200807160827客家廣播劇&舞台戲白話文 :浪子回頭

客家廣播劇&舞台戲白話文<21>:浪子回頭 

◇編劇&作家:一先&小凌 。
◇客語文譯註:廖金明。
◇整理&校對:坑中水。
◇客家鄉土語文研究工作室提供(0921685867)。
◇看讀本文,敬請先看(三)本文客語四縣語詞注解。
 
◆戲劇名稱:浪子回頭  
◇戲中人:阿丁伯(財主),阿光仔(浪子),阿財(大賴仔),工人。
 
阿丁伯:涯後生sangˊ時節老實又勤儉kiam,今晡日家產,屋仔geˋ有十過棟,田產有兩30甲,請有
             論十個長工,來捲ten手做事,好得涯的大賴仔阿財,伊確實煞satˋ猛mangˊ認真來管理,對
             於產業的管理,有盡大的功勞。但係涯介第二隻賴仔阿光仔啊iaˇ!雖然佢去高雄讀書
            畢業歸來。佢每日總係同朋友野胱gongˊ打車,共下聊搭dapˋ當好同人相打,相當唔聽話,
            前前後後惹ngiaˋ出盡多傷腦筋的事情出來,涯啊iaˇ!實在蓋擔心!奈唔何伊啊!講到
            阿光仔!汝等大家看啊naˇ!佢這下唔知麼介樣式行歸來了ieˇ喲io!
阿光仔:阿爸!涯同汝講了恁多擺了ieˇ,耕田無利成siinˇ,耕唔到來豺saiˊ啊iaˇ!上年仔neˋ
             涯等屋家種了ngeˇ十過甲的芎蕉,都分風災掃啊va恁多,又無收入,損失了leˇ恁多錢,耕
             田無麼介搭dapˋ碓doi 啊iaˇ!阿爸!涯介朋友講,來去大陸投資做事業,只要有本錢去
             投資,一定會成功!一定會賺大錢!阿爸!涯愛來去大陸投資做生理!
阿丁伯:阿光仔!汝惦diamˊ惦聽阿爸講!汝唔好去做麼介事業,汝無麼介經驗,又無技術在身,
             過在cai!阿爸又分汝了liauˋ了veˇ恁多錢,汝愛投資麼介事業呢?在屋家認真做就會賺
             錢!汝介一切涯看透teu透!絕對無分汝去的!
阿光仔:阿爸!涯無閒了neˇ!涯愛出去了ieˇ喲io!
阿丁伯:唉唉唉ai!<亡mangˇ>亂!<亡>亂!汝今晡日愛同若naˊ哥共下去種芎蕉噢voˊ!
阿光仔:阿爸!失禮喲!涯有蓋重要介事情愛做!涯愛出來去了ieˇ喲io!
阿丁伯:唉唉唉!這隻細猴仔!講愛出去就出去!還拗au 暴bau了veˊ!
阿財:阿爸!這下工仔壞請,事se頭又多!涯自家一個人做啊va會死,涯介老弟阿光仔啊iaˇ!每
           日猴上猴下,汝樣唔喊伊同涯<捲ten>手做事se呢?若係he恁anˋ地neˊ!嚎hoˋ!涯又係
           me唔調diauˋ做了veˇ。
阿丁伯:好!涯會喚vanˋ阿光仔同汝<捲ten>手!好啦!好啦!這下恁多事頭,汝愛帶等來做!
              噢oˋ!這下堵duˋ好阿光仔歸來!阿光仔!若哥講的話汝有聽到無moˇ?
阿光仔:聽是siiˇ有聽到,唔過涯同朋友約好勢se了ieˇ,愛來去高雄辦理去大陸出國的手續siuk,
              阿爸!壞勢嗄haˇ!
阿丁伯:頭滿manˊ若哥講,每日鑢luˋ伊鑢啊va會死,對今晡日起,伊也唔做事了哇va 噢voˊ!汝
             等兩兄弟來逞cinˋ懶,汝今晡日絕對唔好去,若哥盡怨嘆tan!汝知無moˇ?汝若係he愛
             去,各日正去!
阿光仔:阿爸!阿爸!汝分bunˊ錢分涯來去大陸投資啊aˇ!愛去大陸無帶錢,奈nai有辦法投
               資事業呢?阿爸!應該分涯介份,先分分涯啊ia咧leˊ!涯來去大陸投資賺了neˇ錢,涯
                會加倍分汝啊ngaˇ!阿爸!好嗎?
阿丁伯:恁anˋ地neˊ好!恁唔聽人講,隨在汝去啦!
阿光仔:涯的份啊naˇ!分分哪na咧leˊ啊iaˇ!搶快啊iaˇ!涯介朋友在該ge等了neˇ呢ne!阿丁伯:嘎ga!看這個樣式, 涯無分錢分汝,係he做唔得係meˇ?麼介係若份?若份在奈nai裡 
                leˊ啊iaˇ?
阿光仔:唉aiˋ啊iaˇ!涯介朋友在該等denˋ等nenˋ了neˇ呢ne!係he係meˇ呢neˋ?涯買的
               機翔iangˊ飛票係12點半的ne呢neˋ!共快啊iaˇ!錢搣mietˋ搣啦la呀iaˇ!唉ai哉zai
               喲io!涯愛走了veˇ啊iaˇ!
阿丁伯:嚎hoˋ!嘎ga係汝恁地講!任im在汝去!無人有的ve啊iaˇ!
阿光仔:若係錢唔拿分涯,涯就愛跪kui啊ia在這裡,涯唔<亢hong>起來啊!
阿丁伯:好啦!好啦!天光日涯正準備分汝!<亢hong>起來!
阿光仔:做唔得等到天光日,這下就來去農會領領啊nga咧leˊ呀iaˊ!這下農會還唔前關門!
阿丁伯:無人恁地臨臨時講的nge呀iaˇ,一定愛等到天光日,今晡日無可能,涯講天光日正去!汝
               樣恁唔聽人講,涯會譴kienˋ死喲ioˊ!
阿光仔:唔好moˋ啊vaˇ!唔好啊!涯這下就愛走了veˇ啊iaˇ!阿爸!拜託啊ga咧leˊ哪
               naˇ!
阿丁伯:做唔得!做唔得!天光日正zang去!
阿光仔:共快啊iaˇ!錢領領啊nga哪naˇ!錢無領分涯,涯唔<亢hong>起來!共快啊iaˇ!
阿丁伯:好hoˋ!<亢hong>起來!<亢hong>起來!
阿光仔:好!涯<亢hong>起來了ieˇ喲io!阿爸!恁地好勢se了ieˇ嚎ho!
阿丁伯:涯同汝講噢ngo!無恁遽giakˋ!天光日正來喲io!
阿光仔:嘎ga!涯唔調diauˋ!涯今晡日就愛呢ne!
阿丁伯:今晡日領錢領唔掣catˋ啊laˇ!樣恁<捲ten>唔直呢!?
阿光仔:來來來!阿爸!涯帶汝來去!涯會帶汝來去啊!涯有辦法!
阿丁伯:做汝坐等nenˋ來!這等denˋ一下地veˊ!涯自家來去領!
 
◇旁白:阿光仔得到其爸無vuˇ奈的答應,領到其iaˊ爸分伊的錢,擐kuan等包袱fuk仔geˋ一大
              包,著zokˋ等蓋派頭的西裝,無聲無說就同其iaˊ朋友共下出發離開了其爸!
 
阿丁伯:唉!涯這個賴仔呀!拿了veˇ恁多錢也無講一聲!做伊去哪naˊ!實在會譴死喲io!
              再講涯這個賴仔啊!無見過麼介世面,單身一個人去大陸,涯實在憂iuˇ愁seuˇ身邊無人
              照顧,涯實在驚怕伊分人騙,分人打,分人搶,又驚怕伊有燒有冷,去到大陸該片時,聽講大陸
              妹蓋會拐人的錢,一無小心,身上的錢,兩下手板就會分人剝bokˋ淨,若係遇到酒肉朋友,
              帶去的錢,一定會花啊va極kit淨。啊!涯實在憂慮又搭愁噢voˊ!唔知阿光仔何時何日
             正會回頭轉來看涯?
 
◇旁白:雖然阿光仔去到大陸,開了ieˇ一間餐廳,但係伊無經驗,所以委託共下去的朋友來經營,
             伊身邊的朋友知得伊身上帶恁多錢,每日就邀ieuˊ伊共下去<淋limˊ>酒娛ngu樂,花天酒
             地的過日仔leˋ,經過了一段時間,阿光仔在大陸開的餐廳,經營不善。恁地,就倒doˋ忒
             hetˋ了leˇ,將帶去的錢也花啊va爽平極光,阿光仔為了生活,想愛尋頭路來做,但係當地經
             濟又唔好,再加上阿光仔本身,無麼介手藝功夫,重擔的工作又食苦唔起,拿筆輕的頭路,伊
             又奈唔何,所以尋cimˇ唔到頭路,連食住三餐都成問題,雖然去求過去的朋友,伊等又唔插
             capˋ伊,在這種困境無奈之下,姑goˊ不而將下街做討食!流浪街頭!
 
阿光仔:啊!涯有錢之時,涯會請這兜deuˊ朋友來大<林limˊ>大食,這下伊等遠遠看到涯,續sa
              親像看到鬼樣,遽giakˋ遽閃啊ma蓋遠,驚涯驚啊nga會死!唔答涯!涯想!涯阿光仔!
              涯阿光仔啊iaˇ!有錢的時節朋友恁多,這下無錢落難nan時,續sa走啊va無半隻烏蠅inˇ
              蚊仔,世間的人情樣會恁薄pok!啊!涯想到了veˇ,涯想到了!愛在這餓死,唔當回頭歸
              來去向吾爸賠poiˇ罪,涯相信吾ngaˊ爸一定會收留涯!原諒涯!
 
阿丁伯:唉!涯啊!涯每日在日頭落山臨暗的me時節!心頭肚裡就會想到涯去大陸的賴仔<阿
              光仔>,伊去大陸有一段時間了neˇ,唔知伊在大陸係樣般?恁久了veˇ,又無信無息,唔知
              奈久正會歸來!啊!涯心肚裡實在還憂愁了veˇ,唉!唉!該恁遠的地方,樣會有一個著
               zokˋ啊ga爛lan膣ziiˊ爛擐kuan,又搭頭沈ciim沈地meˊ行過來的人啊naˇ?蓋像係阿光
              仔呢?
阿光仔:阿爸阿爸阿爸!涯跪汝!涯跪汝!請汝原諒涯好嗎?
阿丁伯:噢oˋ!阿光仔係he嗎maˇ?汝樣一歸啊ia到屋家,又跪又噭gieu呢?
阿光仔:阿爸!阿爸!阿爸!……。
阿丁伯:樣淨緊喊阿爸,阿爸!到底係發生的麼介事情呢?
阿光仔:阿爸!阿爸!涯實在係大不孝,當時唔聽阿爸的話,涯帶去大陸投資的錢!這下了啊va
               淨ciang淨!唔ng!唔!唔!……。
阿丁伯:好了veˇ!好了!歸來就好了veˇ!人歸來了ieˇ就好了ve!唔好再緊噭gieu了veˇ,
               唔好再噭!<亢hong>起來!阿光仔!阿爸!阿爸!汝若係無開嘴原諒涯,涯就唔<亢
              hong>起來!阿丁伯:好!好!人平安歸來就好了veˇ!涯原諒汝!
阿光仔:涯向阿爸行跪拜禮!從今以後涯一定會紮zatˋ志搭聽阿爸的話,承蒙阿爸的原諒!
阿丁伯:各位長工!<涯ngaiˇ>的賴仔阿光仔去大陸平安歸來了!拜託汝等大家緊緊同涯辦三
              桌酒席,並邀請隔壁鄰舍sa來慶祝!慶祝涯的賴仔阿光仔平安歸來。
阿財:唉ai喲io!涯屋家到底發生麼介好事啊aˇ!樣會有恁多人在該<林limˊ>酒,搭大聲高興
            話拳<林limˊ>酒啊vaˇ!
工人:阿財哥!汝唔知喲ioˋ!係汝的老弟,阿光仔歸來啦!若naˊ爸講:若老弟在大陸做生理
            失敗歸來,請隔gapˋ壁鄰舍共下來慶祝!慶祝若老弟平安歸來哇va!
阿財:唉唉唉aiˊ!唔係賺大錢歸來喲ioˋ!麼介了liauˋ錢失敗歸來又還在該ge辦酒席,請鄰舍
            共下歡樂慶祝噢goˋ!涯在屋家做啊va會死,自從都唔識,辦一桌半桌來請涯的朋友!涯
            唔瞭解吾爸樣會恁anˋ大細se心!這下阿光仔失敗歸來,續sa辦啊na恁風光!涯唔入去!阿丁伯:阿財!過來涯同汝講,若老弟對大陸平安歸來!汝有麼介唔mˇ歡喜的呢?因為阿光仔
             係若老弟,兄弟手腳親,伊無死啊ia在大陸,能夠平安歸來,理所當然愛快快樂樂,歡歡喜喜,
            來慶祝正著啊gaˇ!來來來!入來去!
阿財:好!阿爸恁地講!也係蓋有道理,涯入來去!
阿光仔: 阿哥! 阿哥!請汝原諒!請汝原諒涯!老弟唔著了geˇ!
阿財:老弟!老弟!唔好噭gieu啊va恁痛腸,汝平安歸來!阿爸相當歡喜!隔壁鄰舍大家也歡
            喜!當然涯做阿哥的人也蓋歡喜!錢財係身外之物,老弟係同胞兄弟!老弟較go重要!
            錢了liauˋ忒hetˋ了leˇ會賺過!來來來!來分涯攬lamˋ一下!恁久無看到!汝好無?阿光仔:唉ai喲io噢oˇ!阿哥!汝樣會恁惜涯呢?
阿財:自家的老弟唔惜,愛惜麼人啊naˇ?老實講:過去汝在外lo背花天酒地,屋家事頭又唔做,
            涯心肚裡實在係有話難講的痛苦!今晡日汝平安歸來!從今以後,涯等倆兄弟愛同心協
            力來打拼,來發展事業,好好地做一個對社會對家庭有貢獻的人,好分bunˊ慈祥的阿爸歡
            喜快樂來過日!
阿光仔:阿哥講的話,非常有道理,老弟從今以後一切聽阿哥的指導,涯會認真煞猛搭發揚客家文
              化工作責任;<聯絡鄉情促進鄉誼,發揚客家文化精神,提昇客家族群地位>等等的精
              神,來認真為客家來做事!
阿丁伯:今晡日阿光仔歸來,涯看到汝等兩兄弟有<真情惜情>的表現,涯心肚裡非常地高興!從
              今以後,涯無麼可掛慮憂愁的所在了ieˇ,唔過!希望汝等兩兄弟以及代代子孫,愛做好發
             揚客家人的<勤儉耐勞,刻苦奮鬥,晴耕雨讀,清風明月,光前裕後,祖德流芳>等等的客
             家精神來做人做事。
阿財,阿光仔:阿爸!汝放心,涯等兩兄弟會遵照辦理,承蒙阿爸!感謝阿爸!
<旁白>:
◇阿光仔(弟):浪子知回心,鹵鐵變成金。 <鹵luˊ>。
◇阿丁伯(父):惡虎不食子,天下父母心。
◇阿    財(兄):仁義值千金,兄弟手腳親。
                       ============ 劇     終 ========== 
== 客家鄉土語文研究工作室  敬啟(0921685867) ==
◇三.本文客語註解:
1.  今晡buˊ日:今天。天光日:明天,昨coˊ暗晡:昨co夜。鹵luˊ鐵:生鏽鐵。
2.<捲ten>手:幫忙。<捲ten>唔直:難理會。唔<捲ten>頭:不配合。<捲ten>字<已>改<巾>字。
3.野胱gongˊ打車:喝朋呼友。一胱豬仔,一水鴨仔,一竇deu雞仔。
4.搭dapˋ:而iˇ且ciaˋ…又。搭dapˋ碓doi:當實在介意思。
5.奈nai唔何;對付不了。無奈何:沒辦法。奈何:怎麼樣。頭滿manˊ:剛才。
6.歸來了ieˇ喲io:回來了。動詞+<了>喲:<了>為<e>韻母介聯音字有九音。
7.豺saiˊ啊ia:吃啊!豺係土而不雅的吃<食,齕fut,拉laiˊ>皆為<吃>意。
8.生senˊ理:生意。生理衛生。<亢hong>加足部首:站起來。
9.吾ngaˊ:我的。其iaˊ:他的。若naˊ:你的。
10.過在cai:同時又有,連帶的意思。長工:日夜食住共下的工人。長年(東勢腔)。
11.分汝了liauˋ了veˇ恁多錢。前字<了>是虧損,後<了>聯音字。
12.<ge>音字有:數詞接<個>.動詞形容詞接<的>,名代名詞接<介>。這<個,的,介>皆為聯音字
     且第一聲,韻母音為<e>。
13.<亡mangˇ>亂:不要這麼快,.<亡mangˇ>字加口部首。搶緊:趕快,共快。
14.唉aiˊ唉唉!:感嘆詞句用三字或三句表示加重語氣。唉另有<e>音且四種聲調其意皆不
      同。領唔掣catˋ:來不及領。
15.拗au暴bau:不聽話,橫蠻無理。逞cinˋ懶:比誰最懶。服侍sii<拗神>:喻硬頸應話。
16.唔mˇ調diauˋ:不願意,美濃地方慣用語,本意為<肏diauˇ>字。
17.事se頭:工作,事:勞力事用<se>音,勞心事用sii音。
18.鑪luˋ伊鑪啊va會死:鑪意為強壓工作。攎luˇ:兩手扶拿。
19.唔做了veˇ啊va噢voˊ:堅定不做動詞接<了,啊,噢>:加強<動詞>之語氣。
20.汝知<嗎maˇ>,汝知無moˇ?:<嗎>有是不是,<無>有<有無>的意思,但一般混合使用。
21.猴heuˇ上猴下:遊盪好hau玩nguanˋ,無事可做。噭gieu:哭。
22.恁anˋ地neˊ:這樣的。<地>為第二聲的聯音字,韻母音為<e>,但高樹為<i>共有九個聲母接
      合為九種音<高樹腔只八種音>。<淋limˊ>酒:喝酒,<淋limˊ>字改口部首。
23.先分分涯<啊ia咧leˊ>:乾脆之意,強調句前之動詞。食食<啊le咧>,看看啊na咧leˊ,<啊>為
      連音字,依前動詞韻母音做變化,其本身韻母為<a>音,與變化聲母,共有九音<四縣,其他為八
      音>。前<啊a>為連音字。
24.分分bunˊ<啊na咧leˊ>:前《23》同句型後加<咧leˊ>為感嘆語詞。
25.在該ge等denˋ等nenˋ<了neˇ呢ne>:在那裡等待了啦!<了>為聯音字,<呢ne>為嘆詞。
26.等denˋ<等nenˋ了neˇ呢neˇ>:正在等著,動詞接<等了呢>表示動詞是進行式。
27.係he係meˇ呢ne?:是不是呢?反問語句,係he唔係me簡略為係he係me?<係>若遇:(1)否
      定為me  ,(2)問句為me  音,(3)轉折句時如<又係me  >,其他用<he  >。
28.搣mietˋ搣<啊la呀iaˇ>:做一做,動詞接<啊呀>:<啊a>為聯音字:有要求完成前接動詞之
     意,搣mietˋ(美濃音)→metˋ(苗栗音)。
29.領領liangˊ<啊ngaˋ哪naˇ>:拜託領一領,<啊哪>有要求的意思。其中<啊a>為聯音字,
    <哪>為感嘆詞語,如:食食<啊la哪naˇ>,摸摸miaˊ<啊va咧leˊ哪naˇ>!
30.飛biˊ行hangˇ機或稱機giˊ行iangˇ飛biˊ:飛機。
31.看透teu透:看得很清楚<有輕視的意思→看穿穿conˊ)。穿透teu&透teuˋ水。
32.好勢se了ieˇ嚎ho:可以了是嗎?
33.塚zungˋ埔puˊ:又稱牛埔坪piangˇ,墳墓地方。義塚zungˋ→義塚tungˋ。
 
回應
客語教學網站
公家機構網站
學術機構網站
其他客家網站
工具箱
    沒有新回應!
關鍵字