咱 ê 話愛按怎來【相借問 sio/sann-tsioh-mn̄g/muī】(greeting) @ 鹿津遊子-許嘉勇 ê 沓沓滴滴(ta̍p-ta̍p-tih-tih) :: 隨意窩 Xuite日誌
  • 關鍵字
    1. 沒有新回應!
  • 201503011515咱 ê 話愛按怎來【相借問 sio/sann-tsioh-mn̄g/muī】(greeting)

    Hi, 你好」、「早啊」、「早安、午安、晚安」、「早上好、中午好、晚上好」、「再見」、「bye bye……tse攏毋是在來咱  ê 話。

    若按呢,咱   ê 話愛按怎來【相借問 sio/sann-tsioh-mn̄g/muī(greeting)

     ps.    ê 話無咧講「拍招呼」,   ê 話是講「相借問」。 

    1.透早起--來若相拄,會講𠢕gâu-tsá

    2.食三頓      hit   ê 跤兜若相拄,會問講【食飽--未 tsia̍h-pá--buē/bē/bēr,若是khah傳統     ê 婦人人,     ê 中晝時仔也會問講【煮--矣--未  tsú/tsír/tsí--ah--buē/bē/bēr

    3.暗暝若相拄,會用得問講未睏--喔/啊相辭    ê 時抑是準備欲去睏--矣 ê 時會khah早睏--咧/eh【好去睏--矣/囉!】khah早睏--咧/eh--乎[honnh]好--啦!khah早睏--咧/eh--

    4.平素佇路頭若相拄,會問講【欲去佗位/落?相辭    ê 時會講【先來去】【先[來去](la̋i)走】,若準對方並毋是定定拄會著--ê,會用得閣補一句【(有)閒,tsiah來--啦(有)tsiah來坐--啦(有)tsiah來相揣--啦

    5.若佇家己   ê 門頭相拄,主人家先入門,會用得講來坐--啦

    6.人客來咱厝--裡,拄入門,主家人坐--啦坐--啦來坐、來坐【內面坐【內底坐來食茶--啦。開店舖做生理ê頭家,人客若行入來咱店,頭家人嘛會用得說坐--啦坐--啦

    7.若是拄搪(tú-tn̄g)主人家咧食飯,主人家著共人客來食食飯--啦食--矣--未?做陣(做伙/同齊)來--啦

    8.若是特別去共人拜訪-- ê ,人客拄kàu人兜ê時,會用得共主人家講歹勢,來共恁齪嘈(tsak-tsō)    ê 時會用得講【歹勢--喔!共恁齪嘈遮(爾)久,先[來去](la̋i)走。】

    9.誠久毋捌來   ê 人客來咱厝--裡,主家人會用得罕行[hán-kiânn]、罕行,古早ê讀書人有講【久見 kiú-kiàn】

    10.一般 去人兜坐,相辭    ê 時,咱會用得講來去、來去,古早人 tsit    ê 時陣有講【你請[tshiánn](,我無閒)】,抑是孤一字【請】;主人家啊毋閣坐表示慰留,古早人 tsit    ê 時陣有講【且坐】

    11.人客伐[hua̍h]出戶橂    ê 時,主人家細膩 suè/sè/serè-jī勻(勻)仔是 ûn-á-sī/sǐ寬寬仔是 khuann-khuann-á-sī/sǐ沓沓順行 sūn-kiânntsiah來--啦tsiah閣來有閒,tsiah𤆬[tshuā]恁○○來--啦

     

    ps.照施炳華教授 ê 主張,「ta̍uh-ta̍uh」是華語『反覆、常常、不斷地』    ê 意思,「tāu-tāu」是華語『慢慢、逐漸、一步步地    ê 意思,兩    ê 音讀無sâng、釋義也無sâng,毋拄《教典》煞收佇sâng一詞「沓沓」,而且標sâng一个音讀「ta̍uh-ta̍uh」,頭一    ê 漢字用「沓沓」是音義字,後一    ê 漢字應當另外分用,「逗逗」會用得參考。《廈英》kap《臺日》除了收 「ta̍uh-ta̍uh」以外,閣有 「tia̍uh-tia̍uh」(註明漳腔),《臺日》另外閣有收一个「thiāu-thiāu」,以上三个音讀計干焦有「constantly; incessantly; very frequently.ê 意思,並無華語『慢慢、逐漸、一步步地   ê 意思,後者 ê 意思嘛有人是用加【仔 á】來區別(ex.泉州)。

    回應