200806252035客家廣播劇&舞台戲白話文 :阿啼taiˇ妹賣檳榔

客家廣播劇&舞台戲白話文<18>:阿啼taiˇ妹賣檳榔

◇編劇&作家:一先&小凌 。
◇客語文譯註:廖金明。
◇整理&校對:坑中水。
◇客家鄉土語文研究工作室提供(0921685867)。
◇看讀本文,敬請先看(三)本文客語四縣語詞注解。

阿啼taiˇ妹賣檳榔

◇一.戲中人:賴 lai 仔ieˋ,婦人家,老阿伯bakˋ等三人。
◇二.戲文:(老太太年約iokˋ65歲,緊ginˋ出場緊ginˋ唱歌仔veˋ):
婦人家:各位聽眾zung!大家好!涯naiˇ來自我ngoˊ介紹,吾ngaˊ爸吾姆meˊ介頭路就係燒火炭,所以才會供giung 到doˋ涯烏vuˊ疏soˇ疏,大家就喊涯烏疏姐ziˋ,烏疏姐就係he涯,講到涯時siiˇ樣ngiongˋ般歪命,你等知diˊ嗎?涯每日唔係me摘檳榔,就係he餵豬<嘛maˇ>,有一日認識上屋介阿興頭,同涯約會在檳榔樹下,當時涯等nenˊ兩儕saˇ感情好到do講:無涯,佢giˇ唔討。無佢,涯唔嫁。兩儕就在該ge檳榔樹下,談情說愛!佢講佢會負責zitˋ到底,恁anˋ地neˊ,涯就聽tangˊ啊nga呆ngoˇ呆隨在佢,佢就無細se義,一箭就同涯射落去,不知不覺30年就過去了ieˇ,當時佢講愛去臺北做生senˊ理,續sa一去就無消無息,害涯供giung 到介賴仔阿雄啊ngaˇ,這下年紀數sii 也有30歲了ieˇ,講精也唔精呢ne!
講戇ngong也唔會蓋戇,講啊nga講地ngeˊ,唉ai 噯oiˊ!恁anˋ晝zu了veˇ啊va,會十二點了meˇ呢ne,賴仔出去樣還唔曾cienˇ轉來呢no!
賴仔:(耕田人介身裝,手擐kuon等檳榔同一包東西歸來)惹ngiaˊ姆meˊ!涯轉來了ieˊ!
阿姆:阿姆meˊ就喊阿姆!喊麼介惹姆!這係麼makˋ介意思呢?
賴仔:人家隔gapˋ壁介該ge…該春來哥啊vaˇ!看到涯時就講:阿雄!惹ngiaˊ姆呢?春來哥都係講惹姆,嘎ga!涯喊你(惹姆),樣ngiongˋ又有麼介唔著cok 的呢?
阿姆:人講你戇ngong就無爭zenˊ差caˊ,別人問你講:(惹姆),惹姆就係指涯,涯就係阿姆。
賴仔:噢oˋ!涯知diˊ了ieˊ!惹ngiaˊ姆就係涯,涯就係阿姆。
阿姆:唉ai 噢ioˊ!戇賴仔!喊涯阿姆就好了veˇ,(惹姆)兩隻字唔使siiˋ講惹。
賴仔:喊阿姆就好,係he嗎maˇ?
阿姆:係he啦 laˋ!係啦!(緊看賴仔擐kuan轉來的東西)阿雄!你擐該ge包係麼介東西呢no?
賴仔:這個喲ioˋ!(指這包東西)有檳榔又搭dapˋ還有你…..你介衫samˊ啊maˇ,(將檳榔同衫褲拿出來)。
阿姆:涯等屋家無人食檳榔,你拿恁大包介檳榔愛分麼manˋ人食呢no?
賴仔:阿姆!涯等來做生senˊ理,賣檳榔賺錢愛嗎maˇ?
阿姆:你介意思,係做生理賣檳榔喲 ioˋ?
賴仔:係he哪naˊ!(另外拿一身三點式的衫褲出來)阿姆!還有這領 liangˊ係你介衫!
阿姆:麼介衫嗎maˇ?
賴仔:(阿雄將乳絆pan仔neˋ比在阿姆胸前)阿姆…..這個分bunˊ汝著zokˋ!
阿姆:(阿姆蓋goi 唔好意思)戇ngong賴仔!汝樣ngiongˋ會買這種zungˋ的nge東西呢?
賴仔:還有噢voˊ!等一下添(拿出三角褲),阿姆這領褲愛著底daiˋ下。
阿姆:麼介褲啊vaˇ?賴仔:汝看!靚ziangˊ!…靚又靚介三角褲!阿姆涯同妳換愛嗎?
阿姆:嗄haˊ!嗄!戇賴仔你喊ham惹ngiaˊ姆著zokˋ這樣介褲噢voˋ?
賴仔:係he啊iaˇ!唔單止ziiˋ靚又……又後生sangˊ,涯也有一領呢ne!(拿出丁字褲往自己下身緊比)阿姆!妳看!妳看!涯恁anˋ地neˊ著這領三角褲好看嗎?
阿姆:涯看賴仔!汝ngˇ啊ngaˇ,腦筋ginˊ病緊來緊嚴ngiamˇ重,有問題了ieˊ!
賴仔:涯恁有孝妳……妳又講涯有問題,阿姆!妳才nang有問題哪naˊ!
阿姆:妳買這種衫褲分阿姆著,嗄haˊ!無moˇ成sangˇ唔係me有問題嗄haˋ?
賴仔:阿姆!涯等愛……愛做生理賣檳榔,就愛著恁anˋ地neˊ介衫samˊ啊maˇ!
阿姆:嗄haˊ!嗄!原來你同惹姆當作zokˋ係檳榔西施噢oˋ!
賴仔:賣檳榔著恁地介衫褲,再加添(跳舞動做)來跳緊扭ngiuˋ介舞,還有鋼gong管gonˇ舞,生理唔mˇ才nang會好!
阿姆:該ge 喲ioˇ!分人看到噢voˋ,嘎ga就tu會講惹姆係神經病院走出來介喲ioˊ!
賴仔:阿姆!你講涯戇ngong,涯看你比…比涯還卡ka戇。
阿姆:樣ngiongˋ般講?
賴仔:恁地做…!做生理,係唔係比妳做…做事se卡自然嗄haˋ!唔使分bunˊ日頭曬又…又唔會流汗!
阿姆:(想來想去)唉eˋ!想起來又有影iang噢ngoˊ!唔過!賴仔!阿姆做唔得著恁地介衫褲!會分人謔nakˋ啊gaˇ!
賴仔:噢oˋ!噢!阿姆!嘎ga…..嘎ga涯檳榔買naiˊ啊ia恁多,愛樣般來處理了ieˇ呢no?
阿姆:嘎ga!嘎就tu 拿來擺地攤tanˊ仔neˋ賣。
賴仔:唉eˋ!(將檳榔放地泥下)阿姆!你在這賣,賣檳榔,涯再來去--去掇dotˋ貨。掇較go多兜deuˊ地veˊ來賣,賺卡多錢兜deuˊ地veˊ好嗎?(掇dotˋ:批發買賣)。
阿姆:好!嘎ga就做zo妳去,遽giokˋ遽轉來喲io!
賴仔:好!好!(阿雄下台)
阿姆:檳榔longˇ噢ngoˊ!買檳榔,嫩嫩nun介ne檳榔。
------------------------------
◇音樂:
◇旁白:一個老伯年紀giˋ數sii大約有70歲,戴烏vuˊ眼鏡擐kuon等一個皮箱siongˊ仔ngeˋ,唱<將舊介皮箱>歌仔veˋ上場,看到路邊有人賣檳榔。
老伯:賣檳榔介小姐ziˋ啊 iaˇ!請問!在這附近有一個安onˊ到doˊ阿啼taiˇ姐介!你識siiˋ嗎?
婦人:(頭<賴 laiˇ>賴在該ge切檳榔)你尋cimˇ阿啼姐愛做麼介啊iaˇ?
老伯:涯係伊介親戚。
婦人:親戚!麼介親戚citˋ啊 laˇ?
老伯:唔ngˊ!這講話介聲音,樣ngiongˋ會恁熟suk啊gaˇ!啊 aˋ!阿啼妹!汝就係阿啼妹!婦人:(蓋緊張喊)救命miang哦ngoˊ!救命哦!。
老伯:唔好moˋ喊hemˊ!唔好喊!妳愛看真ziinˊ啊naˋ咧 leˊ!涯係麼manˋ人啊naˇ? (將眼鏡拿下來)。
婦人:(婦人看了neˇ一下)啊aˋ!你敢唔係me阿興頭嗄haˋ?
老伯:係he 哪 naˊ!涯就tu 係he 阿興頭!無moˇ爭ziinˊ差caˊ!烏vuˊ象做腳giokˋ下!
婦人:阿興頭!你還在coiˊ喲 ioˋ!涯覺goˋ到你死忒tetˋ了 leˇ呢ne!
老伯:阿啼taiˇ妹!(兩人攬lamˋ勒let 一下)!
婦人:(將阿興頭推cotˋ開,使saiˊ妮naiˊ介動作,捶cuiˇ阿興頭)阿興頭!拜託汝,同涯介嘴角批biet 一下啊va 咧 leˊ,看kon啊 na是!涯係he唔係me在這發botˋ夢mung?
老伯:惜siakˋ都來唔掣catˋ了leˇ,涯樣ngiongˋ盼pan得批biet 啊 laˇ!
婦人:係真的ne!真的!涯唔係發夢mung 噢ngoˋ!嘎ga!你做zo麼介一走!就走到今,才nang轉來呢ne?
老伯:以前涯識轉去麟洛老屋家盡多擺,去尋cimˇ妳,打探唔到妳的消息。尋唔到你!你樣ngiongˋ會走到這跡giakˋ仔geˋ來賣檳榔呢?
婦人:因為該ge時節種介連霧恁無價,連工錢就唔罅 la,涯就將老屋賣忒hetˋ,來到這跡仔賣檳榔。
老伯:噢oˋ!實在辛苦汝nˇ哦ngo!唔怕!唔怕!將來涯會好好地veˊ補償songˋ妳。來!恁久無攬lamˋ汝了ngeˇ,分涯攬一下!
賴仔:阿姆<哀oiˊ>喲 ioˊ!阿-- - 阿姆!妳同契kie 哥係he 係meˇ?
老伯:啊a!啊!阿啼taiˇ妹!無成sangˇ妳,妳再嫁過人,有賴仔了係he無moˇ?
婦人:亂講!涯嫁人!人家涯到今還唔mˇ曾cienˇ結婚呢neˊ!
老伯:無moˇ結婚哪naˋ?嘎ga佢giˇ又樣會喊妳阿姆meˊ呢no?
婦人:你愛我講係he 係meˇ?
老伯:當然愛講啊ngaˇ!
婦人:在30年前哪naˇ!涯等兩儕saˇ在檳榔樹下,涯講唔mˇ愛moiˊ,你就講強強愛,該ge時節有的啦!
老伯:恁anˋ地neˊ講起來,阿雄就係涯介賴仔喲 io。
婦人:嘎ga無!係he石頭暴bau的係meˇ?
老伯:賴仔!過來!過來!賴仔:涯-- -- -涯才nang 唔係汝介賴仔哪naˊ!無面無皮!濫lamˋ糝samˋ認人!
老伯:係he!係!涯就係汝介阿爸!汝就係涯介賴仔!
賴仔:正唔mˇ係me,吾ngaˊ爸去蘇州賣鴨卵了neˇ,分大陸妹招zeuˊ了veˇ!
婦人:阿雄來!阿姆同你講!
賴仔:講麼介啦laˋ?
婦人:無唔mˇ著cok!伊就係he若naˊ爸!
賴仔:涯-- -涯唔相信!婦人:阿雄!你等一下。(入房裡拿一張相片出來)(老伯想愛取得阿雄介好感,但係阿雄變面愛走)阿雄你看!這張相片,伊就係若naˊ爸,若爸後生sangˊ時介相片。
賴仔:涯-- -- -涯看啊na 唔mˇ愛moiˊ看了neˇ,吾爸恁-- -- -恁後生著cok 嗎?這隻人恁老,正唔係吾爸噢voˊ!
婦人:係he啦!以前若爸恁後生,經過了veˇ30年了neˇ,這下若爸老了veˇ啊 iaˇ!
賴仔:嗄haˊ!阿爸也-- -- -也會老噢voˋ?
老伯:當然會呢noˋ!過來!過來!阿爸看kon 啊na是sii!
婦人:看真ziinˊ啊na!同你有相siongˊ像ciong嗎maˇ?
老伯:唔ngˋ!身材,個ge性有像,純種的無唔著!阿雄就係涯介賴仔!
賴仔:嘎就!涯愛喊你阿-- -- -阿爸噢voˋ!阿姆涯-- -- -涯同你講(鑽入阿姆身邊)。
婦人:講麼介?
賴仔: 你-- -- -你代涯喊ham,涯-- -- -涯唔曉hiauˋ喊ham。
婦人:莫mok恁三八batˋ啊 laˇ!阿爸係你喊的me,又唔係me涯喊的呀!
賴仔:噢oˋ!愛-- -- -愛喊ham噢moˋ!
婦人:喊ham 啊maˇ!喊啊!
賴仔:阿-- -- -阿-- -阿。(喊唔出嘴,<匝biang>在阿姆的後背,緊偷看阿爸)!
老伯:賴仔來!來來來!來來來!
婦人:喊啊maˇ!<匝biang>麼介呢?(匝biang:躲藏)。
賴仔:恁-- -- -見-- -- -笑seu。
婦人:早慢都愛喊的me!有麼介好見笑seu?共快喊嗎maˇ!
賴仔:阿-- -- -阿-- - --阿爸!
婦人:著cok了geˇ哪na!著了哪!著了哪!
老伯:哈哈哈!今下檳榔莫賣了ieˇ涯帶你等兩子<哀oiˊ>來去臺北,順續sa辦結婚,搭dapˋ請人客,賴仔!到時siiˇ你愛同惹母牽新娘衫samˊ噢moˊ!
賴仔:阿爸!你-- -- -你結婚愛記得著這領丁字褲fu 噢voˊ。
老伯:麼介褲啊vaˇ?拿來涯看(看了一下)!好!好!好!若naˊ係賴仔歡喜介,阿爸著!阿爸著!阿爸著麼介褲都唔怕,哈哈哈!哈哈哈!
======劇 終====謝謝大家! ======

◇三.本文客家四縣語文注解:
1.檳榔longˇ樹:又稱菁ciangˊ仔ngeˋ樹.<榔nongˇ>是美濃地方語音。包檳榔的稱葉iap 仔
beˋ)指包檳的東西。檳榔盍hapˋ:檳榔樹葉下端包狀的樹皮。竹殼hokˋ→無葉。
2.供giung 涯ngaiˇ:生我。供指(人),生senˊ(虫類),出cutˋ(禽kimˇ類),養iongˊ(獸cu 類)的客語
生產稱呼。<神,仙,聖>→降gong生,出世sii。
3.烏vuˊ疏soˇ疏:很黑。 紅啾ziuˊ啾:很紅。 白雪sietˋ雪:很白。
4.歪vaiˊ命:壞命,壞faiˋ人=歪人(東勢),南部四縣壞faiˋ人蓋壤fai ,歪vaiˊ人蓋孤guˊ老 。
5.兩儕saˇ在該geˋ:兩人在那裡。<在>地方語音(ciˊ,caiˊ,toˊ,teˊ,keˊ,duˊ,do,diˊ)等等地方語音。
6.恁anˋ晝zu:離中午很近,或喻動作慢。恁暗am:很晚。恁夜:深夜。
7.<汒mangˇ>轉:唔曾cienˇ歸來。<汒mangˇ>:還沒有,唔曾。。<汒mangˇ>改口部首。
8.惹ngiaˊ姆meˊ:若naˊ姆,你的媽媽。吾ngaiˊ:我的。他的:其iaˊ,厥giaˊ。
9.唔(毋)mˇ著cok 的:不對的。唔著zokˋ的:不穿的。唔著cok了geˇ!:不對了。
10.無moˇ爭ziinˊ差caˊ:沒有什麼差錯或不對的地方。
11.擐kuan:手拿東西.相當國語(提)。本<擐kuan>音,許多變音為(kan)。
12.唔mˇ精ginˊ:不聰明。<精→聰明>有所差異。變面:發脾氣。
13.呆ngoiˇ呆:受到外界某種刺ciukˋ激gitˋ,變成茫然不知。<痴ciiˇ,呆,憨hamˊ,戇ngong>語義用法不同。
14.隔gapˋ壁:隔gakˋ開.本句為合音字變為gapˋ。擱gakˋ開&柵cak開等分開方式不一樣。
15.麼manˋ人:又簡稱麼manˋ?是sii 誰suiˇ。
16.乳nen 絆pan 仔neˋ:乳罩。恁見笑seu:畏vi羞siuˊ,壞勢se。
17.一領衫samˊ:一件上衣.一身siinˊ衫褲:上衣褲仔各一件。
18.較go 後生sangˊ:較年輕。後生sangˊ仔ngeˋ:年青人。
19.無moˇ成sangˇ唔mˇ係me:難道不是嗎?子<哀oiˊ>:母與子女。<哀oiˊ>加女部。
20.唔mˇ才nang 會好:不然怎麼會好。才:有nang與ngiang(美濃)兩地方語音。
21.掇dotˋ貨:批發貨來賣。<批發>&<割貨>。
22.做zo你去:隨便你去.但北部音為做(co)你去。
23.涯(也)有一領:(也與啊)是a 韻母之轉音字.其聲母共有(v,L,i,m,n,ng,g,m.b)等九音,但東勢.佳冬用(i)本音。
24.頭<懶 laiˇ>懶:頭向下低垂,頭磬磬cinˋ。<懶 laiˇ>改提手部。
25.唔(毋)mˇ罅 la:不夠,不足。罅 la:用手用腳橫橫動作使之散動。
26.(無爭zenˊ差caˊ,烏vuˊ象siong做腳下):腳下指下面.本語出指李文古戲曲,指<當然耳>。
27.濫lamˋ糝samˋ:隨便,含糊之意。飯fan糝samˋ:飯粒。
28.嘎ga:那麼。嘎ga好:那麼也好。嘎ga無:不然。
29.搭dapˋ:而且。<鉤kieuˊ仔,劄dapˋ仔>&<掛,挽vanˋ,吊,拱giungˊ>衣架ga功能。
30.緊ginˋ偷看:一直偷看。石頭暴bau的:意指野生的。
31.<匝biang>:躲藏,北部客語為囥kong。但南部囥kong是隨便放的意思。<匝biang>在南部有刻意存放,驚人知之意。<匝biang>字內巾改丙字。
32.這隻人:這個人。在南部忌用<這隻人>語詞,將人視為動物之意。
33.招zeuˊ了veˇ:入贅了<男嫁給女方>。順續sa:順便。
34.來唔掣catˋ:來不及。樣盼pan得批biet:怎捨得用手掌摑(批biet)
35.<緊ginˋ出場緊ginˋ唱歌仔veˋ>句型:
緊ginˋ+A動詞+緊ginˋ+B動詞:A&B動詞同時且同等重要的動作。
36.講<精也唔會蓋精>句型:<評論>之語意, 是指中等程度。若用問號則變成由第三者論看看。
講[A(形容詞)+也(轉音字,以a為韻母)+唔會蓋A(形容詞)]→折衷取中等(形容詞)。
例如:(1)講<醜cuˋ也vaˊ唔會蓋醜>:說醜,也醜不到那裡去。
(2).講<遽giakˋ也gaˊ唔會蓋遽>。
(3)講<慢man也naˊ唔會蓋慢>。
(4)講<金gimˊ也maˊ唔會蓋金>。
(5)講<重cungˊ也ngaˊ唔會蓋重>。
(6)講<辣 lat也 laˊ唔會蓋辣>。
(7)講<合hap也baˊ唔會蓋合>。
(8)講<痺bi也 iaˊ唔會蓋痺>。
(9)講<蒔sii也 aˊ唔會蓋會蒔>。
※上(1)~(9)<蓋>若改<一>時, 意義相同。句型:唔會<蓋>痺→唔會<一>痺。
====================承蒙 大家! ====================
==客家鄉土語文研究工作室 敬啟(0921685867)==

回應
客語教學網站
公家機構網站
學術機構網站
其他客家網站
工具箱
    沒有新回應!
關鍵字