發現好生活

今日趁假日於是過左去威尼斯人行下...其實每日都差唔多要過去...只不過平時係返工...依家係去行街...因為唔可以進入賭場的關係...所以無得好似以前咁入去拉下老虎機玩兩手...唯有要搵d特別通道行去shopping mall果邊...原來已經有多一條運河購物中心開左...咁即刻有多一part地方啦...

行完之後出返去澳門食dinner...經過一輪激烈的討論之後...決定去試"劣評如潮"的"鮪"日本料理店...原來我地5個人都未食過呢間野...咁就要睇下係咪真係咁差法...結果...

4個都係有超大熊貓眼的朋友



個個都有超勁熊貓眼...因為兩日只訓得4,5個鐘







加洲卷--飯粒鬆散無醋味...外觀"拿西"完全唔合格

辣蝦卷--不過不失

三文魚剌身--6件厚切...ok新鮮
三文魚芝士卷--得4卷唯埋都幾貴下...又係飽粒超鬆散...師傅一定未食飯

海鰻壽司--好大陣魚鯹味lor

鹽燒雞軟骨--20蚊原來得兩大串...每粒真係要細意品嚐

炸牛肉薯餅--我阿媽都識整的普通野

海鮮薄餅--把幾火之作...真係薄到呢...唯到要成10幾蚊一小塊...就係好似阿媽整果d...用d粉煎一煎...再沈幾粒蝦米上去...同menu副相好唔同...都得ga喇

海鮮天婦羅拉麵--係全餐最抵食果款

軟殼蟹越南米紙卷--上面個d泰式雞醬令胃口大減...料少超無誠意

泡菜豬肉炒飯--最飽肚之選

睇完我的見解印證左呢間野真係...唔抵食又唔好食...你話如果貴d但係好食都抵比...我諗我以後都未必會再幫襯了...埋單肚空空要再去食鮮果撈下下火...