200805160817客家廣播劇&舞台戲 高樹老庄英雄好漢---廖金鐘

客家廣播劇&舞台戲<7>高樹老庄英雄好漢---廖金鐘       

◆編劇&作家:一先 。◆客語文譯:廖金明。◆ 整理&校對:坑中水。
本篇語文注音用高樹腔
 
◆高樹老庄英雄好漢---廖金鐘:
◇ 劇中人:廖元昌,廖金鐘,阿義,阿光仔,陳皇帝,鄭國公,眾長者,後生仔,阿發仔,老庄<甲,乙,丙>
                    等12人。
◇旁白:
          在西元ianˇ1750年之ziˊ時siˇ,離現在有257年介時間了niˇ!住在屏東縣高樹鄉老庄這兜鄉親,大部份來自廣東省梅縣.蕉嶺.永定,其中來自永定介廖元昌,當時帶等nenˋ一個二十零歲介宗親--金鐘來到高樹老庄住het,有一日廖元昌同廖金鐘在掌牛介牛埔坪,堵duˋ好廖金鐘在該ge掌牛介中間,認真在該ge 練武藝 ngi工夫,廖元昌行兼giamˊ來同金鐘講:
 
廖元昌:金鐘啊ngaˇ!<涯ngaiˇ>等倆子ziˋ叔自來高樹到今,不知不覺又過了viˇ五年了niˇ!
金鐘;有影!時間過了vi 實sit 在係遽giakˋ!(這時聽到鄰舍宗親阿義喊)
阿義:金鐘金鐘金鐘!遽遽歸來喲 io!…。
金鐘;(隨時應聲回答)麼介事si 啊 ia!涯同涯介阿叔掌zongˋ牛仔viˋ,這下無閒噢noˇ…!
阿義:外地人又來欺侮涯等老庄zongˊ人了ngiˇ喲 io!
金鐘;噢 oˋ!你過等denˋ一下!涯馬上到!
阿義:好!共快喲!
金鐘;(同其iaˊ叔講)阿叔!外地人又來涯等老庄,唔知有麼介事si!涯歸來去看一下!
廖元昌:好!自家愛較go 細義ngi 啊ia 喲ioi!
金鐘;會啦!阿叔!你放心!
阿義:(看到金鐘用走zeuˋ忒tetˋ地liˊ歸來時),金鐘金鐘!較遽啊gaˋ!涯帶你來去看。
金鐘;看麼makˋ介ge!
阿義:(緊inˋ走緊inˋ講),因為引 imˋ田水介事si 啦!
金鐘;涯等denˊ老庄人介田,係在水口heuˋ頭,引水奈nai 有麼介問題呢?
阿義:名講係水口頭,但是si 水愛先讓鹽樹下該ge庄人先引水引足了以後,才輪 lienˇ到涯等老庄
            介人。
金鐘;係嗄ha !樣ngiongˋ恁anˋ無道理呢no!
阿義:因為恁anˋ地niˊ,愛等denˋ佢giˇ等nenˊ水引足以後,正輪到涯等老庄!涯等無水蒔si
           秧苗,涯頭到do正將水作zokˋ過老庄來,這下鹽樹下庄來了兩個惡霸,又將圳水翻淨淨,又
           搭當惡介趜giuk、過來愛拂ut 涯等,大家都係驚到緊惇zunˊ,奈伊等唔何。
金鐘;惡霸!惡霸有麼介好驚?
阿義:所以老庄人這下就靠你來保護了viˇ喲!
金鐘;無問題!等涯廖金鐘來教訓佢等,豈kiˋ有此理!
-------------------
◇音樂:
◇旁白:
         老庄同鹽樹下庄為了引 im水,發生了河洛客爭水事件,鬧到do 兩庄人毋和氣,在當時介滿清政府也不管地方介事,百姓登常以武力來解決。講到doˋ每年到了二月,老庄人都係依照風俗,愛請戲班仔來開庄伯公前演<二 ngi 月戲>(伯公戲),消息傳到鹽樹下庄,庄民阿光通報兩位惡霸陳皇帝同鄭國公。
 
阿光仔:報告陳皇帝!老庄今晡日開始在老庄介開庄伯公頭前,愛做二月戲啊 ia 喲 io。
陳皇帝:老庄人真係眼中無人,仰ngiongˋ毋使照涯介規定,來邀請鹽樹下庄人去看戲嗄haˋ!
鄭國公:誒eˊ!無成sangˇ老庄人介皮又在該ge 癢iongˊ了ngiˇ哪naˇ!
陳皇帝:阿光仔ngeˋ!你暗晡夜派一群人去戲棚下掌zongˋ等nenˋ。
鄭國公:記得伊等有準備好兩張籐竹椅,放在最頭前,侍si候涯同陳皇帝坐介貴賓座無moˇ?
阿光仔:好!兩位大哥還有麼介愛交代dai 介無moˇ?
陳皇帝:還有!若係涯等兩儕saˇ唔mˇ曾cienˇ到場,使siˋ唔得開鑼做戲。
阿光仔:好!嘎ga 涯先來戲棚下準備。
--------------
◆本篇語文注音用高樹腔。
◇音樂):
◇旁白:
           食飽夜以後,老庄同鹽樹下庄介人,都係<兜deuˊ>等nenˋ矮凳仔niˋ尖來尖去,入到戲場下來,當時再加上做小生senˊ理介小販仔,戲場下非常熱鬧。當時廖金鐘也係到場來看戲,但是企了 iˇ當久,只有聽到戲棚頂高介鑼鼓,鏗kin鏗鏘kiang鏘!響了ngiˇ歸暗晡仔viˋ!續sa 無看到doˋ著zokˋ戲服fuk介人,探聽之ziˊ下,就係戲棚頭前兩張竹椅貴賓座介主人毋曾cienˇ到場,廖金鐘看到這種無奈nai 介情形,譴kienˋ到鼻公緊出煙,所以就走zeuˋ上前大大方方的ngi 坐下去!同時大聲宣佈講:
 
廖金鐘:時間超過忒tetˋ久了viˇ!這下開始siˋ開鑼做戲!
眾長者:做唔得,做唔得!再忍耐,再等一下!
後生仔:麼介樣式sitˋ啊 laˇ!涯等企啊ia腳都企kiˊ軟了niˇ呢neˇ!還唔曾做戲!
眾長者:這兜deuˊ後生仔niˋ莫恁氣拋拋到doˋ啊vaˇ!若naˊ係he 這下就來開戲,過等dinˋ
                啊na 台下介戲會比戲棚頂高介戲較精彩喲 ioˊ!
後生仔:驚漦siauˇ嗄haˋ!開始做戲!開始做戲!開始做戲!
廖金鐘:確實有影!時間超過忒tetˋ久了viˇ!這下開始siˋ開始做戲!有事si 情cinˇ涯廖
               金鐘一人負責!絕對唔會牽連大家,請開始siˋ開鑼做戲!這個大位唔坐恁打喪song、
               ,涯來坐!
鄭國公:唉eˋ!皇帝兄!今晡buˊ暗晡buˊ老庄人介菜色同酒不壞喲!哇va呷giakˇ啊gaˋ足
              giokˋ醉!噢!你看!戲棚下實在多人!
陳皇帝:唉eˊ!奇怪!這下樣開始做戲了iˇ呢no!
鄭國公:唉eˊ!涯等介位仔 iˋ樣ngiongˋ有人在該ge坐呢?
後生仔:金鐘!鹽樹下庄介兩個惡霸來了iˇ呢ne!
廖金鐘:無相干!看佢等倆人敢對涯樣ngiongˋ地ngiˊ!隨在佢!
陳皇帝:(陳皇帝同鄭國公火冒mo三丈,兩人起手視sii正zang廖金鐘拂fut過來)嚎嚎hoˋ!你真好
                大膽,涯等倆儕介大位汝啊ngaˊ敢坐,敢同涯來作對!
廖金鐘:(將陳.鄭兩人輕輕緊抵緊擋,緊抵緊擋,不費功夫抵擋退了幾下步遠),你兩人根本都唔係
                涯介對手!
鄭國公:好膽出來!來去人較go少介地方再來比一下!
廖金鐘:出來就出來!驚gia啥sa漦siauˇ(河洛話)!
-----------------------------
◇音樂:
◇旁白:廖.陳.鄭三人在空地大打出手,廖金鐘退到西柵門邊時,翻頭緊手抽拿出閂柵cak門介大槓gong仔(相似耕田用介大盪棍),比手劃腳了giˇ兩三下,陳鄭倆人一時嚇到失sitˋ膽,身邊觀看介大眾,大聲喊精采,陳.鄭倆人心中推測cetˋ,廖金鐘一定係有練過武藝功夫介人,所以趕緊離開戲場,歸鹽樹下庄。廖金鐘心神板勢非常在cai介行轉戲棚下來看戲。陳.鄭倆人離開老庄,歸到鹽樹下庄以後,佢等倆儕自從都唔識嘗songˇ過失敗介味道,所以心中相當鬱vutˋ悴zutˋ與不服fuk。第二日派帶有武藝功夫介阿發仔li ,去老庄打聽,到底昨暗晡來做對頭介係麼manˋ儕saˇ人。當阿發仔來到西柵門時,堵duˋ好廖金鐘也牽牛來到開庄伯公下介陂biˊ塘溫vun浴iokˋ,阿發仔就問廖金鐘:
 
阿發仔:請問掌牛哥仔,昨暗晡在戲棚下同陳皇帝.鄭國公相打介,該ge隻後生仔係何等人物?
廖金鐘:該ge位喲 ioˋ!該ge就係涯介師父廖金鐘啦!你唔知喲 ioˋ?
阿發仔:係he唔係me做得帶涯來去見你介師父好嗎?
廖金鐘:(心想!這個人一定係對方派來的)好!等涯將牛仔綯toˇ好以後,才nang共下來去!
阿發仔:好啊!涯看你綯toˇ牛仔viˋ!
廖金鐘:(一時尋cimˇ唔到綯牛介墩仔niˋ,所以運了氣功,將田脣打一大空kangˊ,將牛索sokˋ
              像穿con針線樣穿conˊ過去,牛仔就綯在該ge)牛仔綯好了!涯帶你來去見涯介師父!
阿發仔:(阿發仔親眼看到廖金鐘介師仔 iˋ,用拳頭打田脣介功夫,佩服與嚇到)毋使siˋ咧 leˊ!
                承蒙你(翻頭遽giakˋ遽轉歸鹽樹下庄)!
陳皇帝:國公!你看!阿發仔轉來了 iˇ喲 io!阿發仔!看你走到兩腳無貼dapˋ地,到底係有
                麼介事啊iaˇ。
鄭國公:係呀!你看!面色續sa變啊na呷gap青了ngiˇ,無成看到鬼哪naˇ!
阿發仔:噢oˋ!比看到鬼還愛較go厲害。
陳.鄭:仰ngiongˋ地ngiˊ講!
阿發仔:涯堵duˇ到廖金鐘介師siˊ仔iˋ,看到佢介武藝恁高強,涯驚怕見到厥giaˊ師父時,一定
               係有命去,無命歸。所以涯就連爬帶滾介走zeuˋ歸來,遽遽稟報,嘎ga無,你等去了,包死 
               無歸介!
陳皇帝:噢oˋ!聽阿發仔恁地niˊ講!國公同涯都毋係me佢介對手噢voˊ?
阿發仔:確實!汝等倆儕saˇ加上hong起來也唔係佢介對手。
鄭國公:嘎ga好!涯來想一介計謀meuˇ!輕輕地ngiˊ就將佢拈ngiamˊ入落袋介。
陳皇帝:麼介計謀! 
鄭國公:涯等來詐za意出一張請帖,內容係講;老庄同鹽樹下庄和平相處介事,邀請廖金鐘來商
                量,<晡pu>到這機會,就將佢暗中用梟hieuˊ度將廖金鐘謀meuˇ忒hetˋ了 li去。
陳皇帝:好!好!神機妙算!有道理!帖仔biˋ寫好以後再派阿發仔 liˋ送過去!
阿發仔:好!無問題!無問題!
-----------------------------------
◇音樂):
◇旁白:幾日後,果然廖金鐘接到邀請函hamˇ,老庄前輩知得了 liˇ以後,一致反對廖金鐘一儕人去赴約,但是廖金鐘係硬頸又兼固guˋ執zipˋ介個ge性,不想連累他人家,所決定佢單槍匹馬一儕人去,佢先瞭解了 iˇ地形,做好了萬全準備以後,就在臨暗頭來到鹽樹下庄,來到陳皇帝介屋家,陳皇帝假意迎接奉茶之後:
 
陳皇帝:為著cok涯等鹽樹下庄人介禮貌同尊重客人介風俗,今晡日特別做了一間四呎四方闊,六
               呎高介大浴iok堂,請你洗好身sinˊ了niˇ以後,才nang來談兩庄介大事!
鄭國公:有請!唔使細義!
廖金鐘:好!恁anˋ工夫噢voˋ!壞勢se喲 ioˇ!嘎ga涯就來去,失陪piˇ喲 io!
--------------------
◇音樂:
◇旁白:當廖金鐘一踏tap入到浴堂,看到有一桶燒滾滾的滾水,佢想這必有高度介危險玄幾,廖金
鐘也將計就計,就將八尺長介腰帶解kieˋ下,放入落水肚裡打水響出聲,分外no背介人恅lauˋ到佢
正在該ge洗身,經過幾分鐘以後,四支尖利介標槍,就對前後左右插入浴 iokˋ堂,在該ge時節,廖金鐘就將濕濕的bi腰帶一拂fit,將四支標槍打結捆成一把,借力使力拋pauˊ出  浴堂外丈過遠,再跳過六呎高的籬笆,對曬榖介禾boer埕走出去,消失於無影無蹤ziungˊ。
 
陳皇帝:各位有看到廖金鐘無?廖金鐘走對奈nai去了iˇ?…..。
鄭國公:對禾boer埕tangˇ介方向逃tauˊ走出了 iˇ。
陳皇帝:唉aiˊ咦 iˇ!涯有事先精密設計,故意掖 ia滿樹豆仔在禾埕上,當佢走過時,必定會一蹉
               一跌一翻panˊ將佢簡簡單單擒kimˇ拿到手。唉aiˊ唉唉!樣無橫vang倒啊vaˇ!
阿發仔:你等nenˊ看!分廖金鐘走過介樹豆仔,唔係綿綿mienˇ變成粉,就係必bitˋ析sakˋ!
陳皇帝:唉aiˊ咦iˇ!這隻猴仔實在慶kiang噢ngoˊ!功夫樣ngiongˋ會恁高強!
鄭國公:皇帝兄!涯看你介皇帝難做咧 leˊ!
陳皇帝:毋使siˋ取笑涯!涯ngaiˇ看!你國公介名仔ngiˋ,又係me愛改名囉 lioˊ!
-------------------------------------
◇音樂:
◇.旁白:廖金鐘單人獨馬去到鹽樹下庄赴約介時節,老庄庄中大家都係提心吊膽,擔心廖金鐘介安危,庄中有一大群功夫好介壯丁,暗中跈tenˇ等nenˋ廖金鐘介後背尾,在鹽樹下庄介庄外等了niˇ幾下點鐘,時間已經等到半夜了,在該濛濛的視線中,突tutˋ然間出現了一個人影對庄內走出來,老庄甲一看到,就細聲喊出聲講:
 
老庄甲:金鐘歸來咧!金鐘歸來咧!
大眾:(當高興的mi 拍手,有些人感動到do流出了目汁zipˋ)好在!好在!
老庄乙:大家緊張到會死,驚你有危險!所以涯等暗中跈tenˇ你來,有樣ngiongˋ地ngiˊ嗎?
廖金鐘:嚎hoˋ嚎!(拍胸前)涯喲!涯頭到係對鬼門關歸來了i!
老庄丙:尢ang!閻老王樣ngiongˋ地ngiˊ同汝講!
廖金鐘:閻老王講啊ngaˇ!涯報到時siˊ間唔曾cienˇ到,喊涯遽giakˋ遽倒do歸來!這下老庄
                還愛涯來保護!
老庄丙:嚎hoˋ嚎!閻老王在也府也知凡間事si喲 ioˋ?
廖金鐘::當然知喲 ioˊ!
老庄甲:金鐘!金鐘!你真係英雄好漢!恁久以來老庄好在有你好靠ko,嘎無,分人<翕hipˋ>豆
                豉sii呢!金鐘!你看!歸莊仔ngiˋ人在伯公下等你歸來呢ni!
大眾:金鐘,金鐘!歸來了 iˊ(大家拍手一致喊)金鐘!英雄好漢 !英雄好漢!
廖金鐘:各位父老兄弟姊妹!感謝大家!涯能夠為了涯等老庄人,盡一些sitˋ力量算唔得麼
            介!算唔得麼介!這下恁anˋ夜了viˇ,大家歸去睡目mukˋ,天光日涯還愛掌牛食草呢!
大眾:好!大家來歸!
廖金鐘:好叔!涯歸來了 iˇ!你還唔曾cienˇ睡喲 ioˋ?
廖元昌:涯樣ngiongˋ地 ngiˊ睡得 iˋ得detˋ啊 laˇ!聽講你同鹽樹下庄人相打啊va係he係
               meˇ?樣會用人相打呢?
廖金鐘:係啦!事情係恁anˋ地niˊ----------------。
廖元昌:好!好!你恁有涯等廖家<武威堂>介精神,嘎ga無,老庄人長透teu分佢等欺侮fu噢
             voˊ!保鄉衛庄當好,唔過凡事愛較go細se義兜deuˊ地viˊ!
廖金鐘:阿叔!著cok噢goˊ,涯等介對聯<萬石家聲遠,武威世澤長>,當合hap涯介心意噢 ioˊ!
廖元昌:著是siˇ著!夜了viˇ,好去睡了 iˇ!
廖金鐘:好!阿叔!共下來去睡!
-----------------------------------
◇(音樂):
◇旁白…經過了廖金鐘赴約介事件以後,鹽樹下庄的人再也毋敢再尋cimˇ老庄人介麻煩了。從此以後,兩庄和平相處,同時由莊頭介冤家變成親家。後來廖金鐘回轉大陸原鄉以後,老庄人民感恩廖金鐘保鄉為庄的好漢,就在開庄伯公邊,南片介魚塘(一甲兩分地)擴建紀念廖金鐘,這口heuˋ魚塘也就係當年廖金鐘牽牛溫vun浴介魚塘。
           ================劇  終==承蒙大家============
 
★後記: 本文承蒙美濃溪埔寮廖乙丙,高樹廖勤和,曾祥華等等先生,以及六堆雜誌的資料提供,並參考廖氏第廿七世廖添丁於民國三十七年以前所寫的手抄記事本等等所編撰con 本文,且作者本人於50年前亦識聽聞,確實有其人其事,其俠hiap 義精神同表現,實在係可敬!可佩!可以講得係客家英雄好漢,惟其本人於傳說中,最後是歸原鄉以後一去不回。但依故鄉背景來探討係唔係有影正式歸原鄉或fet 者遭zoˊ遇ngi 不測來消失,深深值得研究討論。但是時過257年實在難以來研究,依照高樹廖家族cuk 譜puˋ中並無廖金鐘一人,但手抄本有記載,廖家來台祖,確kokˋ實有一位同宗的人共下來,照老庄廖英蘭女士(廖昭基先生的親阿姑)講:極有可能佢就係廖金鐘。
 
※本文客語四縣(高樹腔)注解:<高樹腔包括:高樹,長治,佳冬,新埤等25村>。
1.落lok 腳:定居,像鳥仔盤旋著地。<涯ngaiˇ>:我。<涯ngaiˇ>改人部首。
2.掌zongˋ牛:看牛.放牛。放水(華語指放出去,客語指放進來)。
3.從ciungˇ細:自小時候起。從另音cungˇ。老庄:包括東興,東振等兩村。
4.老嫩nun 大細:大小全部的人。力頭:力氣。
5.引im 水:即灌gong 溉koiˋ。些sitˋ把baˋ:有些。
6.水口heuˋ頭:即圳zun 水前端,<有口heuˋ>有錢的意思。
7.ngi月戲:即新年後伯公下做戲。嘳kuaiˇ:經濟不良,貧窮。
8.庄腳下haˊ:即庄尾。翻fanˊ頭:調頭。
9.頭前:前面。樣ngiongˋ地ngiˊ:這樣地。
10.插capˋ齊:全部。遽遽giakˋ:很快地。
11.鬧nau 台:演戲前打鑼鼓,供觀眾知道,藉以聚ci 眾。
12. 惦diamˊ戇ngong :恬<惦>即靜,戇即笨bun 。鴉雀無聲。呆ngoiˇ,teˇ。
13.續sa 一時:轉換一瞬sun 間。趜giukˋ:驅趕。
14.姑<高>goˊ不而iˇ將:迫不得已而這麼做。
15.束sot 事si :息事,結束sukˋ。
16.衍ianˇ愆kianˊ:即惹ngiaˋ事生非。
17.生senˊ理 liˊ:即生意。冇moˇ:沒有。
18.該ge 位:那位。忽fut 聲仔ngiˋ:很快地(加重語氣變成第四聲>。忽fut 聲地ngiˊ。
19.詐za 事:故意做。綯toˇ:先用圈圈套住後再用繩索銜接綁。
20.綯toˇ牛仔viˋ:將牛之繩綁起來。
21.田唇sinˇ:田埂。堵duˋ好:剛剛好。
22.落lot 尾:如狗敗興而逃,尾楔楔l liapˋ。尾楔楔lliapˋ:夾尾巴。又音楔l siapˋ。
23.唔使siˋ了iˊ!:不用啦!長透teu:經常。透teuˋ水:加水使之淡化。
24.分bunˊ:即分,給。倒do 歸來:去了又回來。
25.假gaˋ樣ngion:假的樣式。外lo 背:外ngoi 面。又音外no 背。
26.浴 iok 堂:<浴>客音同<藥>。即浴iukˋ室。浴iok 有河洛音。
27.綿綿mienˇ:稀爛。開析sakˋ:裂成成兩半。必bit 開:裂開。
28.樹豆仔viˋ:種在田埔矮樹,生在樹上之圓豆,煮煲食後,容易打屁卵。
29.大盪tong 棍:犁田踏割耙paˇ後,再拖平田泥之大橫棍即為盪棍。
30.跈tenˇ:跟ginˊ隨。謀meuˇ:即謀殺。
31.從cungˇ事,從ciungˇ師:從事;做事。從師;拜師學藝。
32.穿con 針線,穿conˊ過去:將線由針線孔穿過去。闖ciim→cim(高樹腔)。
33.戲棚 pangˇ:戲台。較go 好:比較好。較ka 好→河洛音。
34.徒tuˇ弟:師siˊ仔iˋ。報bo 報滾gunˋ:拍打水的聲音。
35.危nguiˇ險hiamˋ:危急gipˋ。禾voˇ 埕tangˇ:庭前晒穀的地方。又稱禾voˇ 坪piangˇ。
36.在該ge 喊hemˊ:在那裡喊叫。<禾boerˇ> 埕tangˇ←高樹腔。
37.住het<做共下ha >:住在一起。做共kiung下:指一塊兒。住cu宅cet。
38.一蹉coi 一跌dietˋ一翻panˊ:連續siuk三個動作<蹉coi ,跌dietˋ,翻panˊ>。
39.該ge跡giakˋ仔kiˋ:那個地方,該地方。解kieˋ:有形→解kieˋ,無形→解giaiˋ。
40.唔mˇ當dong :不如。唔mˇ=毋mˇ。閻老王<客語>=閻羅王<華語>。
41.<翕hipˋ>豆豉sii:喻像小蝦米一樣任人宰割。.<翕hipˋ>加火部首。翕hipˋ相:照相。
 
==客家鄉土語文研究工作室  敬啟(0921685867)==
回應
客語教學網站
公家機構網站
學術機構網站
其他客家網站
工具箱
    沒有新回應!
關鍵字