200805230827客家廣播劇&舞台戲白話文 :討姑娘過合gakˋ胎來

客家廣播劇&舞台戲白話文<9>:討姑娘過合gakˋ胎來

◇編劇&作家:一先 。◇客語文譯註:廖金明。◇整理&校對:坑中水。
◇客家鄉土語文研究工作室提供(0921685867)。
◇看讀本文,敬請先看(三)本文客語四縣語詞注解。
討姑娘過合gakˋ胎來
◇一.佈景:道具<囍hiˋ>字,娶新娘埸景(新郎家)。
◇二. 劇中人:司siiˊ儀ngiˇ,媒人婆,新郎longˇ,新娘ngiongˇ等四人。
◇三.戲文:
媒婆:涯呀!麼介頭teuˇ路<涯ngaiˇ>都唔愛做,專門愛來做便媒人,最好係先上車後補
        票,就像這個新娘(伴娘隨等新娘出埸)(比等出場大肚笥介新娘) (八音襯cen底daiˋ--)。
司儀:新娘到了veˊ!新娘到了veˊ!打紙炮仔veˋ…點燭.點香!
           一.拜天地!二.拜高堂!三夫妻相拜- - -。
新娘:拜託!遽giakˋ遽遽遽!遽遽遽遽!
司儀:送入洞房 -- --- -- --!
新郎:(問新娘)遽遽麼makˋ介?
新娘:(著cok急愛入洞房)遽遽遽!涯忍唔住了leˇ啦laˋ!
新郎:麼介東西忍唔住het了leˇ呢no?
新娘:(指肚笥siiˋ)哎ai 喲 io噢oˇ!哎喲噢!蓋痛啊ngaˇ!
新郎:肚笥siiˋ痛係he嗎?愛分醫生看無moˇ?
新娘:哎ai 喲 io 噢oˇ!哎喲噢!哎喲噢!
媒婆:涯知diˊ!涯知!新娘會供giung了ngeˊ!--  --  -- 你等外no背boi等--  -- - 涯扶新
          娘入來去房間(媒婆將新娘扶fuˇ入埸-- -- --- )。
司儀:新娘公!你真係厲害唷 io!拜堂手續siuk 都唔曾cienˇ辦好勢se,馬上就愛做阿爸了veˇ
         哇 va噢voˊ!哈haˋ哈哈!哈哈哈!(孲oˊ呀ngaˇ仔(嬰兒)噭聲;孲oˊ呀ngaˊ!孲oˊ
          呀ngaˊ!)。
媒婆:(不久媒人婆攬lamˋ等一個較go白,一個較烏vuˊ的孲呀仔(嬰兒)出來)。(自言自語攬等
          孲呀仔(嬰兒)出場)自從涯做媒人以來,做了veˇ幾下十年,第一擺baiˋ做媒人兼做產婆
          的,新娘公!恭禧喲!新娘供雙生呢!
新郎:真介!有影噢ngoˋ!-- -- -- 樣ngiongˋ恁遽?樣恁anˋ遽giakˋ?
媒婆:唔mˇ過盡生趣呢ne!孲呀仔(嬰兒)一個係白色,一個係烏vuˊ色的le呢ne!
新郎:嘎ga!涯來看哪是sii<接來孲呀仔(嬰兒)>!
媒婆:這個係白色介。
新郎:(看了neˇ一下)(孲oˊ<呀ngaˊ>仔(嬰兒)噭gieu到哇va哇滾-- -- )。
媒婆:這個係烏色介le。
新郎:(看了一下)(孲呀仔(嬰兒)噭到哇va哇滾-- -- -)。涯攬看哪是。
媒婆:攬lamˋ好喔voˊ!你這個新娘-- --  -新娘蓋壞勢se,這個媒人錢-- -- 涯唔使-- --涯無閒愛
            轉了neˊ!其他介由你自家去處理嗄haˇ(下臺)。
司儀:你介喜酒涯等無閒食-- -- -正來聊!(司siiˊ儀ngiˇ下臺)。
新郎:唉!唉!唉!你等唔好走啊vaˇ!這下是siiˇ愛樣葛gatˋ煞satˋ哪!涯準備了 ieˇ50
          張桌呢ne!這介孲呀仔噭gieu!該ge介孲呀仔(嬰兒)又噭!噭麼介噭!人客續sa分你等
          噭走淨淨了ngeˊ!這就係你這兩個害介啦!害涯無恁anˋ體面!(看等nenˋ後臺喊)唉
          aiˊ!唉!唉!新娘間肚裡介-- -- - 同涯出來!
新娘:(房間肚裡介聲音)供孲呀仔(嬰兒)做月介人唔曾cienˇ滿月,做唔得出間門哪naˇ!
老公!涯盡肚飢giˊ了ieˇ咧leˋ!麻油酒你就同涯捧bungˋ入間來!
新郎:麼介呀iaˊ!想愛食麻油酒哇vaˋ!尿ngiau都唔使想食!想愛食麼介麻油酒哇vaˇ?自
           家出來呀!
新娘:喊汝捧bungˋ入來,你就捧入來呀!
新郎:喊汝出來!汝就出來!唔好淨<匠biang>啊nga 在間裡diˊ背boi!
新娘:恁惡okˋ噢goˋ!-- -- - 出來就出來嗎!驚漦siauˇ嗄haˋ!
新郎:涯問汝!涯問汝!--  汝做麼介!汝早唔先同涯講,汝已經結過婚了neˇ,樣ngiongˋ
          還敢再來嫁涯?汝實在係無天無良呢!
新娘:你講麼manˋ人結過婚哪naˇ?
新郎:汝這隻死鴨仔!嘴死硬!你無結過婚嗄haˋ!這孲訝仔係對奈來介呀iaˇ?
           汝同涯講清楚,說明白!
新娘:這孲<訝ngaˇ>仔喲ioˋ!係!係你介呀!
新郎:涯介!亂講!涯!涯!涯幾時涯同汝有介啊iaˇ,涯樣抓saˊ無moˇ哇vaˇ?
新娘:你噢noˋ!豺saiˊ就知!汝!汝!汝還記得在舊年仔八月十五看月華該ge暗晡仔無,涯
            等倆儕saˇ在該河壩石硼benˇ唇siinˇ邊,看天頂高介月光,你還記得嗎?
新郎:涯當然記得啊laˇ!該又樣ngiongˋ地ngeˊ呢?
新娘:在石硼唇邊時,涯講唔好,你就強強愛!同涯!同涯!同涯!
新郎:著cok噢goˊ!係喲ioˊ!係喲!涯愐menˋ到了veˇ。
新娘:該當時涯等當好介時節,堵duˋ好有人行過來!涯等就束sotˋ了laˇ!後來!
          你!你!你又<梆bangˊ>涯去稈gonˋ棚pangˇ下哇vaˇ!
新郎:該下仔veˋ涯是siiˇ唔曾cienˇ過癮ngian 哪naˋ!
新娘:後來,你就離開家鄉去臺北做頭路,到這下不知不覺gokˋ就係十個月了leˇ。
新郎:當時涯也有寫盡多信仔分你,結果全部一一退回。害涯尋cimˇ你尋cimˇ到會死,汝又走
           到奈nai 跡giakˋ仔geˋ去了ieˇ呢?
新娘:因為自從該擺以後,涯介肚笥siiˋ就一日比一日大,涯驚怕隔gapˋ壁鄰舍知得來取笑,所
          以涯正zang 會在外lo 背稅soi 屋住het 。蓋無簡單,涯用了七.八個月才打探到你介住cu
          所,這下擐kuan大肚了veˇ,正會請一個便媒人來介呀!
新郎:噢噢噢o!唔過!唔過這兩個孲oˇ<訝ngaˇ>仔(嬰兒)樣會無共樣呢?樣會一個係白色
          的,一個係烏色的皮膚呢?恁奇古怪!
新娘:你實在戇ngong哦ngoˊ?當初涯等做事se時siiˇ,若naˊ係he有月光來照zeu等 nenˋ來做
          介,該ge孲訝仔(嬰兒)就係白介,在稈gonˋ棚下暗摸moˊ摸,月光照唔到做介,該孲訝仔(嬰
          兒)當然就係較go烏vuˊ啊vaˇ!
新郎:啊aˋ(頷ngamˋ頷頭)敢有影,這兩個敢係涯介種zungˋ?
新娘:若naˊ係he唔相信!你唔會看肚臍ciˇ邊有記號!同汝介完全一樣樣!
新郎:(將褲fu 頭解kieˋ下一看,有胎toiˊ記)係喲!果goˋ然無唔著,這個孲孲仔(嬰兒),係純種!
          純種介!哈哈哈!係涯介賴仔,娘子!涯等介酒席,這下時樣葛gatˋ煞satˋ哪naˊ?
新娘:簡單哪naˊ!請在座co介人客啊gaˇ!
新郎:嘎ga!紅包呢noˋ?
新娘:今晡日涯供雙生,供giung 到一個烏的,一個白的,烏白都有,恁好彩coiˋ!嘎ga就烏oˇ白
           baˇ呷giakˋ,紅包唔使收。
      
 ======劇   終====謝謝大家!======
==客家鄉土語文研究工作室  敬啟(0921685867)==
◇三.本文客家四縣語文注解:
1.大肚笥siiˋ:大肚子。擐kuan大肚:有娠siinˊ.懷faiˇ孕inˋ。
2.遽giakˋ遽:快一點。頭teuˇ路:工作。
3.供giung:生產。神仙用降gong生,獸cu類用養iongˊ,禽kimˇ類用出cutˋ,蟲類用生senˊ。
4.外lo 背:外面。外no 背←美濃音。合gakˋ胎來:指入門囍。合有(gakˋ,gapˋ,hap)音。
5.<汒mangˇ>:還沒有。.<汒mangˇ>用口部首=唔曾cienˇ。
6.孲oˊ<訝ngaˇ>仔:又<孲o訝ngaˊ仔>音.嬰兒,<訝ngaˇ>改子部首。
          細孲仔:統稱一般小孩。稅soi 屋<南部用語>:租屋。
7.噭gieu:哭kuˊ。較go烏vuˊ:較黑。叫gieu:一般動物發出的聲音。
8.樣ngiong 葛gatˋ煞satˋ:怎麼辦呢?(葛煞,法度,辦法)為同義之用詞。
9.正來聊liau(料):才nang來玩nguanˋ。看等nenˋ:看著。
10.滿maiˊ月giat:滿manˊ一個月.滿manˊ為本音.此月ngiet為北部語音。
11.<匠biang>間:躲在房間裡,又稱生小孩。<匠biang>字內斤改丙字=北部囥kong。
12.驚漦siauˇ嗄haˋ!:怕什麼?。漦siauˇ:男人的精液。
13.八月十五看月華:農曆八月十五看月亮。
14.石硼penˇ:石頭做的圍牆。作堋penˇ頭:作田埂。
15.稈gonˋ棚pangˇ:稻草(稈)堆。
16.束sotˋ事sii:結束事情。束sokˋ恬diamˊ:肅sukˋ靜。事sii←勞心。事se←勞力。
17.<梆bangˊ><涯ngaiˇ>去:拉我去。.<梆bangˊ>改提手部。<涯ngaiˇ>改人部。
18.該ge下仔veˋ:那個時侯。該ge→ie音(長治)。
19.共kiung 樣:相同,共款kuanˋ。戇ngong:笨。
20.若naˊ係he:如果是。暗摸moˊ摸:很暗看不到。
21.恁anˋ好彩coiˋ:好彩coiˋ頭。彩caiˋ券kian(kien北部音)。
22.做事se:勞力工作。做事sii:勞心工作。
23.頷ngamˋ頭:點頭。上頷ngamˊ。
25.這下是siiˇ:這個時侯是--。係he是siiˇ係he:雖然是----但是。
26.烏oˇ白beˇ呷giak:隨便吃.(河洛話)。呷gap(客語):用全部牙齒去咬。
28.薑giongˊ酒:一般供giungˊ頭胎時.答謝送媒人婆食的麻油酒。
29.抓saˊ無moˇ哇vaˇ:想不到。.抓音有(saˊ,zaˊ,iauˋ,zauˋ)四音。
30.裡diˊ背boi:?面.裡diˊ肚,裡diˊ肚?liˊ。
31.哎ai 喲 io噢oˇ:很痛苦的呻cenˊ。感嘆詞在河洛,客語,華語都有差異。
32.過癮ngian :滿足心肚裡強烈的慾 iukˋ望。
==客家鄉土語文研究工作室  敬啟(0921685867)==
回應
客語教學網站
公家機構網站
學術機構網站
其他客家網站
工具箱
    沒有新回應!
關鍵字