200806132237客家廣播劇&舞台戲(白話文) :媒人鴨(麻)嘴

客家廣播劇&舞台戲(白話文)<15>:媒人鴨<麻>嘴 

◇編劇&作家:一先&小凌 。◇客語文譯註:廖金明。◇整理&校對:坑中水。
◇客家鄉土語文研究工作室提供(0921685867)。
◇看讀本文,敬請先看(三)本文客語四縣語詞注解。
----------------------------------------------------------------------------------------------------------------------------------------

一.戲中人:媒人,阿專zonˊ頭,阿茂meu伯,阿英,鄰舍sa,阿爸,阿姆meˊ,姊妹,兄弟等11人。
二.戲文:
媒 人:阿專頭……媒人婆到了,遽giakˋ遽.凳仔<兜deuˊ>來分涯坐。
阿專頭:就係你這個得人惱nauˊ介媒人婆,無人情過自家來,看到你來涯就愁seuˇ了veˇ。
媒 人:實在還壞勢se了ieˊ!自從涯做媒人兩三十年以來,卡ka做都係做無好勢se。
阿專頭:媒人鴨母嘴,磬cinˋ磬吮cionˋ吮總係希望有錢來落袋,講一百句無一句有實在介,失禮喲 ioˊ!涯愛來去做事se了ieˇ,無閒同汝聊liau 噢voˊ!
媒 人:阿專頭!你實在還煞satˋ猛nangˊ噢ngoˊ,姑娘嫁你一定係真好命!
阿專頭:涯會恁煞猛,目的係為著cok衫爛褲爛無人補,嘎ga無,涯才唔使恁艱gienˊ苦!
媒 人:恁anˋ地neˊ好,涯將涯介朋友嫁分你盡堵duˋ好。
阿專頭:請問你介朋友,唔知圓也naˊ扁嚎hoˋ!
媒 人:人家伊今年三十歲,性情溫純sunˇ,爺娘早過身,分人攬lamˋ去做養iongˊ女,祖公財產,多到無奈nai好比,阿專頭!你若係討得veˋ到伊時,一定係蓋大介福氣。
阿專頭:唔過!涯窮又苦,新娘嫁涯無車仔好駛!
媒 人:這點你放心,在還細時節伊有算命,伊嫁老公時,老公自家會駛轎kieu車來,唔使聘pinˋ金也唔使大糕gauˊ餅!
阿專頭:唉ai 喲io 噢oˊ!樣ngiongˋ會有恁好空kangˊ的nge啊iaˇ,嘎ga!伊無就係又老又醜cuˋ的ve哪naˇ!
媒 人:人是siiˇ唔會醜cuˋ!還蓋看得neˋ得detˋ,再講雖然伊嫁妝zongˊ無半項,祖產全部會帶過來。
阿專頭:無嫁妝無要緊,現下不動產真好價,等新娘討轉來以後,才來變賣一些祖產來買新式介膨pong椅,立體介電視機.卡拉OK,電冰箱,洗衫機,再買一台最新型式介電腦,出門駛車仔愛有面men子!
媒 人:麼介啊iaˊ!洗面介面帕紙,面mien紙係嗎?涯有!
阿專頭:妳又聽差了veˇ,涯係講矮<嘛maˇ>車,日本話喊到面子(賓ben士sii )啦!
媒 人:噢oˋ嘎ga你樣ngiongˋ無講分伊斷氣來呢no?
阿專頭:斷氣就無命了ngeˇ,斷氣!今下唔好講恁多了veˇ!媒人婆!你遽giakˋ遽去準備,涯馬上愛討伊轉屋家來?
媒 人:阿專頭!嘎ga 該ge是siiˇ做唔得棄hin 嫌hiamˇ噢moˊ!
阿專頭:恁好介條件,半夜點等燈仔都無奈好尋cimˇ,涯奈會有棄嫌介道理!
媒 人:涯係講正經介喲 ioˊ!
阿專頭:本來就係正經介啊 iaˇ!
媒 人:(當高興)好好好!涯來準備!涯來準備!
(興絡lot 絡到doˋ轉屋家),(媒人婆下台)(阿專頭轉向下台)
-----------------------------------------------------------------------------------------------------------------------------------------
◇(音樂):第 二 幕(阿茂mau 伯上台第一條歌仔出場:)
阿茂伯:阿專頭有在屋家無moˇ?
阿專頭:有啦!麼manˋ人啊naˊ?
阿茂伯:涯啦 laˋ!
阿專頭:噢oˋ!阿茂伯罕honˋ得來,入來坐!入來坐!
阿茂伯:無閒坐了veˊ!有關於媒人婆講介,涯特別來確kokˋ定一下,看啊na有影iangˋ無?
阿專頭:噢oˋ!係he唔係me涯討<晡buˊ>娘介事,當然係有影啊ngaˇ!奈nai 會無影!
阿茂伯:嘎ga 恁地neˊ,你確實合gakˋ意係meˇ?
阿專頭:不但合gakˋ意,係涯三生senˊ修來的福fukˋ氣hi 喲ioˊ!
阿茂伯:憑pinˋ無後悔fiˇ的ie 喲ioˊ!
阿專頭:後悔!涯驚怕新娘ngiangˇ會先來後悔喲ioˊ!講麼makˋ介涯會後悔fiˇ啊 iaˋ!
阿茂伯:阿專頭!最好再三samˊ的me 考慮嗄haˇ!
阿專頭:考慮麼介?你無看!涯已經決定愛來做新娘公gungˊ了ngeˇ係meˇ?
阿茂伯:嘎ga!盡好!可能係你雙方緣份fun 到了veˇ,共快點香,點燭,打紙ziiˋ炮仔veˋ!
阿專頭:又唔係me敬伯公哩!樣ngiongˋ愛點香,點燭zukˋ,打紙炮仔?
阿茂伯:新娘到了veˇ啊 iaˇ!
阿專伯:莫騙人!麼介新娘到了veˇ。
阿茂伯:阿專頭!若naˊ係he唔相信!你等一下,做唔得走噢voˊ!這凳den 仔neˋ上hong 坐等nenˋ,目珠眨sapˋ眨,唔好透teuˋ氣喲ioˊ.(媒人婆帶新娘來)…!阿專頭!你看!
阿專頭:(眼睛擘bakˋ開)唉aiˊ喲io 噢oˇ!無成sangˇ看到鬼哪naˇ!打卵就見黃vongˇ,係he 唔係me 阿茂伯汝會變魔moˊ術sut 哪naˇ!
媒人婆:唔係me 阿茂伯會變魔術!係先來試探阿專頭,你係he唔係me有真心愛討<哺buˊ>娘?阿專頭:阿茂伯!你放心!
媒人婆:媒人錢當然愛有兩份fun 啊naˇ!
阿茂伯:這下介時代,速sukˋ戰速結giatˋ,愛分媒人婆紅包,也愛分阿茂伯涯一個紅包,這點係一定愛介小意思?
阿茂伯:唉aiˊ喲io 噢oˇ!壞勢se!嘎ga 就tu 唔好分新娘等忒tetˋ久,來來來!來拜堂!一.拜天地,二.拜高堂,三.夫妻相拜,送入洞房!
阿專頭:媒人婆!阿茂伯!涯十分多謝你等兩個人,壞勢se!涯無閒招待你等nenˊ了neˇ喲io!阿茂伯:涯知diˊ!涯知diˊ!做zo你無閒!做你無閒!
媒人婆:阿專頭!涯做媒人淨包妳入間房,無包你一生senˊ人的噢ioˊ!有閒才來聊liau!(媒人婆阿茂伯下台)
阿茂伯:係he喲ioˊ!係喲!涯紅包過手suˋ了veˊ!有閒才來聊!
阿專頭:涯無閒送sung 噢ngoˊ!有閒才來聊嗄haˇ!請問小姐ziˋ!汝是sii 何貴姓siang 大名?阿 英:涯係阿英!愛同你結婚,做你的太太介啦!
阿專頭:涯進前有同媒人婆約好勢se,愛先排八字,你樣ngiongˋ恁遽giakˋ就衝zungˊ來呢?
阿 英:就係因為你愛排八字,今<哺buˊ>日就係八月初八,害涯唔曾cienˇ準備好,汝就著cok 急喊涯遽giakˋ遽愛討過來?
阿專頭:恁anˋ地neˊ雙方聽差caˊ了veˊ!今下ga 來也iaˊ來到了veˇ,將就ciu 好了veˇ。唉aiˊ!桌上放的麼介東西恁大包呢?
阿 英:按on照zeu 約束sukˋ,涯無搭dapˋ嫁妝zongˊ,屋家財產全部帶過來,還有一部分財產,等下添會送過來!
阿專頭:到底daiˋ係麼介東西?請你打開來分涯試cii 看哪na 咧 leˊ!
阿 英:隨suiˇ在你看無相干gonˊ,但係愛小心,莫打壞了ieˇ。
阿專頭:嗄haˊ!這兜deuˊ舊鑊vok 仔geˋ,舊面盆punˇ仔neˋ.舊碗筷,恁多舊介東西,汝愛帶來做麼介呢?
阿 英:這兜deuˊ就係涯先帶來介財產!後背還蓋多!
鄰 舍:噯oiˋ!(敲kau門聲) 有人在caiˊ無moˇ?
阿專頭:門開開!無人在啦 laˋ!
鄰 舍:阿專頭!涯等係送東西來介啊 aˇ!
阿專頭:送麼介東西啊 iaˇ!
鄰 舍:新娘的嫁妝zongˊ愛放奈nai 跡ziakˋ仔geˋ呢?
阿專頭:貴重cung 也ngaˊ唔貴重啊 ngaˇ?
鄰 舍:若naˊ係he有用就係貴重,無用就唔貴重啦 laˋ!
阿專頭:嘎ga 就tu 放入間房肚裡來!
鄰 舍:喊ham 工人將钁giokˋ頭,畚bun 箕,菜藍,大腳giokˋ盆,舊桌凳den 等等全部扛入房間肚裡來!
阿專頭:這兜deuˊ钁giokˋ頭,畚bun箕giˊ,菜藍,大腳盆punˇ,舊桌凳介東西喲 ioˋ?
鄰 舍:噢oˋ!噢!放好勢了ieˇ!這兜東西總共愛兩千銀介搬運費?
阿專頭:嗄haˊ!這兜壞銅壞鐵搬到這來,還愛錢哪naˋ?
鄰 舍:算汝兩千銀ngiunˇ係蓋便penˇ宜ngiˇ了ieˇ哪naˊ!
阿專頭:涯身上才剩cunˊ到一千銀了neˊ!
鄰 舍:好啦!嘎ga就先拿一千銀,剩的記數sii,有閒才來聊!
阿專頭:(轉身同新娘講)唉eˋ!新娘!
阿 英:喊涯阿英就好?
阿專頭:阿英來!請問你,該兜壞銅壞貨送來愛做麼介?
阿 英:講到do 恁壞聽,麼介壞銅壞貨!你愛知該支giˊ钁giokˋ頭同畚bun 箕giˊ,係涯介婆太嫁分涯公太介嫁妝,大腳盆係吾ngaˊ婆嫁分吾公介嫁妝,桌凳係吾姆meˊ嫁分吾爸介嫁妝,還有這兜碗筷係涯特別帶來介嫁妝zongˊ啊ngaˇ!
阿專頭:麼介啊 iaˊ!涯聽到會失siiˋ神siinˇ,涯屋家又唔係me 環保局介垃leˋ圾sepˋ場哩!請問你,搬這兜東西來愛做麼介用?
阿 英:為著cok 涯等日後家庭生活好添加用iung 啊ngaˇ!(尿急)唉aiˊ喲io 噢oˊ !
阿專頭!遽giakˋ遽遽遽!
阿專頭:遽giakˋ遽麼介?
阿 英:涯蓋出尿ngiau 了veˇ啦 laˋ!
阿專頭:出尿就去便所屙 oˊ哇vaˇ!喊涯做麼介?
阿 英:涯知出尿愛去便所屙 oˊ,但係he 你愛帶涯去啊 iaˇ!
阿專頭:豬欄隔gapˋ壁有便所,汝自家續sa 唔會去!
阿 英:嘎ga 就遽遽來攬 lamˋ涯去!
阿專頭:麼介啊 iaˊ!汝又唔係me 細人仔neˋ,無成sangˇ屙尿愛人<兜deuˊ>嗄haˋ!自家唔會行hangˇ嗄haˋ!
阿 英:就係因為涯唔會行,才會喊妳攬 lamˋ嗎maˇ!
阿專頭:(觀望一下)嗄haˊ !原來妳係跛baiˊ腳giokˋ噢goˋ!
阿 英:涯唔係跛baiˊ腳,涯係瘸kioˇ腳。
阿專頭:共樣iong 啦!跛腳唔係瘸腳嗄haˋ?
阿 英:遽giakˋ遽!涯膀pongˊ胱gongˊ無力,忍唔住het了leˇ啦laˋ!
阿專頭:忍加一下添,涯攬妳去便所。妳恁重涯攬唔起,奈nai 唔何hoˇ哇vaˇ!
阿 英:攬涯唔起,還想敢討涯做<哺buˊ>娘,用背的較go遽嘎haˇ!
阿專頭:堵duˇ到了veˇ無辦法,背就背。(跍guˊ等背新娘入去)
--------------------------------------------
◇ 第 三 幕 (女方阿爸,阿姆,兄弟,姊妹各拿屋家介家喇 laˊ伙foˋ事,唱等歌仔上臺)
阿 爸:老姐ziaˋ到了veˇ,這家就係涯等介婿se 郎妹仔ieˋ的屋家。
阿 姆:噢oˋ!恁大間的屋vukˋ噢goˊ!門又開開,涯等入來去。
兄弟姊妹:阿姐!姐丈! (阿專頭背等阿英出來)
阿專頭:外no 背boi 樣ngiongˋ會恁鬧nau 熱啊 laˇ?
阿 英:阿專頭!先放涯凳仔上hong坐好勢se以後正來講。(將阿英放好)。
阿專頭:請問汝等大家來涯屋家係有何貴事?
阿 英:阿專頭!涯無講你唔mˇ知diˊ,涯同你介紹一下,這兜deuˊ都duˊ係he涯屋家人。
阿 爸:係啦係啦laˋ!係啦!涯等大家都係一家人啦!
阿 姆:還有這兜細人仔係涯供giung介!涯介賴仔,妹仔ieˋ!
阿專頭:噢oˋ!噢!來聊liau 就好了veˇ,樣ngiongˋ會帶恁多該ge 兜東西來呢?
阿 爸:若naˊ丈人<哀oiˊ>講啊nga,搬屋麻煩,愛用介就順續sa手地veˊ帶來呀!
姊 妹:姊丈congˊ!涯等係he唔係me,一個人有一個房間呢ne?
兄 弟:奈有恁多房間,你等大家看!灶zo 下haˊ,廳下,房間總下做一間,奈有麼介房間?
阿 姆:老個!涯等想阿英嫁來這跡仔時siiˇ涯等有好打幫bongˊ,大家住het作共下較go好!較go闊fatˋ!
阿 爸:阿英!請問伊等在該ge 講麼介?涯樣聽無哇vaˇ?
阿 英:意思係講,一家大細搬來共下邸dai 啦!
阿專頭:嗄haˊ!嗄!涯阿專頭討<哺buˊ>娘討到介瘸kioˇ腳,續sa 落去還愛照顧伊等一家人,涯這下是慘了!涯慘camˋ了meˊ!
阿 英:阿專頭!涯嘴蓋燥zauˊ,拜託汝捧一杯茶來分涯食siit 啊laˇ!
阿專頭:這下時siiˇ涯死無命了ngeˊ!項項都愛涯來服侍sii 伊!
阿 英:涯係惹ngiaˊ新娘噢ngoˊ!汝對待tai 涯愛較go溫vunˊ柔iuˇ體貼tiapˋ兜deuˊ地veˊ喲ioˊ!
阿 爸:老姐!你看哪naˊ!新娘公也會驚見笑喔voˊ!
阿 姆:麼manˋ人像汝等介面皮恁anˋ<盼punˊ>哪naˇ!一見面就合hap合hap上songˊ。
老 妹:阿爸!阿姆!你等唔知人家介心理,涯等在這iaˋ.伊等兩儕saˇ會唔好moˋ意思啦!
阿 爸:嘎ga!涯等就出去附近kiun邏lauˊ邏啊va咧leˊ,等到較暗兜地veˊ涯等大家才再轉來。
細人仔:好啊vaˇ!(阿爸阿姆meˊ帶細人nginˇ仔neˋ下臺)。
阿專頭:請問阿英小姐!妳的把baˋ戲算上hong 起來,實在也唔會少seuˋ喔voˊ!
阿 英:阿專頭!妳這句話係麼介意思呢?
阿專頭:麼介意思係he嗎maˇ?蓋簡單!將妳介東西全部同涯搬!搬轉去。
阿 英:搬轉去!恁anˋ簡單!再較go遽giakˋ也gaˊ愛等涯等介新婚旅行轉來以後,汝買一臺進自用介轎kieu 車分涯,才來轉外家哇vaˇ!
阿專頭:麼介啊 iaˊ!涯聽到是siiˇ肉會緊掣catˋ囉lioˊ!這下時涯真係死無命miang了ngeˊ!東西南北緊轉,東片在奈nai 跡giakˋ仔geˋ啊iaˇ?啊aˋ!啊aˋ!真係媒人鴨<嘛maˇ>嘴!涯樣ngiongˋ地ngeˊ死都唔知!
======劇 終====謝謝大家!======
==客家鄉土語文研究工作室 敬啟(0921685867)==
◇下<16>期預告:一擺就會食唔燥zauˊ。
◇三.本文客家四縣語文注解:
1.<兜deuˊ>:搬,.<兜deuˊ>為提手部首(肚艩以下)。勒let (肚部)。攬lamˋ(胸部)等不同部位。2.得人惱nauˊ:使人討厭iam。鴨<麻maˇ>字加女部首。<涯ngaiˇ>加人部首:我。
3.無人請(過go)自己來:不請自來。過:過去。goˊ變薄。<過go>:順著帶來。一般用常用字(擱gokˋ)。<過goˊ:變薄平直。窩voˊ:變薄但中間凹下>。
4.磬cinˋ磬吮cionˋ吮cionˋ:像水鴨仔吮,低頭搶食東西。磬cinˋ:頭低低的。
5.做事se (勞力),做事sii(勞心)等工作。<吮cionˋ:離嘴去交&吮cionˊ:有含著吸sot>。
6.煞satˋ猛mangˊ:努力,打拼bia 。
7.圓也naˊ扁:圓或扁(也.啊)為a 的轉音字.長cong 也ngaˊ短,深ciimˊ也maˊ淺cienˋ。
8.祖公財產:祖上留下財產。
9.恁anˋ好空kangˊ 的nge:這麼好,空kangˊ是南部音。
10.看得neˋ得detˋ:還可看,食得leˋ得detˋ,聽tang得ngeˋ得det,前面是轉音字,本音為e音,高樹為(i)音。但大路關與海陸為(i)音不作轉音。(看得neˋ到,得detˋ得leˋ到,看得neˋ得detˋ)。海陸.苗栗.大湖.大路關:<得>轉音皆用(i)音。
11.面帕pa 仔:大毛巾,<仔>為轉音字。
12.聽差caˊ了veˊ:聽錯了。聽真ziinˊ:聽清楚。
13.今下:現在,兩字複合音,今下ga 為音。
14.興絡絡 lot:絡lot 興him。心情專注又高興。
15.罕honˋ得來:很少來。
16.有影iangˋ:真的。
17.考慮嗄haˇ:反問請考慮。
18.敬gin 伯公三牲(左魚.右肉.中dungˊ央ongˊ雞).五牲senˊ祭zi (再加豬&羊)。
19.結giatˋ(南部音),gietˋ(北部音)。<拜ba,敬gin ,祭zi,>禮數不同。
20.無成sangˇ:難道不是。
21.目珠眨sapˋ眨:眼睛閉閉。裸裸貶benˋ:反面。裸latˋ裸纏canˊ:反時鐘方向纏。
22.打卵lonˋ就見黃vongˇ:立即出現事實或付諸行動。
23.做zo 妳無閒:隨你沒空。
24.過手了veˇ:得手了。
25.將ziongˊ就ciu:馬馬虎虎算了neˇ。
26.衝zungˊ來:本文為不請自來。衝zungˊ:亂向急往前。衝cungˊ:正向急往前。
27.試cii 看啊na 咧 leˊ:試看看。看一看。(看啊na 咧 leˊ)為語尾句型.如食看啊na 咧 leˊ,坐看啊na 咧 leˊ。
28.舊kiu 鑊vok 仔geˋ:舊鍋子。钁giokˋ頭:鋤頭。
29.奈nai 跡ziakˋ仔geˋ:那地方。
30.這兜deuˊ(較多),這些sitˋ(較go少)。
31.記數sii:賒caˊ數sii,記帳。大約數sii:大概koiˋ數su 目mukˋ。
32.來聊(料)liau:來玩nguanˋ。
33.垃lapˋ圾sepˋ場蓋垃圾.注意破音字用法,<垃laˋ圾sapˋ>→骯oˊ髒zoˊ。
34.出尿:尿出,想屙 oˊ尿(小解).大便(行通)。
35.跛baiˊ腳:瘸kioˇ腳。
36.奈nai唔mˇ何hoˇ:沒辦法。無moˇ奈nai 何hoˇ:佇du唔著diauˇ。
37.跍guˊ等nenˋ:蹲著。
38.家喇 laˊ伙foˋ事sii:家中細伙用具。
39.丈人<哀oiˊ>:丈母娘.丈人佬loˋ:老丈人。<哀oiˊ>加女部首。
40.面皮恁<盼punˊ>:臉皮厚。<盼punˊ>字改月部首。
41.邏lauˊ邏啊va 咧 leˊ:看一看,後面的(啊咧 leˊ)是語尾句型,<啊>字隨前字韻母轉音,如看看啊na咧leˊ,會食siit啊la 咧 leˊ。
42.灶zo 下haˊ:廚房。
43.打幫bongˊ:有好憑ben, 依 iˊ靠ko。打幫bongˊ(南部語相當<承蒙>):受惠,好處,好在。
44.麼manˋ人:什麼人。或簡稱麼manˋ。

============承蒙大家=====感謝大家=========
==客家鄉土語文研究工作室 敬啟(0921685867)==
回應
客語教學網站
公家機構網站
學術機構網站
其他客家網站
工具箱
    沒有新回應!
關鍵字