200807220821客語廣播劇&舞台戲白話文 :贏的係礱糠, 輸的係米

客語廣播劇&舞台戲白話文<22>:贏的係礱糠, 輸的係米

◇編劇&作家:一先&小凌 。
◇客語文譯註:廖金明。
◇整理&校對:坑中水。
◇客家鄉土語文研究工作室提供(0921685867)。
◇看讀本文,敬請先看(三)本文客語四縣語詞注解。
<客家四縣白話文>贏的係礱糠, 輸的係米。 
◇一.劇中人:阿強伯,阿強伯姆,阿明,阿田,阿珠,阿輝哥,阿輝嫂,阿梅姐等九人。
◇二.戲文
  旁白:頭擺baiˋ人講有錢能使鬼推磨mo,世間上人為了liauˋ錢,拼生拚死,想盡辦法樣ngiongˋ地ngeˊ來賺錢。有錢的人就利用錢來賺錢,無錢的人就想盡辦法,賣命來做生sangˊ做死望賺錢,賺了neˇ有兜deuˊ錢,又係想愛再賺較go多的錢,永久無辦法滿足人心的慾iukˋ望。賺錢的方式,人使盡了neˇ腦筋,有人做生理,有人做事業,有人淨顧有錢賺,無論麼介頭路就有人做。可比邸dai在南部的阿強伯兩公婆,供giung有兩個賴仔,一個讀大學,一個無讀書,興趣各不相同,有一日阿強伯同老姐在該ge聊天時就講:
 
阿強伯:老姐giaˋ!你有感覺無moˇ?
阿強伯姆:感覺麼makˋ介呢?
阿強伯:涯等兩個賴仔個ge性無相同,妳知diˊ嗎?
阿強伯姆:係he啊iaˇ!阿明較go內向,阿田較外向!
阿強伯:這下一多點diamˋ了meˇ呢no?
阿強伯姆:會5點了meˊ!
阿強伯:阿明係he唔係me會轉來了ieˇ啊iaˇ!
阿強伯姆:係he啊iaˇ!(<敁gok>門聲響)
阿強伯:麼manˋ人nginˇ啊naˇ?
阿明:<涯ngaiˇ>啦!阿爸!
阿強伯:老姐!係he阿明介聲!
阿強伯姆:涯來開門!
阿明:阿姆meˊ!阿爸!涯轉來了ieˊ!
阿強伯姆:看你!一身汗!阿明!汝先去洗面,將面洗洗啊iaˋ咧 leˊ!
阿明:唔使siiˋ啦!捽捽cut啊la就好了veˇ!
阿強伯:阿明!你出去尋cimˇ頭路,尋了meˇ一日,尋有啊va尋無moˇ啊vaˇ?
阿明:(蓋暢tiong)有!涯同阿爸、阿姆報告一個好消息,涯尋到正當的頭路了veˇ!
阿強伯姆:看你恁anˋ暢,係he尋到麼介好頭路啊vaˇ?
阿強伯:唔mˇ共快講分bunˊ涯聽!
阿明:係殯binˊ儀ngiˊ館gonˋ上班的頭路啦!
阿強伯:殯儀館!無moˇ成sangˇ就係人往vongˇ生的地方啊ngaˊ?
阿強伯姆:麼介啊iaˊ!去死人仔neˋ介地方上班噢noˋ?
阿明:係啊iaˇ!天光日就愛正式上班了neˇ喲io!
阿強伯姆:涯聽到噢voˋ…你等看!涯介雞<嘛maˇ>皮緊起喲ioˊ!
阿明:有麼介好驚giangˊ啊ngaˇ?
阿強伯:阿強!無彩caiˋ你大學畢業,喊你去尋頭路,你續sa去尋到死人仔neˋ介頭路!
阿明:阿爸!阿姆!時代無共樣了ngeˊ!這下殯儀館完全係現代化了veˇ,水準提高,服務
           人員的素質ziiˋ也提高!無汝等想像的nge恁得人驚啊ngaˇ!
阿強伯姆:老伙!到底daiˋ係涯等介腦筋有問題,也係賴lai仔ieˋ介腦筋有問題啊iaˇ?
阿強伯:涯看時代變bien了neˊ!
 
◇音樂:
◇旁白:阿強伯兩老仔想,難得有一個賴仔係大學畢業,看有麼介較好的頭路無!<汒mangˊ>知!續sa尋到殯儀館介頭路,真的ne!涯等兩老仔veˋ唔知愛噭gieu也係愛笑較go好!該ge時節食飽夜時,屋前禾voˇ埕tangˇ駛來一臺toiˇ轎kieu車。
 
阿強伯:老姐!樣ngiongˋ會有人駛轎車來涯等屋vukˋ家呢?
阿強伯姆:麼介人客hokˋ嘎gaˇ?
阿田:阿爸!阿姆!係涯啦laˋ!
阿強伯姆:阿田係汝噢ngoˋ!涯恅lauˋ係到麼manˋ人哪naˊ?
阿珠:阿伯!伯姆!
阿強伯:阿田!佢giˇ係he唔係me你介女朋友呢?
阿田:唔係me啦!
阿珠:噢oˋ!涯來自涯介紹!涯係阿田哥介助理!
阿強伯:老伙fo!麼makˋ介安到doˊ助理呢?
阿強伯:汝唔知麼介安到助理喲ioˋ?
阿強伯姆:汝無講涯樣ngiongˋ會知diˊ?
阿強伯:助理就係像人家開工廠,無就tu人家開公司董事長的秘書該ge樣iong!就喊做助理!
阿強伯姆:無moˇ成sangˇ!賴仔!汝nˇ係董事長係he係meˇ?
阿田:係啦!
阿強伯姆:阿田汝樣恁anˋ會,無讀到麼介書,汝會做董事長嗄haˋ?無像汝老弟係大學畢業,
                麼介頭路都duˊ唔去做,麼介去做死人仔介頭路哇va!
阿強伯:汝做麼介頭路,樣會有董事長好做呢?
阿珠:最生趣ci又搭dapˋ最好hoˋ搞的頭路!
阿強伯姆:無就tu係愛用盡多本錢的係he嗎?
阿田:這擺本錢淨淨用到五千個銀ngiun了neˊ!
阿珠:嘎ga涯!淨淨出一千銀了neˊ,所以涯做阿田介助理!
阿強伯姆:嘎ga!五千銀本錢!就有董事長好做啊va!
阿田:阿珠!皮箱仔ngeˋ該ge包東西拿出來!
阿珠:好!好!
阿田:阿爸!阿姆!這包分你等兩儕saˇ!
阿強伯:麼介東西siˊ啊iaˇ?
阿強伯姆:涯看!唉ai喲io噢oˊ!錢!錢!老伙!涯食了leˇ一生人,唔識摸過恁多錢噢noˊ!阿強伯:這兜deuˊ係對奈nai來錢哪naˇ!係唔係搶銀行來的ie?
阿珠:阿田哥董事長,才nang無恁anˋ大膽去搶銀行哪naˋ?
阿田:就係he係me!
阿強伯:嘎ga無汝介錢係奈nai來的呢?
阿珠:六合彩著cok到doˋ的ge啦!
阿田:係啦!這期涯著到六合彩,總共有兩百萬銀!
阿珠:涯湊deu股本錢出較go少,涯分到50萬!
阿田:這台轎kieu車就係涯著六合彩來買的啊!
阿珠:恁anˋ堵duˋ好!涯有駕駛執ziiˋ照!涯才會來做助理又兼司机!
阿強伯:原來係恁地neˊ喲ioˋ!
阿田:天光暗晡在石頭伯公頭前,還有一棚pangˇ歌舞團愛來表演噢noˊ!
阿珠:該ge就係阿田董事長請的ge哪naˊ!
阿強伯姆:做麼介愛請歌舞團來表演呢no?
阿強伯: 阿田!汝係he唔係me請歌舞團表演答謝石頭伯公介啊iaˇ?
阿珠:係啦!係啦!係啦!
 
◇音樂:
◇旁白:阿田著到六合彩介消息,傳遍了neˇ全莊各地,該兜deuˇ好ho賭六合彩介人,紛funˊ紛前來打探tamˊ,每擺到了veˇ開獎前,阿強伯屋家附近的石頭公廟,非常熱鬧,有三教九流介人,也有人賣小食,擺攤仔neˋ,羅漢,乞食仔也到場熱鬧,槓gong龜guˊ一擺的ie人也來望下遇ngi擺。
       天光日又係開獎介日仔leˋ,唔知奈來的討食仔,在石頭公廟邊跍guˊ等一下地veˊ笑,一下地veˊ又噭gieu,歸群的ne細人仔neˋ會拿石頭去撅ziet佢giˇ,有一個婦人家阿輝嫂看到時就講:
 
阿輝嫂:你這兜deuˊ細孲oˇ仔樣ngiongˋ好拿石頭撅人呢?佢giˇ會出明牌呢!
阿梅姐:有影會出明牌喲ioˋ!
阿輝嫂:係呀!上一期佢giˇ講<11同36>兩支,就有出cutˋ囉loˊ!害涯無簽到!
阿梅姐:嘎ga!樣唔mˇ簽ciamˊ呢!
阿輝嫂:涯奈nai有想到一個討食仔會出明牌?
阿梅姐:還vanˇ打喪songˋ噢ngoˊ!
阿輝嫂:就係he係me!汝等大家惦diamˊ惦看佢介動作哪naˇ!
阿梅姐:樣ngiongˋ地ngeˊ看呢no?
阿輝嫂:涯教你等看!你等看這下跍guˊ等nenˋ…搞石頭。
阿梅姐:該ge搞石頭係麼介意思呢?
阿輝嫂:石頭圓圓就係<零langˇ>啊ngaˇ!
阿梅姐:你看!…唇siinˇ邊又有一隻狗仔veˋ!
阿輝嫂:該ge就係<09>,這期會出<09>噢voˊ!
阿梅姐:有準zunˋ也naˊ無準啊naˇ?做唔得再過害涯槓gong龜guˊ噢voˊ!
阿輝嫂:試cii看kon啊na係me?
阿輝哥:涯娘姐ziaˋ…!
阿輝嫂:涯介老公來了ieˇ喲io!你等nen慢慢man地neˊ看嗄haˇ!
阿輝哥:娘姐ziˋ!汝噢ngoˋ!屋家細人仔肚飢giˊ了ieˇ也唔煮飯,歸日仔leˋ在這掌zongˋ
                討食仔,係掌得ngeˋ到豺saiˊ了ieˇ係meˇ!
阿輝嫂:上期若naˊ係he唔係me你同涯擋忒hetˋ,涯至少係me著幾下萬銀,害涯心痛啊nga會
                死,無簽到。
阿輝哥:著cok!著!著!…你搞六合彩著了geˇ幾擺了ieˇ?有時節搞生趣涯無反對,<汒
                mangˊ>知!你搞到入巢sauˇ,唔知好分funˊ醒siangˋ!
阿輝嫂:涯是siiˇ想,若係看得neˋ準明牌,涯等就有錢了neˇ,就唔使做到半生死啊iaˇ!
阿輝哥:唔使!唔使!唔使!做你家庭照顧好啊va較ka贏!
 
◇音樂:
◇旁白:三個月以後,村莊有兜deuˊ的人,蓋像分六合彩迷到doˋ,講到奈nai有明牌,伊等無論
睡目mukˋ也gaˊ會想到do發botˋ夢牌,近的,遠的該ge廟堂也係塚zungˋ埔就當做係明牌的好
參考,阿強哥的賴仔阿田,自從著了geˇ一擺六合彩,贏了neˇ將近有200萬銀以後,變成siinˇ啊na唔做正業,每期都簽,但係每期簽就緊槓gong龜guˊ,日日在屋家算明牌,計算機,電腦也係拿來運iun用iung,有一日朝zeuˊ晨天<汒mangˇ>光,鄰舍阿強伯愛巡siinˇ田水,經過塚zungˋ埔時看到一個
人,在萬善祠ciiˇ眠到四腳撓ngia天,阿強伯行兼一看,阿姆<哀oiˊ>喲ioˊ!原來係佢介賴仔阿田,心肝肚裡一把火盡著:
 
阿強伯:你這種樣iong相siong,山猴仔!恁瀉sia衰soiˊ人,屋家唔睡,走來萬善祠塚zungˋ埔邊同
                鬼共下睡,你實在還瀉衰人地neˊ哪naˊ!
阿田:涯!涯!---------!
阿強伯:同涯遽giakˋ遽死轉去,莫mok在這分bunˊ人看到,會見笑死喲ioˊ!
 
◇音樂:
◇旁白:明知簽六合彩係不正當的行為,但係,人就係為了liauˋ錢,想藎了neˇ方法,最好唔使做,有好食又有好得的頭路。開獎日期又到了veˇ,阿梅姐又在街路上hong遇到阿輝哥倆公婆:
阿梅姐:阿輝嫂!最近有明minˇ牌嗎?
阿輝哥:阿梅姐!汝噢ngoˋ!一開嘴就係講明牌!
阿梅姐:阿輝哥!阿輝嫂!若naˊ係著cok到一擺,就像阿強伯介賴仔阿田一樣,你等就有自用
              車好坐了veˇ!唔使來街仔ieˋ上hong坐公車!
阿輝哥:講到阿強伯,講鬼鬼到,講人人到,阿強伯兩公婆來了ieˇ喲io!
阿梅姐:阿強伯!阿強伯姆!涯等緊唸ngiam你,才nang唸啊ma忒hetˋ,你就來了ieˇ!
阿輝嫂:恁久阿田有著獎嗎?
阿強伯:講到涯該ge隻賴仔…強強會<澼biak>腦筋噢noˊ!
阿強伯姆:唔好講gongˋ了ngeˊ!見笑se!
阿輝嫂:又樣ngiongˋ地ngeˊ了ieˇ呢?
阿強伯:食到一擺甜味mi,著了geˇ一擺獎,唔知好洗手,一直再癲dienˊ下去,贏到的錢不但了
                liauˋ忒,倒do貼還唔罅la,討<哺buˊ>娘介本錢也輸suˊ啊va淨淨,講唔聽!
阿輝哥:汝等恁好ho搞六合彩介人哪!有聽到無moˊ…?
阿梅姐:這下阿田呢?
阿強伯姆:這下好在該ge個細隻的賴仔!
阿強伯:當時涯介<哺buˊ>娘笑,講麼介殯儀館介頭路無出息!
阿輝哥:你等nenˊ無看新聞,愛去殯儀館上班服務無恁簡單,這下愛考試sii了e喲io!愛經過訓
              練,臺北也有這種禮儀ngiˊ學校,雖然景氣唔好moˋ,盡多後生sangˊ人蓋愛這份工作。阿強伯:所以講啊ngaˇ!賭博的頭路唔好moˋ搞較go好hoˋ,這就客家係俗語所講:
合口:贏的nge係礱糠輸的ve係米哪naˊ!
            =========劇   終 ===承蒙  大家======
 
◇三.本文客語(四縣語文)注解:
1.礱nungˇ糠hong:碾米後之穀殼hokˋ。 碾米:礱穀.礱nungˇ美濃音。碾zan地泥。
2.拼bia生sangˊ拼死:拼命做事.拼biang北部音。<涯ngaiˇ>字改人部首。
3.推tuiˊ磨mo:推有廣.推tuiˊ傷.推cotˋ人。磨mo石:磨米漿。磨noˇ石:磨noˇ刀仔。
4.邸dai:北部音。住het:南部音。下遇ngi擺:下一次。
5.麼manˋ人:什麼人.是sii誰suiˇ。麼makˋ介ge人:奈一種人。
6.捽cut:擦catˋ。<敁gok>門:反掌兩指輕碰門,<敁gok>字占改<各>。敲kau門。
7.恁anˋ暢tiong:很高興。樂lok暢:消遙ieuˇ快欒。
8.雞<嘛maˇ>皮:雞皮疙瘩。起寒毛茹guˊ仔veˋ。<嘛maˇ>口部改女部。
9.無moˇ就tu:不然,嘎ga無。然ianˇ而iˇ:若係恁anˋ地neˊ。
10.無moˇ成sangˇ:難道不是。<哺buˊ>娘:姐ziaˋ仔veˋ,太太,<哺buˊ>改女部首。
11.禾voˇ埕tangˇ:三合院前廣場.曬穀的地坪piangˇ。
12.恅lauˋ到doˋ:以為,覺gok到。續sa去:卻去。
13.係he係meˇ:係he唔係me的簡略語。兩儕saˇ:兩人。
14.湊deu股:合本做生理。湊ceu牲,湊ceu雙sungˊ。
15.恁anˋ堵duˋ好:這麼巧 。堵duˇ到:遇ngi到。
16.天光暗晡:明天晚上。.天(有tienˊ& tiangˊ)光暗晡。
17.乞kietˋ食仔leˋ:乞丐goi,討食仔。謔nakˋ啊ga吃kiet吃滾:吃吃笑個不停。
18.槓gong龜guˊ:外來語(河洛)輸博。
19.撅ziet人:石頭丟tiuˋ人。撅又音at。<摒biangˊ,丟tiuˋ,掉tiauˋ,撅ziet>動作不同。
20.打喪songˋ:浪費。喪songˋ失siitˋ。
21.惦diamˊ惦看:靜靜看。惦diamˊ→同<恬tiamˊ>。
22.走忒了:走掉了。忒:有hetˋ(南部).tetˋ(北部).petˋ(東勢)等地方語音。
23.瀉sia衰soiˊ人:唱衰人.發botˋ掃soˋ,屙oˊ衰人。
24.幾擺baiˋ地ieˊ:幾次而已。幾擺了ieˇ:幾次了,好多次。
25.四腳撓ngia天:四腳朝天。撓ngia:有ngiau等地方語音。撓ngia目:腳放高睡目。
26.又搭dapˋ:而iˇ且ciaˋ。卻hio目:側zetˋ睡。
27.塚zungˋ埔:公共墓地,牛埔坪。義塚tungˋ:收容零散孤魂野骨之地。
28.<汒mangˇ>知:料想不到,<汒mangˇ>改口部首。
29.掌得ngeˋ到(豺saiˊ了ieˇ):看守得有得吃。吃飯(食.喢sa.拉laiˊ)文雅句.另(頓dun.責zitˋ
    .豺saiˊ.齕fut)等不雅ngaˊ語。
30.入ngip巢sauˇ:迷入深處,變成呆ngoiˇ呆。入神。呆ngoiˇ呆→呆deˇ呆deˇ。
31.分funˊ醒siangˋ:覺gokˋ醒。明minˇ牌:明顯中獎牌。名miangˇ牌:有名聲的牌號。
32.才nang唸ngiam啊ma忒:剛剛講完。恁anˋ久:很久或最近。
33.倒do貼tiapˋ:虧到本。倒do貼dapˋ:倒到貼地。貼diap肉丸。貼diapˋ紙。
34.唔罅la:不夠gieu。手罅la:手縫pung。罅la罅la啊va:左右腳撥。亍cokˋ亍啊ga:前後撥。
35.人生價值ciit囉loˊ::(囉lioˊ)北部音。樣iong相siong:樣子。
36.阿姆<哀oiˊ>喲ioˊ:痛苦求救或快樂極點的呼叫詞,<哀oiˊ>加女部首。阿乳nen噢noˊ。
37.尋有<啊vaˊ>尋無moˇ<啊vaˇ>:尋cimˇ有無?
38.<澼biak>腦筋:即中風,<澼biak>字改口部首。<澼biak>開→內張力。必biˋ析sakˋ。
 
回應
客語教學網站
公家機構網站
學術機構網站
其他客家網站
工具箱
    沒有新回應!
關鍵字