200805042126客家廣播劇&舞台戲 :有量正有福

客家廣播劇&舞台戲<5>:有量正有福

 

◇編劇:一先 。◇客語文譯註:廖金明。◇整理&校對:坑中水。
◇客家鄉土語文研究工作室提供(0921685867)。
◇看讀本文,敬請先看(三)本文客語四縣語詞注解。
 
◇一.劇中人:王野仙,阿明,阿明姆meˊ,阿煌fongˇ,過路人,鄰舍sa,阿明<buˊ>ngiongˇ,眾親戚等九人。
◇二.劇文:

○旁白:高山頂上有幾下間廟堂,也有讀書人在該ge齋zaiˊ堂修行,恁地就出了蓋多位名人,親像王野仙,有一日王野仙假作乞食仔介樣式,去到街仔上緊 inˋ行緊inˋ講:

王野仙:唉aiˋ!涯係單身一個人,想愛賣分人做阿爸!麼manˋ人想買涯去做阿爸介無moˇ?

過路人:大家來看癲仔neˋ喲!癲仔!大癲仔!麼介愛賣分人做阿爸介啊 iaˋ!

阿明:唉!你等這兜deuˊ人莫恁地看人唔起,罵佢癲仔。

過路人:本成sangˇ這個老阿伯就係癲仔,汝唔知喲 ioˋ?

阿明:無一定伊無子女無姐ziaˋ仔veˋ,實在有可憐 lianˇ啊 naˇ!

阿明:老阿伯!聽您在該緊喊,愛賣分人做阿爸噢voˋ?

王野仙:無唔著!後生人!你安anˊ到doˊ麼介名?

阿明:涯喊 ham到 do 阿明!

王野仙:阿明!唔ngˋ!這個名仔好聽又好喊ham 噢 moˊ!

阿明:老阿伯!涯看到您蓋有涯介緣,若naˊ係無棄hi 嫌hiamˇ跈tenˇ涯轉屋家好嗎?

王野仙:好是siiˇ好!唔過!涯係有條件介喲 ioˊ!

阿明:老阿伯!涯屋家蓋窮苦,唔知您有麼介條件嚎hoˋ?

王野仙:條件就係三餐愛有飯分涯食飽。

阿明:食飯是siiˇ無問題!

王野仙:還愛有一個房間分bunˊ涯住 het。

阿明:住介房間講起來簡單!一定有!

王野仙:阿明!恁地!條件講好了veˇ,這下涯就跈你轉去!

阿明:好啊 vaˇ好啊好啊!

王野仙:阿明!涯問你,若係你會驚隔gapˋ壁鄰舍取笑,涯就莫為難你ngˇ噢ngo!

阿明:涯不但唔會驚人取笑,涯還愛認您做義父。

王野仙:涯正係有這個意思,唔知你屋家還有恁多麼manˋ人嚎hoˋ?

阿明:有一個阿姆meˊ,一個姑娘,簡簡單單三個人了neˊ!

王野仙:阿明!嘎ga!你先轉去問汝介阿姆,若係惹ngiaˊ姆答應,涯才來去!

阿明:吾ngaˊ姆係相當好介人,涯做介事情伊唔識反對過,也唔識嫌涯,所以您唔使愁恁多!

王野仙:阿明!你認涯做義父以後,一切愛聽涯講,這點你做得veˋ到doˋ嗎?

阿明:放心!涯會聽您的話。

 

音樂:

○旁白:阿明同王野仙一見啊na到相當有緣,所以兩人一路緊行緊聊liauˇ天,無幾久就轉到屋邊了,阿明正講:

阿明:義父!頭前這家屋就係涯等介屋家。

王野仙:阿明!你先轉去同汝介阿姆報告,講好勢se 以後涯才nang入來去!

阿明:好好好!…..阿姆!涯轉來了 ieˇ。

阿姆:阿明!看你一身siinˊ汗hon,先去洗面較go涼!

阿明:唔使siiˋ啦!唔會熱!

阿姆:今晡日生理 liˊ好嗎?

阿明:阿姆!涯今晡日無做生理,顛倒do 帶一位老阿伯仔轉來呢ne?

阿姆:老阿伯仔geˋ!在奈nai呢no?

阿明:佢在頭前屋腳下,等涯入來同您先通報!

阿姆:阿明!你樣地識sit 佢介呢?

阿明:該ge!就係在街仔愛做生理介時節,認識介老阿伯仔,佢無子無女無屋邸dai,見到佢盡有涯介緣份,不但帶伊轉來邸,涯又搭dapˋ認佢做爺 iaˇ仔veˋ!

阿姆:阿明!你莫開玩笑!涯等屋家三餐就食唔飽了veˇ,認人家做爺仔,拿麼介分人食siit 啊 laˇ!

阿明:無相干gonˊ啦!涯等食麼介,佢就跈tenˇ涯等食麼介。

阿姆:既gi 然汝決定介事,涯奈有反對介道理,遽giakˋ遽請你介義父入來。

阿明:好好好!…..義父!請入來!

王野仙:樣地ngeˊ啊 iaˇ!做得入去嗎?

阿明:做得啦!涯來介紹,伊就係吾ngaˊ姆,阿姆!這位就係涯同講介義父。

阿姆:嘎ga!無就係,愛喊ham親家囉 lioˊ!

王野仙:從今以後,涯就喊汝且ciaˊ姆meˊ!

阿明:阿姆,涯想將倉庫的東西搬走,整理分義父邸dai 好嗎?

阿姆:若係無棄嫌,就將倉庫打掃淨ciang 啊nga!分你介義父邸好了veˊ!

阿明:好!涯來拼bia 掃。

 

音樂:

○旁白:王野仙就在義子阿明屋家住下來,經過了一星期,王野仙喊阿明準備蒔sii 田介工作。

王野仙:阿明!將谷gukˋ種zungˋ拿去河壩肚裡浸zim 水!

阿明:義父!蒔田的時期<汒mangˇ>到,做麼介這下就愛浸谷種呢?

王野仙:做zo 你照涯介話去做,嘎無!涯會譴kenˋ呢ne!

阿明:義父!你莫譴!涯這下就來去浸谷種啦!

 

音樂:

○旁白:隔gapˋ壁鄰舍看到阿明在這介時節浸谷種,大家看到時siiˇ都係笑阿明係唔係腦筋有問題!又搭認一個乞kietˋ食仔做阿爸!…..不知不覺經過了一個月,鄰舍才開時照平常的節氣來浸谷種,但係落田以後,鄰舍的谷種秧iongˊ仔分霜songˊ雪打死淨淨!再浸過谷種!阿明先浸的谷種秧仔較go長,唔驚霜雪打傷,鄰舍感覺到奇怪!有一日朝zeuˊ晨,王野仙同阿明講:

 

王野仙:阿明!天光日就好請工人來蒔sii 田了neˇ!

阿明:好啊vaˇ!堵duˋ好上屋介阿煌哥<亡mangˇ>做田事se。

王野仙:係呀!請佢等來幫忙!

阿明:有影!伊等這下較go 閒,來同涯等蒔田,工人較好請。

王野仙:好!去同佢等聯絡,準備天光日就來蒔田。

阿明:好!涯來去。

 

音樂:

○旁白:阿明的秧仔蒔好了veˇ一個月,忽futˋ然間落大雨做水災,陸陸續續落了geˇ幾下日介大雨。有一日上屋的阿煌哥就來尋阿明聊:

阿煌:阿明!涯來請教你,你係he唔係me未卜bukˋ先知?

阿明:樣地講呢?汝講涯會未卜先知喲 ioˋ?

阿煌:你樣曉得一個月前,就先蒔好禾仔,樣會恁精恁曉得呢?

阿明:當時汝等唔係笑涯神經有問題,這下又講涯恁精恁曉得!這兜話又樣地講呢?

阿煌:你無看涯等介秧仔掖 ie到忒tetˋ慢,才會分水浸死又搭受到傷害嗄haˋ?

阿明:涯介較長的秧仔,無受到影響係he係meˇ?所以涯比汝等較go聰明,曉得先浸谷種來蒔田,恁anˋ地neˊ係meˇ!

阿煌:涯看再加幾個月,大家人淨看你收成,涯等愛餓肚笥sii 了eˊ!

阿明:若係驚肚笥會餓ngo 到doˋ,涯介穀仔收成以後,涯會先借分你等,唔使siiˋ講!大家都係好鄰舍sa。

 

音樂:

○旁白:阿明!禾仔蒔落去幾個月以後,禾谷已經有好收成了neˇ,王野仙又交待dai 阿明:

王野仙:阿明!天光日做得將禾仔割起來!

阿明:義父!涯想先去山頂上種幾頭樹仔,禾仔再加幾日才來割好嗎?

王野仙:聽涯介話無爭zenˊ差,天光日割,趕天時好又搭dapˋ有日頭晒。

阿明:涯等介禾仔才黃啊ngaˋ到,再加幾日正來割,較堵好啊vaˇ!

王野仙:使唔得!一定愛天光日割起來!

阿明:好啦好啦好啦!天光日就來割!

阿姆:親家!涯在灶下聽到你同阿明講,天光日愛割禾仔,係he嗎maˇ?

王野仙:係啊 iaˇ!阿明還想再慢幾日地leˊ才來割。涯講實在係拖唔得啊 laˇ!

阿姆:阿明!嘎!汝就去聯絡阿煌fongˇ,請佢等天光日來<捲ten>手割禾!

阿明:好啦!阿姆!天光日割禾的點心,用米篩粄banˋ搭還愛煮綠豆湯tongˊ噢ngoˊ!

阿姆:割禾介點心涯會準備,做你去做汝介事se 頭!

王野仙:阿明!禾仔割好介時節,禾稈gonˋ愛紮zatˋ好勢晒燥zauˊ,搭併堆dui 做一堆,堆稈棚pangˇ起來!

阿明:樣愛恁麻煩呢?禾稈晒燥以後,放biong火來燒就好了veˇ!唔係恁地嗄ha?

王野仙:做唔得!一定愛照涯介話去做。

阿明:好啦好啦好啦!

 

音樂:

○旁白:阿明照義父交代介話,將禾稈晒燥堆dui 在稈gon棚下,經過了幾日以後,各地方介牛仔發bot牛瘟vunˊ,死忒hetˋ蓋多。有一日朝晨,王野仙又指示阿明講:

王野仙:阿明!好<亢hong床了ngeˊ!

阿明:義父!朝晨恁早喊涯<亢hong>床又愛做麼介了ieˇ呢no?

王野仙:共快共快共快!將禾稈<核kaiˊ>去街仔上賣!

阿明:這個禾稈到底麼manˋ人愛買呢?

王野仙:這係有蓋多人愛介!涯唔正會喊你<核kaiˊ>去賣。

阿明:<核kaiˊ>禾稈去賣!人又會講涯等係發癲了neˇ喲 ioˋ!

王野仙:放心啦!涯教你,核到街仔上時,看到有人經過你就緊喊ham:

阿明:樣地喊呢?

王野仙:喊講!麼人屋家有畜牛仔介啊 iaˇ?若係牛仔發瘟食了涯介稈gonˋ,包伊一定會好!

阿明:義父!涯等恁地做,會唔會係騙人哪naˇ?

王野仙:義父涯自認識你到今,敢識騙過你嗄haˋ?

阿明:唔!確kokˋ實唔識騙過涯!

王野仙:該ge就係啊iaˇ!遽giakˋ遽去!

阿明:好!涯來去!

 

音樂:

○旁白:阿明將禾稈一擔damˊ又一擔<核kaiˊ>到街仔上賣,凡是牛仔發瘟介,食了阿明賣介禾稈時就會好,恁地!遠近的人都相爭去到阿明屋家來買禾稈gonˋ,又經過了半個月,王野仙就問阿明講:

王野仙:阿明!生理樣般啊naˇ?

阿姆:係呀!涯看了neˇ,每日來買稈介人客來無停噢noˋ!

阿明:想唔到禾稈會恁好用!

阿姆:這就好得親家高明介指示。

王野仙:應該愛講阿明介福氣。

阿明:義父!涯等介禾稈賣了恁多,賺唔會少介錢了neˇ呢ne?

阿姆:今晡日有錢唔好亂用。

阿明:涯想!涯等來將賣禾稈介錢拿來做過較大間介屋好嗎?

王野仙:愛做屋是siiˇ做得啦!最好喊你介姑娘,暫時轉外家去住一隻月。

阿明:做新屋同涯介姑娘又有麼介關係he呢?

阿姆:係呀!樣ngiongˋ地ngeˊ愛喊心舅轉外家去住呢?

王野仙:雖然無關係,最好聽涯介話去做。

阿明:好!好!

 

音樂)…..

○旁白:阿明照王野仙的指示,將<補buˊ>娘帶轉到外家去住,在路上阿明介<補buˊ>娘阿珍感覺到蓋奇怪,就問阿明:

阿珍:義父!喊涯轉外家去邸dai,到底daiˋ又係有麼介用意呢?

阿明:涯又係me唔知!可能係看到你肚笥siiˋ恁大,驚怕動到胎toiˊ神siinˇ啦!

阿珍:噢oˋ!義父想到do相當介週到噢voˊ!

阿明:阿珍!嘎ga!妳在外家做唔得忒tetˋ<瘝kioi>喲!肚笥恁大!身體愛照顧好噢voˊ!

阿珍:涯知啦 laˋ!新屋做好了veˇ才nang來接涯轉屋家嗄haˇ!

阿明:愛使siiˋ妳交代dai,細人仔介事涯曉啦 laˋ!

 

音樂:

○旁白:阿明將姑娘帶轉去外家以後,王野仙指示阿明樣般來做新屋介事。

王野仙:阿明!這下就可以將屋開始整理了ieˇ嗄haˇ!

阿明:好啊!涯請工人師父將舊屋拆cakˋ忒tetˋ,地基仔重新打過!

王野仙:唔使全部拆!淨淨整理屋邊再起加二個房間就好了!

阿明:涯想!重新來起較go有派頭介屋堂,義父!汝看恁地做得嗎?

王野仙:阿明!你愛知!重新拆屋堂起過,新屋是siiˇ當派頭無唔著cok!

阿明:看到又靚ziangˊ,更加美觀好看哪!

王野仙:但係!你愛知!本身介屋場地理會破壞,唔係真可惜sitˋ嗄ha?

阿明:噢oˋ!原來係恁地,嘎ga!拆屋愛看較好介日腳giokˋ嗎?

王野仙:這恁多日都係好日!準備好就做得起hiˋ工了ngeˇ。

阿明:好好好!

 

音樂:

○旁白:經過了二個月,阿明的屋堂已經整理好勢se,阿明姑娘供giung二個雙生sangˊ賴仔,親戚朋友來祝zukˋ賀,一家歡喜到真係嘴合唔揫ciuˊ。

親戚:阿珍!恭禧喲 io!供雙生介賴仔恁得人惜siakˋ!

阿姆:汝等來就好了veˇ,又買到恁多賀禮,樣好意思呢!樣會功夫!

眾親戚:屋堂又整理到恁好勢se。

阿明:隨便整理整理了ieˊ啦 laˋ。

阿姆:孲oˊ<牙ngaˇ>仔愛食乳了neˇ,涯攬 lam來去房間。

眾親戚:涯等看到最歡喜介,係阿珍你的阿姆,伊有雙生介孫仔好度tu了veˇ。

阿明:涯介阿姆就蓋愛度細人仔。

眾親戚:阿明!有影!汝蓋有福氣喲 ioˊ!

阿姆:來來來!大家來食麻油雞酒。

眾親戚:唔ngˋ!當香hiong 噢ngoˊ!味緒si樣會恁香啊ngaˇ!

阿姆:大家盡量食!這雞仔係涯自家山頂高畜hiukˋ介!

眾親戚:涯就tu係知diˊ喲 ioˇ!才會有恁好食!

阿姆:唔ngˋ!阿明!樣無看到你介義父出來食雞酒呢?

阿明:佢giˇ在房間休息!涯來去請義父出來。

眾親戚:阿明幾時有義父?涯樣唔知呢no?

阿姆:就係在舊年仔相認介,佢兩人實在係有緣份,麼介相認做父子哇vaˋ。

眾親戚:好!盡好係!

阿姆:自義父來住以後,大細項事情都會教阿明做。今晡日正zang會有出頭介日仔 leˋ。

眾親戚:阿明介義父,真係大恩人噢noˊ!

阿姆:全係好在cai 阿明認介義父。

阿明:阿姆meˇ!義父樣ngiongˋ會無在房間呢?

阿姆:可能係行出去外no 背了 ieˊ!

阿明:但係義父在房間留有一封信仔neˋ呢ne?

阿姆:樣地呢?係寫麼介啊 iaˇ?

阿明:義父寫講,涯有恁好的量度無嫌hiamˇ佢係乞kietˋ食,同時認佢做阿爸。

阿姆:佢又係me 無嫌涯等屋家窮苦kuˋ啊vaˇ!

阿明:佢講,這兜deuˊ福氣應該係涯得介!

阿姆:你介義父係大恩公gungˊ噢ngoˊ!

阿明:佢還寫講,這下涯有二個雙sungˊ生賴仔,將來還會有更至好介運途!

阿姆:佢應該愛在這好好享hiongˋ福fukˋ,分阿明你來孝順佢正zang 著啊gaˇ,阿明遽giakˋ遽去尋cimˇ,請你介義父轉來。

阿明:義父信仔肚裡寫,涯等唔使尋佢,父子介緣ianˇ份盡了neˇ,若係有緣以後有機會再相逢。

眾親戚:阿明!今晡日有恁好介福氣,真係這下一般人得唔到的喲!

阿姆:義父既 gi 然離開,他住介房間還係愛保留等,希望有一日佢會轉來!

阿明:今晡日以後涯會認真打拼做事se,唔會分義父失望,涯也會打探 義父介消息,等佢轉來。

眾親戚:這真係安anˊ到doˊ<有量正有福>!

 

音樂:

=====劇 終==== 

----------------------------------------

◇三.本文客家四縣語文注解:

1.()():括弧表示另字.就這樣。與恁anˋ地neˊ同。<涯ngaˇ>改人部首。

2.本文內ㄚ音(.),音(......),ㄛ音()皆為轉音字。

3.假作:假裝扮作。<哺buˊ>娘:姐ziaˋ仔veˋ:太太。<哺buˊ>改女部首。

4.().().佢伊()。吾ngaˊ:我的 ,若naˊ:你的,其iaˊ:他的

5.癲仔:神經病的人。戇ngong仔ngeˋ,憨hamˊ仔meˋ,呆ngoiˇ仔 iaˋ(呆deˇ)。

6.本成sangˇ:本來就是。該ge:那個。緊 inˋ行緊inˋ講:邊走邊講。緊inˋ又音ginˋ。

7.跈tenˇ:跟ginˊ著.隨著。棄hi 嫌hiamˇ:嫌棄<華語>。

8.若naˊ係he:假如是。隔(合gapˋ)壁而非隔gakˋ壁:指鄰居。

9.麼manˋ人:是誰。<核kaiˊ>:挑擔,<核kaiˊ>改提手部。

10.安anˊ到()doˊ後加名詞.安到do後十形容詞。

11.唔使siiˋ:不用.唔同毋字。省使免得。

12.好hoˋ勢se:週全.一切OK!量liong度tu &度量(肚duˋ量)。

13.生senˊ理 liˊ:生意。顛 dienˊ倒do:反而 iˇ:倒doˋ同倒do轉來意義不同。

14.在奈nai 呢noˋ:在那裡呀!<在>介地方語音有(ciˊ.coiˊ.teˊ.keˊ.do.diˊ.toˊ)等等地方語音。

15.遽giakˋ遽:快快.北部音為satˋ。

16.唔單只又搭dapˋ:不但而 iˇ且ciaˋ。

17.嘎ga:語意反轉詞後面接就(tu ,lu ,ciu)係。<尢 ang>是順承siinˇ語詞。

18.邸dai:住het(南部用語)若naˊ係he:如果是。

19.蒔sii田:插秧iongˊ。做得:可以。

20.谷gukˋ種:稻種.穀同谷字通用介俗siukˋ字。

21.<汒moangˇ>到:未到.同<唔曾cienˇ>。<汒moangˇ>改口部首。

22.嘎ga無:不然。假如沒有這樣。外no 背:外面。

23.譴kienˋ:生氣(受su氣)。國語生氣(主動),客語受氣(被動)

24.朝zeuˊ晨siinˇ:早上.食朝(吃早餐)。朝zeuˊ朝:每天早上。

25.係he唔係me:是不是,好hoˋ唔好moˋ:好不好.愛oi唔愛 moiˊ:愛不愛等複合音字。

26.秧iongˊ仔ngeˋ:稻苗,較長。當香hiong :相當香。

27.田事se:田肚介工作.事sii(勞心).事se(勞力):兩者不同。

28.水災zaiˊ,風災caiˊ是為災的破音字。

29.餓ngo肚笥siiˋ:餓肚子。舊年仔:前年仔,去年。

30.供giung:生產。生產用語:養iongˊ(獸類),出cutˋ(禽類),

31.孲oˊ<牙ngaˇ>仔:嬰兒,<牙ngaˇ>加子部首,另有ngaˊ音。

 

===客家語文研究工作室提供==

回應
客語教學網站
公家機構網站
學術機構網站
其他客家網站
工具箱
    沒有新回應!
關鍵字