200806190839客家廣播劇&舞台戲(白話文) :一擺就食唔燥 奈還有下遇擺

客家廣播劇&舞台戲(白話文)<16>:一擺就食唔燥   奈還有下遇擺

◇編劇&作家:一先&小凌 。◇客語文譯註:廖金明。◇整理&校對:坑中水。
◇客家鄉土語文研究工作室提供(0921685867)。
◇看讀本文,敬請先看(三)本文客語四縣語詞注解。
-----------------------------------------------------------------------------------------------------
◆一擺就食唔燥 zauˊ  奈還有下遇擺:
◇ 一.劇中人:老爺,老娘,大賴仔,大心舅。第二個賴仔,二心舅,第三個賴仔(吊尾錘cuiˇ),
                           三心舅等8人。
◇二.戲文:
(將凳den仔neˋ兩張放舞台上,老爺iaˇ手拿絃仔.緊ginˋ鋸緊出場.到凳仔上坐下來鋸)。
老爺:老姐ziaˋ!……唱一條山歌來聽tangˊ啊nga 咧 leˊ! (老姐ziaˋ出場)。
老娘:唱奈nai條?
老爺:親cin 裁caiˊ!涯鋸絃hianˇ仔你唱歌仔veˋ好嗎?
老娘:好唉aiˊ!(老姐唱忒hetˋ,坐凳仔neˋ)。
           (大賴仔心舅上場…..手擐kuon禮物,糯no 米)。
大賴仔心舅:祝zukˋ福fukˋ阿爸生sangˊ日快樂!.(舞台邊企kiˊ)。
          (二賴仔心舅上場,手擐kuon 禮物,豬肉)。
二賴仔心舅:祝福阿爸長壽su百歲se(舞台邊企)。
         (細隻zakˋ賴仔心舅上場,手擐禮物,西裝)。
細隻賴仔心舅:祝福阿爸健康長壽(舞台邊企)。
老爺老娘:賴仔心舅,汝等大家全部歸來了ieˇ係meˇ?
合講:全部歸來了ieˊ!全部歸來了ieˊ!
老爺:大賴lai 仔,心舅kiuˊ你等拿麼makˋ介恁anˋ大包啊vaˇ?
大心舅:今晡日爺iaˇ仔veˋ生日,送一包糯no米來打<穧ciˊ>粑baˊ仔同阿爸做生sangˊ日!大賴仔:涯耕介田四方四,钁giokˋ頭利利,才nang有糯米打逗teu敘si!
老娘:二賴仔心舅你等拿等nenˋ該ge包又係he麼介呢?
二心舅:今日爺仔生日,送兜deuˊ豬肉歸來同阿爸做生日!
二賴仔:涯介豬砧zamˊ枋biongˊ四方四!菜刀利利,才有豬肉打逗deu敘si!
老娘:細隻介賴仔心舅!你等該ge包又係麼介呢?
細隻賴仔:涯介裁caiˇ縫fungˇ桌四方四,剪刀利利,做一身<絲seˊ匹pi佬loˋ>(西裝)歸來同
             阿爸打逗teu敘si!
老娘:老貨!涯等介賴仔實在有孝噢voˊ,送恁anˋ大包又恁多個禮物同涯等做生日ngit 啊 la
            噢voˊ。
老爺:涯介眠床又係me係he四方四,涯同若na姆meˊ每日在床上攪gauˋ來攪去,無moˇ奈nai有
           你等三兄弟 ti!
老娘:老貨fo!恁多人客,分bunˊ人客聽到會壞勢se喲ioˊ!
賴仔,心舅大家:哈ha…哈!奈nai 有~麼介啊iaˇ!唔會唔會唔會!
老爺:本成sangˇ就係有影iangˋ介!你這兜deuˊ細猴仔,有麼介好謔nakˋ啊gaˇ!
老娘:賴仔心舅汝等大家去廊longˇ仔ngeˋ下按on內人客!(按on 內:招待tai)。
賴仔心舅大家:好好好!(賴仔心舅退埸)。
老爺:老姐ziaˋ!不butˋ知diˊ不覺涯等今年又81歲se了ieˇ喲io!
老娘:係he啊iaˇ!這兜deuˊ親朋好友來恁多,同涯等慶kin祝zukˋ做生日。
老爺:係he噢 ioˋ!難得今晡buˊ日恁歡喜!老姐涯等來打一下嘴古guˋ好嗎maˇ?
老娘:愛講麼介呢?愛講介話,大部份在平常時節都係講過go了veˇ。
老爺:唔ngˋ!老姐!涯問汝!你愛坦tanˋ白同涯講!自你嫁涯到今,識siitˋ有契kie
           哥仔veˋ嗎?
老娘:唉aiˋ啊iaˇ!這個話問麼介呢?
老爺:講無相干gonˊ!這裡無別儕saˇ人!涯也唔識問過汝,汝放心simˊ啊maˋ
            講gong 啊ngaˇ!
老娘:好!涯就老實同汝講!涯淨ciang 識同上屋介阿狗哥共下一擺了ieˊ!
老爺:(打老姐兩巴掌)劈piak!劈!
老娘:唉ai 喲io 噢oˊ!唉喲噢!(噭gieu)賴仔!心舅!汝等大家共快出來哪!
賴仔心舅:阿姆meˊ恁歡喜過生sangˊ日,您噭gieu麼介呢?
老娘:人啊naˇ!唔好講介話啊vaˇ!打死都係唔好講gongˋ噢ngoˊ!像涯頭到啊vaˇ,頭到
           涯分若naˊ爸用話緒si<詳siangˊ>啊ngaˊ<詳siangˇ>地ngeˊ,續sa講出漏lau氣kuiˋ介話
          出來哪na!才唔會分若naˊ爸盪tong 一個大巴掌!唉ai 喲io 噢oˇ!到今還在該ge痛!啊
          aˋ!涯介鑲hiongˊ金牙齒唔知有盪打落忒hetˋ無moˇ!所以涯教gauˊ你等大家啊vaˇ,
          唔好講介話啊vaˇ!打死都係唔好講gongˋ噢ngoˊ!
賴仔心舅:好啦好啦好啦!涯等大家知啦!
老娘:這就喊到麼介係安on 到doˊ:<講得做得。講得做唔得。講唔得做得。講唔得做唔
            得>介道理啦!大家愛知得囉 lioˊ!世上蓋多事情話緒si 啊 iaˇ!都會教精世上大家
           人! 一擺就會食唔燥!                   
                    ============= 劇  終 ===========
◇三.本文客家四縣語文注解:
1.爺iaˇ(父)娘ngiongˇ(母):阿爸阿姆meˊ。
2.鋸gi 絃hianˇ仔neˋ:捱aiˊ絃hienˇ仔niˋ(北部音)即拉胡琴。
3.擐kuon:手提。親cin 裁caiˊ:隨意裁定。
4.歸guiˊ(轉zonˋ)來了ieˇ係meˇ?:回來了是嗎?(轉zonˋ)→北部用語。
   係meˇ→用在<嘆問,否定,轉折句>。歸guiˊ來<了ieˊ>!,<了ieˊ>有感嘆時用第二聲。
5.四方四:即四四方方,正方型。爺iaˇ仔veˋ:父親。
6.絲seˊ匹pi 佬 loˋ(日語):西裝。餖teu人:下毒於人
7.無moˇ奈nai有:沒有的話那有。毋正會有(正面說法)。無地方有。
8.契kie 哥仔veˋ:婚外之情人。打一下嘴古guˋ:閒談講聊。
9.豬砧zamˊ枋biongˊ:切豬肉的板塊。钁giokˋ頭:鋤頭。
10.打逗teu敘si:各自帶食物也係共同出錢,共下食(聚ci餐)。
11.頭deuˇ到do:剛才。<頭>後接<次,到,下,滿manˊ>:第一次。<頭擺:古時候>。
12.廊longˇ仔ngeˋ下:正身屋兩片介轉溝屋。
13.好好好!:客語一字<好>與兩,參隻<好>介語意不盡相同。三字<好>表示很順從。
14.唔會唔會唔會!:即有萬無一失,絕對不會的意思。(唔mˇ=毋mˇ)。
15,下生senˊ人:下二ngi 生人:下輩子。
16.按on 內:招待tai(由日本話直譯)。
17.漏lau氣kuiˋ:壞勢se。本句音係河洛話轉用為客家話。
18.唉ai 喲io 噢oˊ:痛苦介呻cenˊ噭gieu聲。
19.一擺就食唔燥 zauˊ:一次就無法承受(受不了)。。<飽又醉>←河洛話。
20.奈nai還有下二(遇ngi )擺:怎麼還有第二次,一次就喊唔敢。
21.緊ginˋ鋸緊出場:一邊拉絃一邊出場。句型:<緊>+A動詞+<緊>+B動詞→<兩種動
    作同時進行的意思>。話緒si :話語。<語言&言語>不同。
22.<穧ciˊ>粑baˊ:糯米蒸熟後放米臼去舂zungˊ成粄banˋ仔樣。.<穧ciˊ>改<米>部首。
23.又係me係he:又係he,又是。通常前句是不良結果之語句,後句又相同時,用<又係me係he>。
24.<詳siangˇ>啊nga <詳siangˇ>地ngeˊ:用引誘的話去引誘。<詳siangˇ>→改<食>部首。
★本句型=<A動詞+啊a+A動詞+地e>→A動詞的結果,<啊a,地e>為轉音字共九種。
   例如:
(1)< 食siit啊la食siit地leˊ>。(2)<讀tuk啊ga讀tuk地geˊ>。
(3)<擒lim啊ma擒lim地meˊ>。(4)<搞kau啊va搞kau地veˊ>。
(5)<衝cungˊ啊nga衝cungˊ地ngeˊ>。(6)<掄nunˋ啊na掄nunˋ地neˊ>。
(7)<企kiˊ啊ia企kiˊ地ieˊ>。(8)<安onˊ啊na安onˊ地neˊ>等與
(9)[蒔sii 啊a 蒔sii 地eˊ]←用本音。
※1.高樹腔啊(a)地(i)為韻母,其聲母同上作同樣變化,但逢(sii→si,zii→zi,cii→ci),無本音的轉
       音字例如: [蒔sii 啊a 蒔sii 地eˊ]→[蒔si 啊 ia蒔si 地 ieˊ]←高樹腔。
※2.<戲劇,歌唱,廣播,演講---->若係能善用<客語轉音字語>,能夠加添客家語言介流利與客
       家鄉土介味道。
 
====客家鄉土語文研究工作室  敬啟(0921685867)====
回應
客語教學網站
公家機構網站
學術機構網站
其他客家網站
工具箱
    沒有新回應!
關鍵字