200908312300台語演講系列 秋集(8)

第十三篇 王爺出巡

(1) 南部所在,有真贅人拜王爺,佇神明生日彼一工,到各庄頭去出巡,接受善男信女e膜拜,人咧講割香叨著,伊是全鄉鎮e大代誌,到時拵所有e人,攏噲撥空去參加,希望合家平安,逐傢安順過日安呢甡。我佇細漢e時拵,真有福氣,看過王爺出巡e典禮,安呢人群佳繹,炮仔聲鑼鼓聲真鬧熱,舞甲規庄頭金光沖沖滾,強欲袂收煞e

 

(2) 彼工,是咱庄兮咧割香,王爺出巡e大日子,早起時仔呤,家家戶戶無閒莿莿,佇路邊僎cuan3香案敬碗倘祭拜,誠心誠意來迎接王爺,彼个時拵,遠遠叨有聽著鑼鼓聲,毋閣有聽兮聲,無看兮影,也呾慢啥示e,茲民眾心情一直熱起來,頭一个看著e,叨是“烏令旗”,伊親象“報馬仔”仝款,給逐傢通知,後壁王爺大陣頭,即欲到位矣!紲落e瞬呤,阮看著香鼓陣來喚,賓賓磅磅有夠大聲,耳空強欲爆去,閣再落來叨全是陣頭佮神轎,尹來自附近鄉鎮各所在,鬧熱時仔,逐傢肖媵tin6逗腳手,安呢鼓吹鑼鼓神轎佛公,抱仔聲硝煙,一陣又閣一陣,互阮看甲目睭肖犮pua4,真正醉閣茫安呢甡。

 

(3) 頭一个是蜈蚣陣,坐佇蜈蚣頂頭e囡仔,有e化裝做關公、七仙女、八仙……,真贅在場e囡仔,排列去鑽nng4蜈蚣陣,來祈求好唷飼保平安,閣再來叨是趣味心適e弄龍弄獅,真奇巧,彼个龍嘴噲噴水,嘛噲噴火,有影洶涵去互伊驚著,即个時拵,有一个花婆、綰謝(音城)籃仔,互尹糖仔餅食,稍給砥(壓)驚咧!落尾也王爺e神轎出現囉,所有香客善男信女擠閣擠,氣氛熱誠有影無地講……。紲落去是「八家將」e陣頭出現矣,尹每一个人,面模仔畫烏漆白,花巴哩貓,看了真恐怖,手頭夯一寡傢俬,有棍仔,有大扇,有尖錘仔……,踮遐咧比手劃刀,嚬嚬嗙嗙,活欲驚死,行路haai4大步,袂輸簡那七爺八爺咧,一路安呢僥擺行過去,阮看甲真心適,最後又閣有桃花過渡e齣頭,一个阿伯佮嫷姑娘仔咧肖褒答嘴古,又閣有公共婆,三藏取經,牛犁陣,看甲每一位信眾,歡喜wewe,爽甲叫毋敢安呢!

 

(4) 也呾規个庄頭踅完矣,返來到大廟,規陣熱情e信眾嘛溢溢倚來,即个時拵廟埕氣氛閣卡鬧熱,逐傢心肝頭沖沖滾,安呢人擠人,咧看陣頭仙拚仙,舞頭旗,舞涼傘,弄轎、僮乩嘛咧起僮,操到血流血滴……,呾暗頭仔到點,入廟漸漸來結束矣,大廟辦平安桌,來宴請茲功勞者,推一頓仔膳饈(念叉操)咧,隨人返去庄頭,相約三年後才閣見面安呢!

 

 

第十四篇 虎頭齧鼠尾

(1) 鄉親朋友,咱人活佇世間,噯認真拍拚,做好代誌,互侍大人兄弟姐妹,逐傢逗歡喜,才是道理,哎!毋閣呢,真歹勢,我即个人自細漢叨离离茖茖lak5,做代誌安呢有頭無尾,互人啼笑安呢甡,佇茲,我噯好好家己檢討咧,咱「 四兩 央仔稍除咧」(自我約束),有欠點所在叨噯改進,映望咱茲阿同兮好朋友,毋倘閣再犯仝款e錯誤!

 

(2) 我即个人做代誌,迭迭「虎頭齧鼠尾」,我學過臹贅物件,「鋼琴,數學,英文」,逐項攏是「頭仔燒燒,尾也冷冷」,以鋼琴piano來講,su當時我看著同窗兮咧學,嘛興噗噗去要求父母,買鋼琴請老師,安呢才有面子,阿爸阿母答應了,好矣!即聲琴亦買矣,老師嘛來矣,一節二節三節,漸漸硬斗艱苦,「看久叨臭pu4」,愈來愈喔哫akzak15,愈來愈無信心,雖然老師一再鼓勵一再認真牽教,毋閣我意志薄弱,愈來愈害,根本叨無認真去練,我牽拖其他課業重做理由,揙做一禮拜,噴噴也才二三擺爾,安呢拖拖沙沙,到即嗎已經久久才燒香點火一擺爾,有影臹無耐心哩!

 

(3) 另外學英文嘛是仝款,彼年看著隔壁阿吉仔咧婁lau4英文,真揚真宏,心肝頭不止也欣羨,自那給父母要求,我欲補英文,父母掠做我一心努力讀書,真正歡喜,仝款去倩一个英文仙來牽教,無外久,我e舊症頭又閣發作矣!仝款「看久叨臭pu4」,愈學愈艱苦,漸漸無興趣矣!哎!講起來叨是我無志氣無耐心,做逐項代誌攏安呢「稱稱彩彩,虎頭齧鼠尾」,尾也,我嘛深深e檢討,是按怎做啥乜代誌攏袂成功,互侍大人真煩惱,互朋友安呢真看無到重?我咁是有路用e人?我對家己咁有信心?無毋著家己昔無志氣無信心,閣卡天公伯仔玉皇大帝叨無法度幫助汝,哎!前途茫茫,是欲按怎才好?

 

(4) 以早,我叨是安呢,做代誌,真衝磅,又閣無耐心,安呢拖拖沙沙袂就卻gio5,嗯才「一事無成」真正見羞siau3,呾即嗎步頭漸漸大漢囉,安呢落去,毋是頭路啦!有一擺阿媽有咧講「呾汝叨大人大種矣,毋倘安呢囡仔性,揙東揙西無半撇」,半暝呤呤,我翻來覆去睏袂起,目屑滴甲規枕頭,即聲覺悟矣!即聲反悔啊!若安呢落去,愈來愈貧惰,即世人叨好抾角敗亡矣呢!啊!袂使袂使,我宛那有血有目屑e人,我宛那寶島好男兒呢?為著我失志袂出脫,我咁噲使目睭金金看侍大人流目屑,那咁噲使看著熱情親友e哀歎?袂使!袂使,我一定噯拚,噯認真,做代誌一定噯堅持到底,袂使做「虎頭齧鼠尾」e半路將軍!

 

第十五篇 艋舺地頭讚

(1) 阮兜蹛佇艋舺區,倚咖腊仔即角勢,有人講雙園地區,祖先傳落來已經七、八代矣,阿公有咧講,古早時代茲有二个大e茉莉花園,所以叫做雙園,即个所在,有真純真古意e人情味,阮細漢e時拵,頻若年仔節仔,厝邊頭尾叨鬧熱滾滾,茲e大廟噲替人祈福消災,嗯才e瞬呤,炮仔聲、鑼鼓聲、鼓吹聲嚬嚬嗙嗙,到暗時仔,閣卡心適,大街細巷,露天電影、布袋戲、歌仔戲、舞甲真叉操,戲齣拚甲金光沖沖滾,互茲大人囡仔、老歲仔,隨人歡喜,一四界心適快樂安呢甡。

 

(2) 咱艋舺所在,上出名e大廟叨是“龍山寺”,行路十分鐘叨到矣,阮做囡仔e時拵,不時嘛去進行踏行踏看鬧熱,有時仔干礁顧耍爾爾,袂記得暗頭仔罩暗,返來迭迭嘛互侍大人詈,呾即嗎想起來,不止也懷念安呢!龍山寺毋但是四箍遴返食穿笪頭贅,伊本身e建築,宛那真出名,伊佇乾隆初期砌廟,伏祀觀音佛祖,廟基曠闊,漢草宏偉,內內外外充滿建築幼秀e嫷景,一幕閣一幕,互茲觀光客看甲目睭肖犮pua4,哎!讚呀!讚呀!尹真正謳咾安呢甡,少年仔啊!卡斟酌看e,卡詳細眼e,一瓦一磚攏是咱交待e精英,安呢磊斗嫷喟,真正互汝袂鐵齒e

(3) 艋舺e幵發卡早期,除了龍山寺大廟以外,另外又閣有青山王。清水祖師遐地方性e廟宇,逐年若拄著神明生日e時拵,大街小巷陣頭肖連,鬧熱滾滾,另外佇淡水河邊e料館媽祖廟,宛那充滿神秘e氣氛,安呢大船、木材、媽祖婆交插著種種e故事,永遠傳落後代,咱艋舺區佇一般眼中,是一个文化落伍e舊社區,毋閣伊佇早期,宛那是文風興盛e好所在,汝給看「學海書院」是清朝道光年間砌e學府,遐培養出真贅出名e人材,陳維英舉人叨是佇茲咧做院長,伊所代表e文化氣息,一直流傳落來,雖然書院面頭前e大埕,因為拓寬道路削去一半,毋閣由門前石旗竿佮惜家爐,宛那加減看噲出卡早e文化精神,真正無簡單!

 

(4) 各位好朋友,汝若是愛運動e人,阮艋舺地區,宛那有好e齣頭,奚叨是「青年公園」,伊占地曠闊,是全台北第一大e公園,內底有運動埕,有游泳池、網球場、滑輪場……,另外閣有一大片e草埔花園,伊e光景真嫷,空氣真好,若有時間,才歡迎各位來行踏行踏一下!

 

 

第十六篇 知福惜福

(1) 夤暗,食暗頓e時拵,阿弟看著規桌頂魚魚肉肉呤nia,心肝頭袂爽,憂頭袺gat面才咧講「哎!逐工安呢食魚食肉,有影活欲畏ui3死!」阿公看著了後,真正怨歎,才咧吐大喟,佮阿弟仔講「汝啊!」真正「人佇福中毋知福,汝有影甚好命啦!想起阿公以早細漢e時拵,乏搭艱苦,逐頓攏是菜脯蕃薯簽,無一絲仔油臊,安呢,礁礁澀澀,食到驚著,呾即嗎時代改變,囡仔人好命溜溜,安呢「不知足」毋是頭路啦!

 

(2) 咱做人毋倘甚貪心甚討債,「有一工,米甕若空,汝就知苦」逐傢噯知福惜福才著,阿爸給阿弟仔頭殼搔搔咧,順紲給逐傢講「咱祖公仔,古早真勤儉、拍拚,一透早呤,叨出門矣,一直到日頭落才入門,有心欲拚,欲做牛,免驚無犁倘拖,人咧講「一枝草、一點露」,天無絕人之路,閣卡散、閣卡無法度,做汝免驚,若甘願潦落拍拚,一枝扁擔,嘛噲使拍天下,汝講是毋是?

 

(3) 咱給想起來,卡早e人,有影卡搰力,嘛真知影「知福惜福」,佇生徛起當中,絕對毋敢討債,毋敢一絲e浪費,有影侍大人有咧交待,有儉才有底,哎!以早e人卡撲實卡勤儉,真正噲互現主時e少年傢感到見羞叨著。舉一个例來講,咱台灣即嗎上介出名e大頭傢王永慶先生,伊自細漢叨是以勤儉出名,一直到老來真好業(額)e時拵,宛那真「知福惜福」,嘛是勤儉閣拍拚,互人真謳咾,嘛互全國同胞,做一个上好e模範安呢。另外汝給看,其他e企業家嘛差不多仝「儉閣拚」,知福惜福,算起來這就是咱台灣人古所留傳落來e美德好教示叨著。

 

(4) 每一擺,規傢人逗陣咧食飯e時拵,阿媽叨真客氣給阮講「噯食果籽拜樹頭,食米飯拜田頭」叫咱噯感恩天公伯仔e恩賜,飲著甜甘好水,定著噯想起水源,「紅柿好食,對佗起蒂」?咁毋是?各位好朋友,咱今仔日噲凍過著豐衣足實e快活日子,全然是咱祖公仔流血流汗辛苦拚出來e,咱除了感恩以外,閣卡愛知福惜福,改善社會風氣,來維護咱優良e傳統文化安呢甡。

回應





Powered by Xuite
    沒有新回應!
關鍵字