200805101700客家廣播劇&舞台戲白話文 :親cinˊ情cinˇ

◇編劇:一先 。◇客語文譯註:廖金明。◇整理&校對:坑中水。
◇客家鄉土語文研究工作室提供(0921685867)。
◇看讀本文,敬請先看(三)本文客語四縣語詞注解。

 

親cinˊ情cinˇ

一.劇中人:旁白,父親,母親,阿正ziin,秋蓮,且ciaˊ姆meˊ等六人。

二.劇文:

◇旁白:在鄉下有一對老夫妻,供giung有一個賴仔名喊阿正,省省sangˋ儉kiang儉分佢giˇ去到美 

              國留學,有一日朝zeuˊ晨打電話轉來,其 iaˊ爸接到:

父親:喂 veˊ!麼manˋ人哪 naˇ!麼人哪!

阿正:阿爸!涯ngaˇ係阿正啦!

父親:你這下在奈nai 啊 iaˇ!

阿正:涯這下在美國紐neuˋ約iokˋ啊 ga!

母親:嘎!老個!阿正打介電話係he嗎maˇ?換van涯接!

父親:唉唉唉aiˊ!人毋mˇ曾cienˇ講好,樣ngiongˋ搶恁anˋ緊!?

阿正:媽!妳身體好嗎?

母親:好啊vaˊ!唔過該ge腳有時節多少會痛,無麼介相干gonˊ啦!最近涯有去學唱山歌噢voˊ!阿正!涯唱一條分bunˊ妳聽愛嗎?

父親:老姐ziaˋ!該ge係國際電話呢!無人在國際電話中唱山歌介啊 iaˇ!

母親:正月啦來思戀!真哪na真思戀……….

父親:唉唉唉aiˋ!老姐ziaˋ!電話愛錢呢!國際電話當貴啊 iaˇ!換涯講!換涯講!

母親:人家唔曾唱忒hetˋ!又搶恁anˋ緊!

父親:喂veˊ!阿正!惹ngiaˊ姆學到兩句地 ieˊ山歌就藏congˇ唔住het.在屋家時一日唱到暗,暗晡頭唱!睡目也gaˊ唱,洗身也 naˊ唱,發bot夢也在該ge唱。

阿正:阿爸!阿姆有該ge介精神唱歌娛ngu樂盡好,涯盡贊成汝等唱山歌。

父親:阿正!最近惹ngiaˊ學業樣ngiongˋ般哪?

阿正:昨晡日考試考忒了 leˇ,這下較go閒,涯想天光日愛同秋蓮共下轉臺灣,大約數sii 係暗晡頭十點就會到桃園中正機場。

父親:嘎ga!涯交代dai 隔gapˋ壁駛計程車的阿良去機場接汝好嗎?

阿正:爸!唔使siiˋ啦!您等在屋家等涯就好了veˇ啦!

父親:好啦!嘎就有麼makˋ介話,等轉臺灣才nang來講。

阿正:好!再見!

父親:再見!

--------------------------

音樂:

◇旁白:兩老仔veˋ聽到賴 lai 仔ieˋ介電話,講天光日會轉來,真係歡喜!尤其係老人家幾下年無看到賴仔阿正了neˇ,真係心中急到了第二朝晨,一<鈧hong>床就注意壁上的時鐘。

母親:老個!汝聽話有聽差無moˇ?現下十點零了ngeˇ!樣阿正同其 iaˊ姑娘還無到屋家?

父親:唔會錯co,係十點啊maˇ!

母親:汝無看!現下係十點零,十一點就會到了veˇ呢?

父親:老姐!汝噢ngoˋ!有罅 la緊張,現下係朝zeuˊ晨頭十點,人家阿正倆公婆愛暗晡頭介十點才會到哪naˊ!

母親:麼manˋ人喊汝唔講清楚一些sitˋ地 leˊ啊 iaˇ。

父親:妳就係井肚介蛤蟆樣,唔識出空介?

母親:無汝!敢知美國的時間同臺灣的時間有麼介無相同嗄ha?

父親:美國日時siiˋ頭,臺灣就係暗晡頭,像賴仔阿正去住的地方,美國朝晨頭10點就係臺灣暗晡頭介十點!

母親:唉aiˊ!你樣ngiongˋ知diˊ呢?

父親:涯看新聞才會知的!

母親:嘎ga!涯是siiˇ唔識字啊 aˇ。

父親:唔識字是siiˇ愛問人哪naˇ!

母親:噢oˋ!原來時間係倒 貶bienˋ,害涯緊張一下。

父親:這就係安onˊ到doˊ頭一擺baiˋ做家娘!

母親:下一句涯曉得講:喊做<嗶bit嗶掣catˋ>!

父親:知diˊ就好了!

---------------------------------

音樂:

◇旁白:兩老仔為著cok賴仔心舅對美國轉來,就向隔壁鄰舍,親戚朋友來通知。分大家來分享伊等有一個賴仔,去美國留學轉來的光榮,從朝晨頭期待到暗晡頭十點零,還唔曾cienˇ看到賴仔心舅轉來,一直等到夜了veˇ,兩公婆也相當痶tiamˋ了meˇ。

父親:老姐!妳先去睡!涯來等。

母親:涯想!一定係妳電話聽無清楚!

父親:涯又無耳聾,樣會無聽清楚!

母親:唔知會延期無moˇ?

父親:無定著cok唔知會先轉外家去無?

母親:伊兩公婆也係新心舅,歸來時應該愛先轉來見家官家娘!樣ngiongˋ做得先去轉外家呢?

父親:老姐!現下是siiˇ麼個時代了ieˇ!

母親:唔係涯計較gauˋ,這係規矩,啊!<敆gok>門聲…..!一定係阿正轉來了!涯來開門。

阿正:媽媽!阿爸!涯等轉來了!

秋蓮:媽媽!

父親:入來!入來!

母親:阿正!東西放啊nga廳下來!

阿正:爸爸!

秋蓮:爸爸!

父親:轉來就好了!轉來就好了!

阿正:媽媽!妳較瘦ceu了veˇ呢?汝介腳係樣ngiongˋ地ngeˊ啊?

阿姆:好盡多了,阿正!你唔係講十點就轉到臺灣嗄ha?

阿正:係he啊iaˇ!出海關手續蓋麻煩,慢到這下。

秋蓮:媽媽!這個化妝品保養皮膚盡好,你拿起來!

阿正:啊aˋ!這隻手錶仔係美國目前最流行的,係愛送分爸爸介。

父親:唔ngˋ!這隻手錶仔有大方,一定係當貴!

秋蓮:唔會盡貴啦!

阿正:涯秋蓮唔知您兩位老人家歡喜麼介做等路,淨淨買這一些東西表示心意。

阿母:好!涯有適用當合gakˋ意,天光日涯就搽這個化妝品來去山歌班上課。

父親:老姐!妳噢ngoˋ!婦人家就恁愛靚ziangˊ!

阿正:阿姆靚ziangˊ,係阿爸您有面子啊aˇ!

父親:美國轉來坐飛機一定係當痶tiamˋ了!

秋蓮:爸爸!涯等唔會痶。

母親:涯同若naˊ爸日盼pan夜盼,今晡日總算平安轉來,今下你兩公婆可以同涯過你介阿爸一家共下住了。

秋蓮:媽媽…….

阿正:涯等!

父親:老姐!人家恁遠才轉來,痶tiamˋ了meˇ等伊等休息哪!

母親:阿正!帶秋蓮去房間休息。

阿正:好!好!

-----------------------------------

音樂:

旁白:兩老等到賴仔心舅對美國轉來,歡喜到嘴合唔揫ciuˊ,打早就去市場買好食的東西,山珍海味,在廚房燉補,燉雞仔,準備到一張桌豐pongˊ豐富pai富!

父親:老姐!一張桌放唔落了geˇ呢?

母親:老仔!你先喊伊等兩公婆出來食飯!涯再來炒一樣豬腰仔炒麻油,這樣菜係阿正最好hau食介!

父親:煮一些sitˋ地leˊ就好,煮恁多食唔忒打喪songˋ了ngeˇ。

母親:涯知diˊ啦!

父親:阿正!秋蓮!出來食飯!

秋蓮:媽媽!唔使siiˋ啦!涯外家該片煮好了!約好,等涯轉去。

母親:麼介啊 iaˊ!這下就愛轉外家去喲 ioˋ!汝等今晡buˊ日正入門轉來介頭一日,做唔得!一定愛食飽飯才走,還有汝等天光日愛拜阿公婆喔voˊ!

阿正:好啦!媽媽!涯盡久無食你煮介菜了ieˇ,秋蓮來食飯!

秋蓮:阿正!阿正!

-----------------------------

音樂:

旁白:阿姆惜siakˋ子,留賴仔心舅食飯,心舅情不願就唔出聲,轉身入間肚裡,將房間的東西丟在地泥下,阿正食無半碗飯,也無食到伊最愛食介豬腰炒麻油,聽到姐ziaˋ仔在房間肚裡發脾氣,入到房間來;

阿正:秋蓮!涯等在美國講好了veˇ,愛轉來住的,樣般現下你又發脾氣了ieˇ呢?這一些sitˋ東西妳唔歡喜,以後買過新的就好了veˇ嗎!

秋蓮:一開始涯…..涯就反對轉來住的,係你求涯介,涯才勉強答應,當初汝也無講,你屋家恁anˋ窮苦,冷氣無,冰箱,電視也無,這個屋家就像人的狗竇deu。

阿正:涯知!這擺轉來,委屈kiutˋ汝了ngeˇ,慢慢的妳會適應這個環境的,伊等兩位老人家蓋隨和,慢慢地neˊ妳會發現這個家庭係蓋幸福介!

秋蓮:幸福!幸福!涯真後悔fiˇ答應跈tienˇ你轉來。

阿正:秋蓮!妳愛知兩位老人家恁老了,伊等辛辛苦苦省sangˋ儉kiang賺錢,分涯讀大學,省食省用分涯去到美國留學,這下喊涯丟忒這兩位老人家,涯實在做唔到!若係照汝介意思,涯會對不起涯自家介良心,秋蓮!秋蓮!請妳諒解!

秋蓮:你逐dakˋ隻月唔會寄一些錢分伊等用就好了veˇ嗎?

阿正:錢不能使伊等樂,伊等需要涯轉來同伊等共下邸dai ,一家人可以互相照顧。總講一句,伊等淨淨有一個賴仔ieˋ了 ieˊ。

秋蓮:你可以接伊等去美國住het啊 laˇ,但係你偏偏愛轉來,到底你係愛涯也係愛這個家?

阿正:太太!這兩位老人家在美國的生活唔慣guan,妳莫為難涯好嗎?

秋蓮:好啦 laˇ!涯莫為難你,從這下開始,隨在你樣般做,同涯無關係!

阿正:你樣恁唔講理(受氣)!這個地方有麼介唔好呢?你涯共樣都係臺灣出世se的,成人長大了以後當然也愛留在臺灣哪!

秋蓮:好!聽你恁anˋ地neˊ講,涯也無法忍受,至於你的東西衫褲涯會送過來,你盡量去做你爺娘的有孝子!涯等介關係就到這裡為止!

------------------------------------------

音樂:

◇旁白:秋蓮同阿正談判無好勢se,一譴kienˋ之下,離開了阿正介家中,氣拋拋到包袱fuk仔一拿,就回轉外家去了ieˇ,阿正介阿爸阿姆meˊ知得了這對新婚夫妻變冤ienˊ家,捨saˋ唔得賴仔受到委屈kiutˋ與心中介鬱vutˋ悴zutˋ,其iaˊ姆就講:

母親:阿正!涯同你介阿爸害到你受到恁大介委屈了!啊----!

父親:都係怪涯等介屋家窮,若naˊ係無恁anˋ地neˊ,就唔會發生這款kuanˋ的事。

阿正:阿爸!阿姆!這做唔得怪你等兩位老人家介主意就先結婚,知伊等係貪富欺貧。

父親:貪富欺貧!莫難過!阿正!總有方法解決介!

----------------------------

音樂

◇旁白:阿正心肚裡想,秋蓮在美國從頭到尾都係真少發脾氣介,想唔到轉來台灣來就鬧情緒,阿爸知賴仔的心情,當伊食飽朝zeuˊ以後,其爸就同阿正共下坐下來講:

父親:阿正!公婆冤ienˊ家係常songˇ事,<床頭打愛床尾和>,汝去帶秋蓮轉來。

阿正:阿爸!阿爸!

母親:老個ge!屋仔geˋ的事啊aˇ,你就講分阿正知diˊ。

父親:來!阿正涯同講,就係涯等這裡再過去一些sitˋ,大路邊又係鬧區黃金地段的地坪,有500係涯等介,有人出價 一坪15萬銀,該時節捨唔得賣,涯留等將來愛分你介,涯看你就將這個地坪好好地去利用!去發揮。

阿正:阿爸!阿爸!涯樣唔識聽你等講過,涯等在楊梅鬧區還有一塊500坪介土地呢?

母親:你去美國恁久,涯同你介阿爸省食省用,剩cunˊ下一些sitˋ錢來買土地,兩年前地主講,愛移民到歐洲,就便pienˇ宜nginˇ便宜半買半送分涯等介。

父親:奈nai知!大路一開,地價就飆beuˊ起來,現下當多大老闆banˋ合gakˋ意看中這塊地坪。

阿正:原來涯等還係大財主,還住het啊la在這個矮芧寮屋噢goˋ。

父親:涯同你介阿姆想,暫時還邸dai得就好了,就愛等你留學轉來,才來處理啊iaˊ!

阿正:既gi 然涯等有恁闊fatˋ的地坪,涯又係企業管理學有專長,加上秋蓮也有商業生理的頭腦,涯這下就來去帶秋蓮轉來計劃。

母親:好好好!嘎ga無就遽giakˋ遽去!遽遽轉!

阿正:好!好!

--------------------------------------

音樂:

◇旁白:秋蓮外家係好額ngiakˋ人家,係一位好額人家介妹仔,自家戀愛認識阿正,在美國公正結婚介,看到阿正屋家恁窮苦介環kuanˇ境,過唔慣窮苦人家的生活,就逃走轉外家幾下日了,該晡buˊ日仔秋蓮的阿姆感覺到奇怪!妺仔結了婚,婿郎樣無共下轉來?

媽媽:秋蓮!秋蓮!妳講阿正無閒,愛兩日以後才會來,今下也過了會一星期了,樣ngiongˋ還無看到人來呢?

秋蓮:涯唔知diˊ喲 ioˊ!

媽媽:秋蓮!既然汝係人介心舅了,奈nai有轉外家住恁久的呢!

秋蓮:涯!人心情唔好,莫同涯問恁多啦!

媽媽:涯係關心妳,莫嫌媽媽囉嗦,愛怪就係怪涯還細將你寵ziungˋ壞fa ,愛麼介買麼介,今下做人介<哺buˊ>娘,做人介心舅了,不比還係做細妹介時節,將來還愛做人介爺娘介!

秋蓮:涯……

媽媽:係唔係有麼介委屈kiutˋ,有麼介困難點呢?

秋蓮:伊等介家庭恁窮苦,邸介爛屋仔,像人家介狗竇dau 一樣!

媽媽:噢!原來嫌佢屋家窮苦,所以才走轉來介喲!唉aiˊ喲 ioˊ!秋蓮!以前妳表哥恁歡喜恁愛妳,妳又嫌佢恁風流,這下嫁到孝順老實介,妳又嫌,涯真係對汝無辦法,實際上涯感覺到阿正生來較go有福相噢ngoˊ,人講:寒門出孝子!阿正這種介表現,實在無爭zenˊ差。

秋蓮:該ge就係涯自家選介,今晡日才會啞子食黃蓮,有口難言。

媽媽:承認!承認!這下汝無話講了neˇ嚎hoˋ!

秋蓮:媽媽……

媽媽:這就係妳不對,人家老實打煞satˋ猛mangˊ,阿正唔會嫖peuˊ,唔會賭這就係本錢。

秋蓮:涯就係中意伊這點,在美國蓋多細妹追佢,驚分人搶走,才會自家主意遽遽嫁分伊介。

媽媽:妳做事情欠考慮啦!無彩繳妳讀恁多書,雖然媽媽無讀麼介書,但係涯做事唔會意氣用事,以前涯嫁分若naˊ爸時,若爸又係係窮苦人介賴仔,嫁來介時節,三餐無魚無肉,愛等過年過節才有好食,又係大家庭,奈有像你現下恁自由,嫁到唔好就走轉外家來,嘎ga係以前像妳恁地做,會分家官家娘打死喲!涯還唔係跈tenˇ等惹爸<捲ten>手賣水果,慢慢地賺錢,做中盤以後再做大生理,生活無恁好過。(撚ngienˋ電鈴聲…..)

媽媽:麼manˋ人啊?秋蓮妳去喊歐巴桑開門。

秋蓮:歐巴桑去市場了ngeˇ,涯來開,麼人哪?

阿正:秋蓮!係涯!

秋蓮:噢o!噢!入來!

媽媽:麼人來呀!麼人來呀!

阿正:媽!媽!係涯啦!

媽媽:阿正!阿正!坐下來!樣般兩公婆冤家係he嗎?

阿正:唔係me啦!媽!係秋蓮美國轉來這下唔適siit應,涯講話較go大聲,害伊心情唔好啦!

媽媽:阿正!你也唔使自家受委屈,涯頭到同秋蓮講蓋多了veˇ,等歐巴桑買菜轉來,煮好食飽晝,共下帶秋蓮轉去!

秋蓮:媽!媽!涯在這屋家過到盡慣guan呢ne!

媽媽:大小姐的生活當然慣呢no!

阿正:媽媽!涯今晡日來一方面請秋蓮轉去,另外一方面係報告好消息,搭愛同秋蓮商量計劃!

秋蓮:麼介好消息?看你您歡喜!

阿正:吾ngaˊ爸在兩年前在楊梅買一塊500的土地,講愛交分涯來處理。

媽媽:係he唔係me有一條大路邊街市蓋熱鬧介,該ge塊地坪?

秋蓮:媽媽!您樣ngiongˋ知呢?

阿正:係he啊iaˇ!係啊!

媽媽:樣會唔知!舊年仔neˋ上屋專門介紹土地的中人講這塊土地講到今,朝zeuˊ晨帶惹爸去講到今還毋曾cienˇ轉,這下在鬧熱地區愛有500的所在,就只有這塊地了,原來親家就係地主噢voˊ!真係;面前有佛不求,走到南海拜觀音!

阿正:怪人唔得!係涯去美國恁慢正轉來,中人又唔講清楚地主係麼人!

秋蓮:害阿爸<迂dinˊ>了一大轉zanˋ!

媽媽:秋蓮!你看!涯就係講阿正係有福氣介人噢!

秋蓮:媽媽!爸爸係轉來時,喊爸爸請建築師設計起10樓以上的辦公大樓!

媽媽:涯知!不但愛請設計師建築師搭dapˋ還愛請惹爸爸投資著cok嗎?

秋蓮:媽媽!你真聰明!樣恁知啊iaˇ!

阿正:秋蓮!你介要求唔會忒tetˋ過份嗄haˋ?

媽媽:無辦法!麼人喊佢淨供一個係妹仔了ieˊ?也淨有一個係婿郎,半份婿郎半份子,別人都愛<捲ten>手,莫講自家介婿se郎!

阿正:多謝媽媽!多謝媽媽!

媽媽:唔過汝兩公婆愛答應涯一個條件!

秋蓮:媽媽!你也ngaˊ會講條件噢noˋ!

阿正:媽媽!汝講介係麼介條件呢?

媽媽:明年供giung一個賴仔也係妹仔都好,分bunˊ涯做阿婆介看!

秋蓮:媽媽!媽媽!

-----------------

音樂:

◇旁白:秋蓮.阿正食飽晝zu,離開外家轉屋家,同家官家娘會fi失禮,阿正有丈人佬的投資之下,幾年後商業辦公大樓建啊na相當好,秋蓮也供了ngeˇ一個賴仔,有家官家娘痛惜度孫仔,秋蓮.阿正打拼做事業,生活富裕,家官家娘將秋蓮當做係自家介妹仔一樣,秋蓮也相當孝順家官家娘,從此一家人過等幸福美滿快樂的日仔!?

 

=== 劇 終== 一方  編劇==客家鄉土語文研究工作室提供==承蒙大家====

◆三.本文客家四縣腔注解:

1.供giung一個賴lai仔:生一個兒子。生產人用<供>,獸cu類用<養iongˊ>.禽kimˇ類用<出cutˋ>,昆蟲類用<生senˊ>,草木用<生sangˊ>,偉人神仙用<降gong生senˊ>。

2.其iaˊ爸:他的爸爸.其又有iaˊ音。我的:涯介:吾ngaˊ。你介:若naˊ,惹ngiaˊ。等代名詞。<吾,若,惹,其>後不加<介>字語。其iaˊ(南部音):厥giaˊ(北部&海陸音)

3.麼manˋ人:什麼人或用<麼manˋ>一字省略詞。

4.奈nai:什麼地方。<涯ngaiˇ>字改<人>部首。

5.嘎ga:反轉用語<不然>的意思.順接上句語意則用<尢,ang>。

6.<汒mangˇ>:唔曾,未曾。無汝:那麼你呢?

7.()anˋ久:<很>久的意思.同<蓋,當>久語同義。

8.該ge:那個。有罅 la緊張:有夠緊張。

9.老姐ziaˋ:老婆.妻子.姐ziaˋ仔veˋ。小姐ziˋ。

10.考忒hetˋ了:考完了。忒:北部音tetˋ,南部音hetˋ,東勢音petˋ

11.隔gapˋ壁:鄰居.本語音為<gapˋ>並非<gakˋ>。

12.日時siiˋ頭:白天。暗晡buˊ頭:晚上。

13.倒 do貶bienˋ:相反。<貶>北部音benˋ。

14.嗶bit嗶掣catˋ:緊張的意思。

15.知diˊ就tu好:知道就好.<就>有<ciu,tu,lu,du>四個地方語音。

16.<瘝kioi>了:累了.北部痶tiamˋ了meˇ。<瘝kioi>將<眾>改<彖>字。

17.延ianˇ期(南部音).延ienˇ期(北部音)

18.敢gamˋ知:怎麼知道。

19.無定著cok:不一定。

20.廳tangˊ下:正身siinˊ屋大廳。東勢<廳tenˊ下>音。

21.淨淨買:只有買。

22.恁愛靚ziangˊ:這麼愛漂亮.睛豬肉.禾仔菁。

23.打喪songˋ:浪費。喪忒hetˋ:死掉。

24.麼介啊:什麼啊!本句若將<介>停頓一下→<麼介     啊 iaˊ>表示驚奇的含意。

25.逐dakˋ隻月:每一個月。

26.一譴:一氣之下。生氣(主動)=受氣(被動)

27.今晡buˊ日:今天.昨晡日:昨天.天光日:明天。昨co夜。

28.心simˊ舅:媳婦.又見<薪臼>一詞。

29.省sangˋ省儉kiang儉:非常節省節儉.此<儉kiang>可能是<kiam>之走音。

30.今下ga:現在,<下>是今與下兩字合音為。

31.遽giakˋ遽:快快.北部為<satˋ>音。

32.好額ngiakˋ:有口heuˋ.指有錢人。

33.飆beuˊ起來:跳起來.同驫beuˊ字。

34.唔好moˋ:不好.唔愛.唔係.為合音字。

35.狗竇deu:狗竇.蜂竇.鳥竇。比喻糟糕不好。<情竇deu初開>。

36.煞satˋ猛mangˊ:努力打拼。拼(南部音bia )(北部音biang )

37.食晝zu:吃中飯。食夜:晚餐。食朝zauˊ

回應
客語教學網站
公家機構網站
學術機構網站
其他客家網站
工具箱
    沒有新回應!
關鍵字