200806100816客語廣播劇&舞台戲 (13):一世情恨不了情

客語廣播劇&舞台戲<白話文>(13):一世情恨不了情

◇編劇&作家:一先&小凌 。◇客語文譯註:廖金明。◇整理&校對:坑中水。
◇客家鄉土語文研究工作室提供(0921685867)。
◇看讀本文,敬請先看(三)本文客語四縣語詞注解:
 
一世情恨不了情
一.劇中人:陳俊男,李秀珠,周雄,阿南,媒人,阿水,警察等七人。
二.劇     文:
◇女唱:單打獨來獨打單,獨隻畫眉在深山,單隻畫眉深山噭gieu,日噭孤guˊ寒honˇ夜噭單。
 
◇旁白:在高山頂上有一間廟堂,廟邊有盡多了樹仔,樹頂高鳥仔飛來飛去,有一隻畫眉鳥niauˊ
    ,一飛啊ia來就緊噭geu,到底伊係噭麼介呢?可能愛伊自citˋ家正zang會知diˊ。
◇音樂:
◇旁白:有一個身強力壯緣ianˇ投dauˇ可愛介後生仔,名仔安onˊ到doˊ 陳俊男,牽等一隻牛仔, <垓kaiˊ>一擔草,經過廟堂,看到對面的山下有一個非常靚ziangˊ介細妹仔,<垓kaiˊ>等一擔柴,慢慢地neˊ下山,陳俊男放下肩頭該ge擔草,牽等牛仔唱一條歌仔:噢o嗨hoiˋ!依i喲io!老妹有好山歌你就溜溜等來喲!
◇旁白:對面山下的細妹仔,聽到山頂高傳來的歌聲,柴ceuˇ擔也放下肩頭,向陳俊男看一下,這介時節陳俊男看到這個細妹仔,生來實在靚噢ngoˊ!陳俊男真係有禮貌mau,行前就來問: 
 
俊男:小姐小姐小姐!請問汝,貴姓芳名?
秀珠:涯係姓李.名仔安onˊ到doˊ秀珠zuˊ。
俊男:原來你係李秀珠小姐,唉aiˊ喲io噢oˇ!人靚名仔也係靚ziangˊ。
秀珠:但係!涯唔識siitˋ汝啊ngaˇ!
俊男:噢oˋ!失禮失禮失禮!涯來自我ngoˊ介紹,涯係住啊la在山背伙foˋ房,涯喊到陳俊男。
秀珠:噢oˋ!噢!恁anˋ地neˊ喲ioˋ!
俊男:秀珠小姐!涯時常都在這山頂廟邊割草掌zongˋ牛,樣ngiongˋ唔識看過汝呢?
秀珠:涯屋家住啊 la在對面介竹頭窩voˊ,蓋少來這跡giakˋ仔撿ngiamˊ柴,今晡日看到恁好介
            天時,才來這片山上撿柴的。
俊男:來!涯同你<捲ten>手,撿柴介事涯盡內行。
秀珠:唔使啦laˋ!涯今晡日介柴撿罅la了veˇ!
俊男:秀珠小姐!下遇ngi 擺你係he唔係me時常會再來這跡仔撿柴?
秀珠:噢oˋ!無定著噢goˊ!
陳唱:無牛犁田用钁giokˋ頭,連妹唔到用計謀,百般計謀都用過,不如 iˇ山歌來開頭。
秀珠:陳先生你介山歌唱來相當好聽!歌聲樣ngiongˋ會恁好呢noˋ?
俊男:承蒙你介誇kuaˊ獎,秀珠小姐!汝也會唱山歌係嗎?
秀珠:多多少少啊vaˇ,有興趣ci 就係he了ieˊ!
俊男:若naˊ係有興趣,涯等兩人來和foˇ唱一下山歌好嗎?
秀珠:好啊vaˊ!好啊!
俊男:高山頂上一叢cungˇ梅,無陪piˇ無想你會來,兩人有緣相見面,可比路上得橫vangˇ財。
秀珠:高山頂上一叢梅,千年萬載zaiˋ無花開,千年萬載無結子,係妹姻imˊ緣天送來。
俊男:隔山打鼓聽鼓音,兩人見面有交情,樹上鳥仔唱山歌,祝福涯等一生senˊ人。
秀珠:隔山打鼓聽鼓音,水汶vunˇ過水唔知diˊ深,看哥外表人意好,唔知肚內麼介心simˊ。
俊男:郎有心來妹有意,唔怕山高水恁深,兩人過河同落水,有情浸死也甘心。
合唱:兩人相好心連心,一見郎面就鍾情,望哥講句真心話,萬古千秋莫斷情。
 
旁白:陳俊zun男同李秀珠對唱山歌以後,陳俊男就行到李秀珠介面前,兩人感情忍唔住het,自然就牽起秀珠介雙手,兩人就在該ge時節跌入了veˇ難分難捨saˋ的愛河中……。
 
◇音樂:…緊張音樂…
◇旁白:在竹頭窩voˊ介地方,有一個兩手聊liau調tiau ,無惡okˋ不作,不務vu正業介人,名安onˊ到周雄,周雄手下有一個名喊到阿南介,聽到陳俊男愛同李秀珠結婚的風聲,就遽giakˋ遽走到賭埸下來向周雄報告,該ge時節堵duˋ好周雄在該ge賭博。
 
阿南:大哥大哥大哥!唔好了veˇ唔好了唔好了!
周雄:發botˋ掃soˋ東西,麼介東西唔好了!就係汝唱衰soiˊ涯ngaiˇ,正會害涯輸恁anˋ多!
阿南:大哥!大哥!涯係講事情唔好!事情大條了veˇ啦laˋ。
周雄:有麼介事情會比輸博較go大條介!共快講!共快講!
阿南:你知diˊ嗎?竹頭窩voˊ介美女李秀珠,愛同隔gapˋ壁莊介陳俊男結婚了neˇ喲 io!
周雄:嗄haˊ!李秀珠愛嫁分bunˊ陳俊男噢moˋ?
阿南:千真萬確!無唔mˇ著cok!
周雄:阿南!你樣ngiongˋ知呢?麼manˋ人同你講介啊iaˇ?
阿南:涯朝zeuˊ晨siinˇ在山頂廟堂經過介時節,親眼看到介,佢等兩儕saˇ在樹頭下恩恩愛愛,難
           分難捨saˋ,細賴仔講:無你涯唔討。細妹仔講:俊男!無你涯唔嫁。唉aiˇ喲 io!場面
          實在係相當精彩喲!
周雄:啍ngˋ!啍!恁大膽阿南!
阿南:大…大哥!涯無膽!涯無膽!
周雄:涯係講,陳俊男食了leˇ生人膽,才會恁大膽!
阿南:就係he係me!就係係!
周雄:麼介時節愛討親過門哪naˇ?
阿南:可能nenˇ係當遽giakˋ,下隻月馬上就愛辦喜事過門了neˊ!
周雄:嘎haˊ!下隻月…..阿南!
阿南:大大大哥!你…同涯介手<楁kok>到恁大,<楁kok>到烏青了ngeˇ呢!
周雄:無毒不丈夫,阿南!馬上喊ham 陳俊男來這跡giakˋ仔geˋ。
阿南:遵zunˊ命min!
 
◇音樂:
◇旁白:阿南聽了ngeˇ周雄的命令,三步作兩步,馬上走zeuˋ到陳俊男介屋家來喊!
阿南:陳俊男!陳俊男!
俊男:麼介事sii 啊aˇ?麼介事啊?
阿南:陳俊男!真堵duˋ好!你無出去,涯介大哥周雄愛請你去,有重要大事愛同汝參詳!
俊男:周大哥!愛請涯去做麼介啊iaˇ?
阿南:涯又唔係me蓋清楚噢voˊ?
俊男:無緣ianˇ無故gu,樣ngiongˋ會喊涯去?失禮失禮!涯無閒去!
阿南:嘎haˊ!周大哥的話你敢唔聽嗄haˋ?若naˊ係汝唔去,周大哥一發譴kienˋ起來喲 ioˋ,
            該ge汝就知了ieˇ喲 io!何必敬gin酒唔食,愛來食罰fat酒呢?
俊男:嘎haˋ!涯.涯……。
阿南:反fanˋ正!話…涯係有帶到分bunˊ你,去唔去…由你自家決定嘎haˇ!
俊男:你分涯考慮一下。
阿南:恁簡單介事,若naˊ係還愛考慮,涯就先轉了neˇ,分你自家慢慢地neˊ考慮嗄haˇ!
俊男:好!這下涯就同你共下來去!
 
◇音樂:
◇旁白:俊男想起周雄命令阿南喊陳俊男去見佢giˇ介事,心中想帶有一種惡okˋ意介感覺,到底daiˋ去也係唔去,猶iuˇ豫 iˇ不決,還係去了解一下較go 好,所以就跈tenˇ阿南來到周雄屋家,周雄在客廳竹椅仔ieˋ上hong 坐等緊看報紙,緊<磚bak>大筒煙。
 
阿南:大哥!陳俊男來了ieˇ。
周雄:噢oˊ!哈haˋ!哈!哈!俊男!請坐!請坐!。
俊男:恁anˋ仔ziiˋ細!涯還係企等nenˋ來較go好!
阿南:好!好!
周雄:俊男先生!俊男先生!坐等來,來食杯茶!
俊男:涯唔會肚渴hotˋ,周雄先生!有麼介指教?
周雄:事情係恁anˋ地neˊ,涯在大陸開一間新介公司,缺少人手,所以愛請汝去管理。
俊男:多謝周大哥牽成siinˇ,…唔過……。
阿南:(手裡拿一包紅包)大哥!紅包拿來了!
周雄:拿分bunˊ俊男先生。
阿南:(將手裡該ge包大紅包拿分俊男)這係he大哥特別送分汝介!
俊男:這個紅包涯做唔得收。
周雄:你嫌hiamˇ忒tetˋ少係嗎?
俊男:唔係me!涯無緣無故做唔得收你介紅包啊vaˇ!
阿南:愛你正zang有,別人無moˇ呢ne!
俊男:總講!這個紅包涯做唔得收,若naˊ係無事情,嘎ga!涯就愛走了veˇ喲io!
阿南:大哥!若係這紅包俊男唔愛moiˊ,嘎ga就tu分涯好嗎?
周雄:恁敢想!阿南!送客hakˋ!
阿南:遵命!俊男先生!請…。
 
◇音樂:
◇旁白:由於當初周雄介阿爸在地方上,不但開當dong店又開賭埸,過身之前有交代周雄,愛照顧一個戇ngong戇的老弟阿水,無論如何愛尋cimˇ一個精靈介細妹仔分佢giˇ做<哺buˊ>娘,周雄蓋早就注意到共莊介李秀珠了veˇ,<汒mangˊ>知續sa慢了neˇ一步,李秀珠愛來嫁別人,當阿南送走了veˇ俊男以後,周雄介老弟戇ngong戇地ngeˊ行出來,<梆bangˊ>等nenˋ周雄介手又鴃(結)giatˋ舌.結舌地leˊ講……。
 
阿水:阿…哥!涯…愛…愛…奈nai…久…才…才討姐ziaˋ仔veˋ啊 iaˇ?
周雄:遽giakˋ了geˊ!唔使一久,阿哥會同你討一個,又靚ziangˊ又精靈介細妹仔分你做姐ziaˋ
            仔veˋ,到時節就有人照顧你了ngeˊ!
阿水:涯…愛…討…秀…珠…做…姐…仔…..涯正zang…愛…喲 ioˊ!
周雄:唔過!秀珠愛嫁別人了neˇ。
阿水:同…涯…搶…轉…來…啊 iaˊ!
周雄:好!你愛介!涯就會想辦法分你!
阿水:好!你…你…唔…好…騙…涯…喲!
周雄:阿哥奈nai 久識siitˋ騙過你呢?
阿水:噢oˋ!(向屋肚裡緊inˋ行緊inˋ講)涯…愛…討…姐仔了!涯…愛…討姐仔了ieˊ!
 
◇音樂:
◇旁白:一個月以後,秀珠同俊男選好日腳giokˋ,舉行結婚,無閒了一日,親朋好友來祝zukˋ賀介總算係順班好勢se,大家歸去了以後,暗晡頭真係新郎同新娘倆人介新婚之夜,在夜深人靜介時節,聽到狗仔緊吠poi …吠無停,秀珠心中想,這可能有不吉祥預兆seu介感覺,忽futˋ然間聽到阿南介喊門聲:
阿南:陳俊男出來!陳俊男出來!
俊男:(著zokˋ睡衣將客廳燈打開)麼manˋ人啊?
阿南:涯係阿南!無成sangˇ涯介聲汝聽唔識,開門啊naˊ!
俊男:有麼介事天光日才來講!
阿南:無哇vaˋ!天光日還有天光日介事!
俊男:噢oˋ!(將門打開,看到熟識介阿南以外,還有兩位警察)!
阿南:(三人入客廳)請大家入來!
警察:你就係he陳俊男係he係meˇ?
俊男:係he!涯就係陳俊男。
警察:捉起來(不分烏白就將俊男綁bongˋ起來)!
俊男:警察大人!涯無犯法又無做麼介唔著,汝等捉涯做麼介?
阿南:做麼介捉你?實在可憐!犯麼介罪連你自家都還唔知!
警察:人家檢舉你私藏congˇ毒品,所以將你捉起來介!
俊男:無恁anˋ地neˊ介事,警察大人!這一定係誤ngu 會!
警察:誤會!人證物證齊ceˇ全cionˇ,來去衙ngaˇ門才來講。
俊男:(往屋肚裡喊)秀珠!…遽giakˋ遽出來!
秀珠:(馬上出來)到底發生麼介事情呢?
俊男:有可能係誤會,涯去警察局行一轉,盡遽就轉來。
 
◇音樂:
◇旁白:新婚之夜歡喜<汒mangˇ>過,愁seuˇ慮又來,俊男無緣無故分警察捉去,係由於周雄買通官方,將俊男定罪十年介監gamˊ牢 loˇ之災,秀珠日夜目汁洗面,一日過一日,周雄為了愛安排戇老弟介婚事,還係無放棄秀珠,經過了veˇ三個月了,秀珠又係有娠siinˊ了neˇ,周雄買通出了leˇ名介媒人婆,希望秀珠分伊介戇老弟來做<哺buˊ>娘,但係媒人婆每擺去都分秀珠趜giukˋ出門外,一年也過去了,秀珠供giung下一個賴仔,兩子<偯oiˊ>相依iˊ為命。有一日,周雄同阿南想了一個計謀,將秀珠的賴仔捉來<囥kong>起來,秀珠尋賴仔心急像火燒,一個人像發癲一樣,這個時節媒人婆又來到伊屋家!
 
秀珠:(蓋傷心)媒人姐ziˋ!你同涯<捲ten>手尋涯介賴仔好嗎?
媒人:尋你介賴仔?
秀珠:對!涯介賴仔唔知奈nai去了!
媒人:若係愛尋惹ngiaˊ賴仔,有一儕saˇ人來同汝尋惹賴仔,伊一定尋得meˋ到?
秀珠:拜託同涯講,係麼manˋ人?
媒人:唔過!這個人愛有條件介喲ioˊ!
秀珠:只要尋得meˋ到涯介賴仔,麼介條件涯都會答應?
媒人:嗄haˊ!涯就坦tanˋ白pak同汝講,佢giˇ就係本庄鼎dinˋ鼎有名介周雄?
秀珠:原來係周雄該ge隻流氓mongˇ噢ngoˋ!
媒人:細聲一些sitˋ周雄聽到你罵佢,等下會voi會fi 唔直囉!
秀珠:嘎ga,涯來去報案!
媒人:秀珠莫恁著cok急gipˋ,若係你去報案,萬一佢將汝介賴仔殺satˋ忒hetˋ(比殺掉手勢)呢?
秀珠:媒人姐ziˋ!拜託同涯想辦法好嗎?
媒人:(猶iuˇ豫iˇ了一下)嘎ga!就好好地veˊ同涯配合!
秀珠:愛樣ngiongˋ地ngeˊ配合?
媒人:妳來嫁分周雄介老弟,阿水!
秀珠:妳講該ge戇ngiong仔ngeˋ喲!
媒人:唔ngˋ!.....涯知這係無可能介事。但係,只有恁地做,妳介賴仔才會平安無事!
秀珠:涯……(噭gieu 啊va蓋痛腸傷心)?
媒人:唔好噭!唔好噭!這就係命運介安排,妳介老公生死無人知呢?秀珠啊!涯又係me係he為了你
           來著cok想!......除了恁地做係唯一個辦法,實在也無別條路好行hangˇ了ngeˇ喲io!
秀珠:(百感交gauˊ集sip,不知如何)真介蒼congˊ天作弄人啊naˇ!
媒人:莫再怨歎tan了neˇ,妳愛早一日看到妳介賴仔,汝就愛早一日來做新娘?
 
◇音樂:
◇旁白:秀珠明知係周雄買通媒人婆,但係,為了唯一相依為命心頭肉介安全,終就ciu答應嫁分阿戇仔介這門親事,周雄果然完成戇老弟介終身大事,代戇老弟來高興,該<晡buˊ>日酒又食了leˇ特別多,忽然有非份之想,雖然嫁過人供過細人仔介秀珠,共樣同細阿姐ziˋ仔一樣樣,恁靚恁得人惜,周雄看到秀珠嫁分老弟做姐ziaˋ仔真係可惜,該時節新娘間門無關,戇老弟還在該ge食酒,機會難得周雄就將自家介衫褲fu 一脫,豺saiˇ狼longˇ樣地勒let秀珠,這個時節堵duˋ好戇仔阿水帶有幾分介醉意入來,忽然間看到有人欺負新娘,阿水就使用全身的狂kongˇ力,拿起棍仔,重重的nge向欺負新娘介頭上毆euˋ落下,周雄馬上昏倒doˋ在地!
 
阿水:恁anˋ..可…..惡!敢欺…..負fu…..涯…..介…..新…..娘!
秀珠:(秀珠看到續緊inˋ惇zunˊ)唉aiˊ喲 ioˊ!唉喲!唉喲!
阿水:新娘…子!妳…唔使驚,佢…敢欺負妳!涯…..再毆euˋ加一棍分佢分佢!唔---使透氣!
秀珠:救命噢ngoˊ!鬧出人命了ngeˇ,大家人來啊iaˇ!
阿南:做麼介?做麼介啊iaˇ!
秀珠:周雄!.....分阿水打死了ieˇ。
阿南:唔係!阿水!阿水無可能打死周雄,一定係新娘懷恨在心,打死周雄大哥介!
秀珠:唔係me涯!涯無moˇ!涯無!
阿南:嘎ga無!共下來去警察局,請警察辦理!
秀珠:好!去就去!
 
◇音樂:
◇旁白:秀珠為了洗淨伊介清白,就共下去警察局,但係無人來<捲ten>手作zokˋ證,這個時節也係老天有眼,阿水將誤ngu 打其iaˊ哥所作所為,一五一十的同警察大人說明,來還秀珠介清白。最後法院將阿水判過失殺人罪,阿南共謀犯罪,判刑五年坐監gamˊ,媒人婆自首為了貪圖周雄介媒人錢,良心發現,將周雄交代私養秀珠介賴仔,帶來交還秀珠,秀珠因禍fo得福,母子重逢,勒let等幾下隻月不見介寶貝賴仔,這種母子相愛介情境gin,實在無法形容,身邊介人感動流淚lui,攬lamˋ等賴仔回家的路上,想到人生渺meuˋ茫mongˇ,新婚離散介俊男,生死消息又全無,對秀珠來講,人生將來全無意義ngi,帶等賴仔行向大海,準備母子兩人同歸於盡,這個時節耳公邊忽然間聽到蓋熟介聲音向秀珠大聲喊:
 
俊男:秀珠!秀珠!秀珠啊vaˇ!
秀珠:(翻fanˊ頭一看)這個人樣會恁像俊zun男?
俊男:著cok著!涯ngaiˇ就係俊男!
秀珠:涯係he唔係me發botˋ夢?
俊男:係!係!有影介!涯就係俊男,陳俊男!
秀珠:唔ngˋ!唔!俊男!俊男!
俊男:這細人仔!這細人仔係he?
秀珠:係涯等介賴仔,涯等介賴仔安名喊ham到do秀男!(安名勿踏到父男字輩名)。
俊男:秀男過來!阿爸攬 lamˋ!
 
◇旁白:秀珠同俊男兩人,雖然經過了這種不幸hen冤ianˊ枉vongˋ之災。但係皇天不負苦心善良介人,終就重新得到美滿幸福介家庭,圓滿快樂過一生senˊ!
 
                       
===============劇  終==承蒙大家============
==客家鄉土語文研究工作室  敬啟(0921685867)==
下<14>期預告步月樓火燒庄戰役   客家六堆雄風日軍服
◇(三)本文客語四縣語詞注解:
1.噭gieu:即哭kuˊ.另哭是指又哭又喊叫,一般動物哭叫則用(叫gieu)字。<涯ngaiˇ>字人部首。
2.一飛biˊ啊 ia來:剛剛飛到。<啊>為轉音字,韻母為(a),依前字韻母尾音作轉音。
3.緣ianˇ投dauˇ:即投緣.好看.帥的意思。緣ianˇ→ienˇ<北部音>。
4.靚ziangˊ:漂亮.又稱鬧nau(南部音)。伙foˋ房:同宗眾人之聚所。
5.該ge:那個.該goiˊ:應該。自citˋ家:自己。
6.嗨hoiˋ:有指責之嘆詞.客語口音字之語音應讀客語字音。
7.住het 啊 la在:<住het>加(啊)音是美濃特殊語音。
8.山背boi:山後。後背boi:後面。安onˊ到doˊ→加名詞。 安onˊ到do→加形容詞。
9.恁anˋ地neˊ喲ioˊ:這樣噢!。下遇ngi 擺baiˋ:下一次。
10.撿ngiamˊ柴:撿giamˋ柴(北部音),南部撿giamˋ碗筷。
11.掌zongˋ牛:放牛。<放牛>&<掌zongˋ牛>字面意義不同,實際相同。
12.<捲ten>手:幫忙,.<捲ten>字內己改<巾>字。罅la了veˇ:夠了。
13.钁giokˋ頭:鋤頭。山匙ciiˇ:山上工作介钁giokˋ頭。
14.就係he了ieˇ:就是了。<了>是<e>韻母介轉音字,可用在第三&四聲。
15.汶vunˇ水:濁水。水汶:水是濁的。這跡giakˋ仔:這個地方。
16.兩手聊liau 調tiau:遊手好閒。<梆bangˊ>:拉拔東西,<梆bangˊ>→改提手部首。
17.發botˋ掃soˋ:即唱衰,帶霉運,(此罵語出現在美濃地方)。
18.食了leˇ生人膽damˋ:喻膽量十足。係he唔係me→簡稱<係he係meˇ>。
19.係he 係meˇ:係he 唔係me的簡略語,指是不是。但(又係me係he:是指又是)。
20.烏青瘀guˋ血:即黑青瘀血。<楁kok>:抓握,。<楁kok>字改提手部首。
21.恁anˋ仔ziiˋ細se:感謝之意。企kiˊ等nenˋ:站著。
22.肚渴hotˋ:口渴,口乾。肚飢giˊ:肚子餓ngo。
23.<汒mongˊ>知diˊ:料想不到。.<汒mongˊ>字改口部首。
24.結giatˋ舌:鴃giatˋ舌,即說話不清。結:(giatˋ)南部音,(gietˋ)北部。
25.日腳giokˋ:指黃道吉日否。天時:天氣。毆euˋ:拿如手杖長之物打。
26.麼manˋ人:是誰.簡稱為麼manˋ。麼makˋ介:什麼東西。
27.有娠siinˊ:即懷孕inˋ。柴ceuˇ擔:是指所擔之物。
28.若naˊ賴lai 仔ieˋ:你的兒子或稱惹ngiaˊ。其iaˊ哥:他的哥哥,厥giaˊ(北部音)他的。
29.勒let:抱(腰部),攬lamˋ(胸部),<兜deuˊ:腹部以下雙手搬物>,<兜deuˊ>加提手部。
30.有影iangˋ:真的,斷don真。橫vangˇ財:幸運之財。
31.<垓kaiˊ>:一人用肩挑。.<垓kaiˊ>:改提手部。揹bi:背負。把baˇ:身兩側掛物。
32.竹頭窩voˊ:窩voˊ係指窪地,如畚bun箕型狀之地。<窩voˊ&過goˊ>忒兩詞不同。
33.嘎ga就tu:不然----就怎樣。嘎ga:那麼。堵duˋ好:剛好。
=======================
下<14>期預告步月樓火燒庄戰役 , 客家六堆雄風日軍服
==客家鄉土語文研究工作室  敬啟(0921685867)==
回應
客語教學網站
公家機構網站
學術機構網站
其他客家網站
工具箱
    沒有新回應!
關鍵字