200902202033北潭涌/海下灣 一日自駕遊通行證 Driving Permit Thur Pak Tam Chung Barrier

今日終於試到係 北潭涌 遊客中心, 即場申請自己駕駛進入關閘禁區範圍~

呢張許可證要show俾閘口職員睇&開閘放行... 泊車更要擺近係擋風玻璃喎~

Permit背後地圖, 顯示容許駕駛往 海下/黃石 嘅路徑, 但唔包 萬宜水庫...

不過我"人生路不熟"... 一入嚟就揸咗去 萬宜水庫, 途中仲遇到EU車添~

         

終於又越過高山又越過谷 ... 嚟到 海下灣&依照指示停泊特定訪客車位~

停泊車位由茶座提供, 並會致電通知 北潭涌 閘口辦理通行證&開閘放行~

茶座馳名招牌菜式 -  海膽炒飯~ 差不多係我第一次食海膽, 腥腥地味咁囉~

爺爺嫲嫲仲口痕叫多碟炒咖哩米&油菜... 好在 老婆大人 幫手至食得晒~

食飽飽就出發行落沙灘~  可惜今日無導賞團, 不過附近路標都好清晰~

一行人推埋BB車&行唔夠5分鐘已經落到 海下灣海岸公園 範圍內嘅沙灘~

呢個海叫做 白沙澳( Jones Cove ), 平日幾乎無遊人咁山長水遠摸到嚟...

亦由於位置極度偏僻&屬於海岸公園管轄, 水質&海洋生物都特別豐富~

今日下午遇著漲潮... 差不多整個 海下灣 都浸晒, 否則可以沿沙灘有排行~

沙灘埋邊一角仲有個非常完整嘅 紅樹林 , 係好珍貴嘅天然資源嚟架~

隨地都有D類似 帶子/青口/鮑魚附係D海草度被沖上岸, 但係唔准檢拾架~

一舊二舊嘅海草&貝殼生物, 就係咁樣隨住水漲俾D浪打晒上嚟岸邊四週圍~

再沿住山邊小路, 行去 海下灣碼頭 睇吓風景先~  全程有樹蔭好好行~

途中經過一處 石灰窰 遺址, 百年前居民已識用灣內嘅珊瑚嚟加工轉售~

由山腰高處回望 海下灣 兩個靚沙灘 ... 相信夏天會經常返嚟游水曬太陽~

細細條嘅 海下村 ... 呢刻除咗 與世無爭/世外桃園 外, 別無其他形容~

海下灣碼頭 ... 唔怪之得呢處一個釣魚人士都無啦, 原來係禁止捕魚嘅喎~

又到收隊時候...  烈日當空 Outlander 曬足1/2日, 要係樹蔭吹陣至坐到入去~

牛年 有牛家三口出晒嚟馬路中心推廣"安全駕駛"~  兼且"奶水充足"添呀~

沒有上一則|日誌首頁|沒有下一則
回應





Powered by Xuite
    沒有新回應!
關鍵字