3.   怡保 的華人的士司機同聲同氣,開出的價錢亦都合理,未試過要講價,但馬拉司機就獅子開大口,而且講好價後都多多聲氣,No Good

4.   怡保去吉隆坡的火車每位 RM 35,車程2hr13min,每日只有五、六班車。

 




---
待續---

 

沒有上一則|日誌首頁|沒有下一則
回應
關鍵字
    沒有新回應!





Powered by Xuite