2007-04-30 23:14 手信/日經/手機
今日返工上網睇下有咩搭bf 去日本時買, 我要買fancl 既野呀, 因為日本買平好多, 只係6-7成價錢咋! 成朝就係搵下有咩想買啦, 同埋個同事帶左本東京shopping天書返黎睇, 我就借左黎睇左一陣咁咯!
放工去左日經睇下d 招生時間表, 我見到6月都有兩班可以上到喎, 一間係旺角另一間係銅鑼灣, 我梗係想0係旺角上啦, 一來近二來d 時間好d. 不過我要溫下書先報得名, 我驚唔記得晒以前教過d乜呢!
睇中部Nokia 6300, 我諗呢幾日我會買架喇, 因為覺得部機都幾靚又輕手, 而且用過呢部機既人都話ok, $2388都唔算太貴啦, 過$3000 我唔會考慮咯, 反正我又唔會用到3G呢!


