今朝凌晨5點，屋外聽到好大既行雷聲，我即刻醒晒呀！又行雷又閃電，仲劈喇劈喇咁落大雨添，我開住窗所以覺得特別涼啦！連續打左10幾聲雷呀，我諗係我廿幾年黎打得最多同最響既一次呢！仲諗住今日實唔洗跑馬啦，點知訓到8點一起身出面陽光普照喎！
今日又去唱k, 今次係同公司幾個同事去唱呢, 咁多人有男有女可以唱好多合唱歌呀, 我都唱左唔少呢! 我地由6點唱到11點, 有5個鐘都算係咁啦, 雖然我地都未夠喉....今次都幾好玩丫, 下次再搞唱k先!!
今日放工同呀爸&佢d的士司機朋友去大角咀新九龍廣場間加州紅唱k, 個k場好細呀, 而且又無咩野食, 仲要係唔好食, 呢間係我食過咁多間k 場最差既一間呀!!下次都唔好叫我去呢間唱歌!
唉，抽唔到新股添，好似未試過一次抽到呀，我d運係咪咁差呀？？唯有等下次再抽啦！好彩今日報紙話有得加人工，最快7月會加番喎，期待中…如果我努力d
連番兩日馬會，攰到爆呀！可能係著平底鞋既關係，尋日行左7個鐘返到屋企對腳好似唔係我咁，攰到連個人都攰埋呀！下次要返咁多個鐘都係著對converse
今日放工我去信和中心買左部粉紅色既NDSL，呢間真係幾抵呀，只係$1358，之前我去黃金買黑色要$1580，不過好似粉紅色既平d
放工去打波，打到6點9 我就走喇，因為要搭車去睇演唱會呢！今晚我同呀哥去睇梁靜茹演唱會，我地買$200飛但坐得好高呀，好似坐$100 d
買左NDSL同埋手機，突然間多左好多野做咁，要過番d game入去NDS度啦，又要set 番
今日返工上網睇下有咩搭bf 去日本時買, 我要買fancl 既野呀, 因為日本買平好多, 只係6-7成價錢咋! 成朝就係搵下有咩想買啦, 同埋個同事帶左本東京shopping天書返黎睇, 我就借左黎睇左一陣咁咯!
1
