著愛用在地个語言服務儂客 @ 潘科元台語文理想國 :: 隨意窩 Xuite日誌
  • 頭戴台灣天
    跤踏台灣地
    喙講台灣話
    手寫台語文

  • 關鍵字
    1. 沒有新回應!





  • Powered by Xuite
    201711291046著愛用在地个語言服務儂客

    佇南二高東山服務區 遠通櫃台,講台語問看無貼 etag 愛按怎繳費,櫃台小姐攏應我華語,而且反應像機器儂。後來有一个中年婦人儂行過來,看打扮敢哪是服務區个內場員工,小姐就一直佮伊講台語,閣真好禮親切。

    我過路費付了、提著收據,欲走進前,就共伊講:「共汝建議一下,我攏用台語問汝,汝既然都會曉講台語,應該嘛愛用台語回答我。這才是正確个服務態度。」(最後迄句我歹勢,講無出來)

    伊聽了,嘛是凊彩仔應我一句華語:〔喔謝謝〕,頭越咧,做伊入去後頭。

    應該愛隨時提醒店員、服務人員:明明會曉講台語,明明儂客也攏講台語,是按怎煞毋講台語來做服務?--這種提醒,我以前毋捌做,但是我決定以後愛把握機會來做,當然方式著盡量婉轉,總--是毋通啥乜攏無做,目睭金金看台灣上濟儂个母語,佇台灣公共場所全面消失,閣來佇家庭內也自然滅亡。

    (原底發表佇 Facebook 2015-09-15)

    「握」字佇台語个變音至少有三種...|日誌首頁|台語氣象詞「報頭」(暴頭、𩗗頭...上一篇「握」字佇台語个變音至少有三種...下一篇台語氣象詞「報頭」(暴頭、𩗗頭)...
    回應