2015072000322015鄉福雙語營(臺語;河洛話;閩南語)

  2015/07/11,阮教會下晡1400開五點鐘的時間坐火車對臺北車站坐到嘉義車站然後搬客運到嘉義中埔的中埔福音中心。到遮阮著及STM食暗頓的時互相熟似,我發覺我的英語算𣍐䆀。毋過我是屬佇總務組,愛替活動準備物件,所以彼工卡無法度及亻因做伙聚會。


IMG_20150711_192313.jpg - 日誌用相簿

  2015/07/12早起1000,阮所有的人攏來樓跤做禮拜。這個禮拜中予我學習著上帝是行棋手,咱人類是象棋頂的棋子,咱人毋通家己做行棋手,因為會行毋著路。彼工下晡阮逐家咧為中晡福音中心祈禱的時,我有一個感動,著是福音中心的空間會一直增加,這是我個人的感動。世界真正足細但足奇妙,彼工我才知影中埔福音中心的負責人識我的表舅,閣有STM閣及我彼個蹛佇美國的表小妹仝一間教會聚會,真正是奇蹟,攏是及我的家屬有關係,主實在是足奇妙。

IMG_20150712_103118.jpg - 日誌用相簿

  2015/07/13早起0830,阮開始祈禱及分享約書亞記第三及第四章,看了這段經節了後,我看著一個異象,這段經節講著約旦河是一種考驗,所以我著有一個感動。請問感有人去過約旦死海?彼個海是無論人偌重,攏𣍐沉落去。我的感動是咱一世人為著目的拄著考驗,親像徛佇約旦死海的一爿想東想西,這時著有兩個聲,若是上帝,伊會講:「免驚,你無論偌重,絕對𣍐沉落去」若是妖魔鬼怪,著會講:「唉喲,你看,彼既然是死海,你著應該知影落水絕對死。」所以這著是爭戰,咱愛逐工祈禱、敬拜謳咾上帝及讀上帝的話閣有經歷上帝,才𣍐一直徛佇約旦死海然後啥物攏得𣍐著。紲落來,早起0930,阮早頓食飽了後,著去中埔國小佈置閣有試耍奕。逐家咧試耍的時,我佇邊仔錄影。我那錄影那及一個STM的姊妹開講的時,才知影我20006月底識去過亻因的教會----CCCNJ,我及伊講講的,彼個姊妹著講:「莫怪我感覺你的面足熟的,若像識看過你。」世界真正足細但是足奇妙。下晡的時,我佇房間歇睏,毋及亻因出去耍飛盤,因為我愛處理影片。好佳哉我無出門,因為彼工下晡1730,嘉義中埔落大雨。

  2015/07/14早起0730,阮著來讀及分享約書亞記第七章,這章經節讀了,我有一個感動,著是咱人是按怎毋通偷提物件,因為偷提除了害別人嘛會害著家己。偷提別人的物件對別人來講無公平;對家己來講著是萬一提著炸彈、假錢、毒品等等遮的危害著一世人的物件。早起0900,阮去中埔國小𤆬囡仔,囡仔的英語比阮想的厲害。我佇遐負責錄影及準備亻因的中晝。佇活動中囡仔看著我攏叫我:「毋是查埔嘛毋是查某的。」猶無著是「到底是查埔也查某。」總是講,亻因足古錐。暗時1930,阮著來開檢討會,開到差不多1000結束。

  2015/07/15早起0730,阮短宣隊閣來到分享聖經及祈禱的時間,分享約書亞記第八章,這節讀了,逐家著分享家己佇營隊中的當滅的物件。我感覺我的當滅的物件是起毛、驚惶、慾望等等。彼工早起,小朋友正好命,會當先體驗選課,所有的囡仔選課選甲足激動。下晡1730,阮轉來到福音中心,我著出去共逐家鬥買暗頓。

  2015/07/16這工卡無啥通講,毋過好耍的所在是下晡1500的走運動場比賽,這個比賽是除了小朋友愛比賽以外,老師嘛愛。總講一句,輸贏無重要,尚重要的是完成。毋過這工真感謝主,中埔鄉中埔村長請阮短宣隊食包仔及啉豆奶閣有奶茶。這工卡忝,因為我愛負責做營會的回顧影片,做到隔轉工透早0300


  2015/07/17,這工是營會的最後一工,每一組的囡仔攏愛搬戲抑是跳營會所教過的舞。囡仔足愛跳這首英語歌「Give me oil in my lamp」,我嘛足愛這首但無法度及囡仔做伙跳,因為我負責錄影。紲落來,最後一工的贏會結束了後,尚精彩的著是耍水球,囡仔耍甲足暢。

  2015/07/18,這工雖然是阮短宣隊的最後一工,毋過阮前一日有邀請一寡囡仔來及阮做伙開講及留電話閣有留面冊Facebook。中晝的時,囡仔漸漸予爸爸媽媽載轉去了後,阮著相及做伙來翕相及留面冊Facebook。然後阮著坐公車去車頭坐下晡15:20的火車轉來臺北。STM去叨呢?亻因閣愛去鹿草福音中心服侍。


  感謝上帝予我機會參加短宣,我學著的功課著是我𣍐閣再注意別人的眼光。閣有第一擺替營會做影片。真感謝上帝予我拄著的人強強攏是及我有關係的人。咱將榮光歸佇至懸的主。阿門!

沒有上一則|日誌首頁|沒有下一則
回應
個人臉書
關鍵字
    沒有新回應!





Powered by Xuite
個人臉書
粉絲專頁