2009-07-20 01:01 ME 週刊 135 期 Stephy 鄧麗欣：o靚模興得幾耐？

    

    Stephy Tang
    古銅啡色 tube dress$1,680 Bea
    透明鑲銀邊膠頸飾$4,000 Celine

    cover face

    Stephy鄧麗欣：" o靚模興得幾耐？"

    2009年07月17日

    如果一個人開始認為「時間過得太快，未圓目標太多，交心朋友太少……」足證他/她已不再少年。
    由 Cookies時代認識鄧麗欣（ Stephy），今天聽到她有以上「感慨」，絕對正路，只是估不到那句：「時代變咗，我跟唔上。」
    例證包括：想當年，與傅穎（ Theresa）柴娃娃搭晒膊頭，今日「話冇嘢就假嘅……」；愛寫作卻不理解時下女生寫 blog意義：「為乜食件蛋糕都要 V晒手影俾人睇先？」
    提到拋胸 o靚模更是雙眉一皺，幾乎搖頭歎息：「呢種風氣係咪值得繼續追捧？」
    嘩，曾幾何時， Stephy你都影過水著相喎？
    「我當時形象好健康！佢哋書都未讀完就著成咁，好懷疑可以興到幾耐？！」
    見慣內斂的 Stephy，此刻難免打個突。
    你可以一廂情願覺得玉女們不吃人間煙火，但千萬咪誤會她們「冇火」。
    「我都有權將內心發洩出嚟。」說到底，大家都不過是凡人。

    Profile

    Stephy Tang鄧麗欣
    出生日期： 1983年 10月 15日（天秤座）
    出生地：香港
    身高： 5呎 5吋
    體重： 106磅
    語言：廣東話、普通話及英語。
    學歷：香港專業教育學院時裝及紡織系
    簡歷： 00年奪得《 Yes!》雜誌主辦「全港校花校草選舉」冠軍後，開始做模特兒，後被推薦到唱片公司，組成 9人女子組合 Cookies。 05年率先獨立發展推出個人大碟。 06年出第二張唱片《 Stephy Fantasy》時更負責整張唱片的填詞工作。 07年憑《電燈膽》一曲大紅後，主演多部電影票房均過千萬。
    主要作品：電影《百分百感覺 2003》（ 2003）、《十分愛》（ 2007）、《內衣少女》（ 2008）、《保持愛你》（ 2009）；唱片《 Stephy Fantasy》（ 2006）；著作《不要忘記》（ 2006）、《陪着我走》（ 2009）。
    經理人公司網頁： http://www.gold-label.com.hk
    個人網誌： http://jacso.hk/stephy

    History

     

    2002
    入行首年的生日會，「當時已覺得，『藝人』將會是自己的終生職業。」

    2002
    剛入行時與 Theresa、 Kary情同姊妹。

    2009
    將於書展推出第一本愛情小說《陪着我走》，「當中 50%是自己的親身經歷。」

    話冇嘢就假嘅！

    Stephy Tang
    深紫色併鮮粉紅 ruffles off-shoulder裙$11,500 Luella
    銀色水晶粗手鈪$3,300 Swarovski

    在 9個成員的 Cookies年代， Stephy與 Theresa、 Kary的感情最好。清楚記得，當年出道不久的 Cookies接受訪問，途中 Kary不知為何痛哭起來，旁觀的女孩堆中，只有 Stephy和 Theresa上前安慰。那一刻，我覺得她們是真心的。
    數年下來， Stephy和 Theresa屢傳不和，近日公司地震，謠言滿天飛，令不和傳聞炒得更熱。
    近日，甚少於網上留言的 Stephy，在網誌表示：「沒有破解不了的謠言，只有一直陷入黑暗的小人。」玉女，今回真的有火了。

    M： Me！　 S： Stephy
    M：為何突然有感而發？
    S：想俾人知謠言真係好恐怖，有啲人鍾意揸住支筆無中生有，又唔知自己講嘅假說話會有好多人信，影響到人。
    M：仲以為你入行咁多年，已經對謠言免疫？
    S：因為實在太多嘢，以前冇咁嚴重，但最近啲新聞，寫得太過份，真係好嬲。
    M：大家在娛樂圈，夾吓新聞冇所謂啦。
    S：我唔係呢啲冇事搵嘢搞嘅人，負面新聞一定會影響到自己形象，有乜謂啫？（語氣加重）我真係好唔鍾意咁樣！
    M：那和 Theresa有沒有因謠言而關係變差？
    S：（被屈鬧不和）都咁多年，話冇嘢就假嘅，見到面都尷尷尬尬，做唔到好朋友。與其話不和，其實更似拍拖，緣盡就乜都唔使講。

    我跟唔上時代。

    雖說氣上心頭，卻看得出 Stephy不無半點感慨：「咁多年，發覺只有 Kary最真心。很懷念以前，一齊住宿舍，無憂無慮，個個廿歲未夠，覺得仲有大把時間。爭名逐利，好似離大家好遠。」
    事隔七年，何止體驗人情冷暖，娛圈新人如走馬燈，藏身暗角的小人，遠不及貪新厭舊的觀眾來得殘忍。
    近日 Stephy參演電影《撲克王》，就被指刻意避開性感 o靚模，真係對自己咁冇信心？

    M：你真係會驚同 o靚模合照？
    S：點解要驚？因為佢哋後生過我？
    每個人都會經歷唔同嘅階段，我以前都做過佢哋呢個位。佢哋一樣好快會到我咁嘅年齡，到時又再有新人，邊驚得咁多？最多唔做「少男殺手」，咪試吓做「阿伯殺手」囉。
    M：覺唔覺得依家嘅女仔好大膽？
    S：時代唔同咗喇，睇你點去適應。
    佢哋好搏，識得搵自己嘅位置。我唔敢批評人哋，但好懷疑，呢種風氣係咪值得繼續追捧呢？又可以流行幾耐？ 15、 6歲，書都未讀完……
    M：你入行時都有影過泳衣相，但同依家呢種風氣好唔同？
    S：我當時已經 19歲，而且形象好自然、健康。或者，真係時代變咗，我已經跟唔到。老實講，自己為新書都有再拍泳裝照，但如果要我著住套三點式周圍走，今時今日真係唔敢。

    Stephy Tang
    粉藍色 ruffles花邊 tube dress$3,199 Reiss
    黑灰色金屬珠頸鏈$499 Ark

    深宵趕戲，影相都 V晒手冧粉絲，抵錫。

    早前到澳門拍攝《撲克王》，「飾演一個唔識賭又蠢蠢哋嘅女仔，幾似我。」

    入行以來堅持食素，間中食少少零食應該冇問題啩？！

    有情飲水飽。

    Stephy Tang
    粉紅色刺繡 halter-neck連身裙$5,490 Robert Rodriguez from Seibu
    銀色通花水晶粗手鈪$4,000 Swarovski

    做過千萬票房女星，唱片大賣過，演唱會又開埋。行年 25歲，女人味唔夠卻又不再嫩口，好像走到「樽頸位」，有沒有危機感？

    S：我從來唔諗，只會定下目標，一直進步就唔怕被淘汰。
    M：現時目標係乜？
    S：有一套過億票房的電影，可以打入大陸市場。（笑）好似好遙遠，但如果有機會，我認為自己得。
    M：以前講過 30歲結婚，但你工作目標咁高，需要延遲嗎？
    S：近排因為寫小說，開始更了解自己的愛情觀。
    大部份藝人，感情生活總有好多空白位，因為真正嘅拍拖生活……我直情稱唔上「拍拖」，又唔可以行街睇戲食飯，結婚？依家唔敢諗。
    M：如何填補感情空白？
    S：在乎雙方投入感。我覺得自己嘅戀愛觀比一般女仔簡單，唔需要物質，我係有情飲水飽。真係試過兩個人，冇嘢做，坐喺間房你眼望我眼，已經好滿足。
    M：算唔算係入呢行嘅犧牲？
    S：我一早習慣喇，或者真係認咗命，咁諗就唔會覺得自己慘。

    後記

    Stephy Tang
    銀黑色綴金屬片背心裙（未定價） Collette Dinnigan from The Swank
    黑色鑲銀邊粗手鈪$3,350
    黑色鑲銀邊幼手鈪$2,700
    透明膠手鈪$2,000 all Celine

    09年只過了一半，但對 Stephy而言已稱得上是「是非年」。
    「方力申首新歌《匆匆》最切合我依家嘅心情，『沖』晒啲衰嘢走。」
    陰霾過後，好事自然來。
    《匆匆》其中兩句歌詞：「凌晨互相牽手，著上婚紗緊張個夠。」
    咪咁快就「認命」啦，比起三點式，我更有興趣睇你張結婚相。

    ME！ look

    Cyrus Lee@Beauty Tech Makeup Artist
    「 Stephy每次出來都好可愛，粉紅胭脂、圓眼，但近來我開始為佢化得比較型，畫上呢兩季勁興的上下實黑眼線，再加上灰黑眼線 blend鬆，柔和好多，個樣唔太惡，眼部輪廓亦會更突出。」

    Shop List

    Ark尖沙咀利時商場 330號鋪 3580 7617
    Bea中環卑利街 58-60號地下 B1號鋪 2537 6297
    Celine中環置地廣場 G9號鋪 2868 2097
    Luella尖沙咀九龍站 Elements2084-5號鋪 2196 8368
    Reiss尖沙咀海港城 GW2219號鋪 2736 5816
    Seibu金鐘太古廣場 L1 2971 3333
    Swarovski中環中建大廈地下 3-4號鋪 2530 9133
    The Swank中環歷山大廈 202號鋪 2868 3804

    娛樂八掛大放送★ 為食譜識飲識食街★ 任逍遙旅行萬里路 ★

    撰文︰ Sarita Lee
    形象︰ Annie Hung
    攝影︰郭賢興
    化妝︰ Cyrus Lee@Beauty Tech
    髮型︰ Vince Pang@IL Colpo

    平均分數：0 顆星    投票人數：0 人
    我要評分：
    stacy / Xuite日誌 / 回應(0) / 引用(0) / 好文轉寄
    Stephy 鄧麗欣 東To...|日誌首頁|2R Race 黃婉伶 New...
    回應
    本週明星靚相及娛樂八掛精撰★

    明星靚相大分享返回主業☆

    娛樂八掛週刊雜誌★

    娛樂八掛YouTube頻道★

    NEW 東尼日誌 2011-2012 財經★
    明星靚相大分享(2012)★
    明星靚相大分享(2010)★  明星靚相大分享(2011)★
    娛樂八掛大放送★為食譜識飲識食街★任逍遙旅行萬里路 ★
    科技電玩一線通 ★寵物地帶 ★潮流男女打扮★健康之道★
    財經投資★五行玄學八卦風水★娛樂猛片放送站★
    娛樂 週刊 及 雜誌(2012)☆
    娛樂 週刊 及 雜誌(2010)☆娛樂 週刊 及 雜誌(2011)☆
    留言版☆本站Logo

    明星靚相 明星合成貼圖(連結)大量娛樂八掛週刊 壹週刊 忽然1週 等 財經 健康 食譜 寵物 潮流男女 旅行 五行 賽馬

    全部展開|全部收合
      沒有新回應！
    BloggerAds Advooe

    網誌排行
    歡迎所有網站加入台灣排行榜
    反璞龜真網站排行榜

    Blog Look Score and Rank

    free counters





    關鍵字
    Re:[台灣 壹週刊 440期 戴君竹 怨 郭品...]，By 居家工作自動跟進系統---讓你網路創業超輕鬆 於2011-05-12
    Re:[月入12萬Income for LIFE...]，By 呆呆向錢衝團隊~宅男宅女SOHO族-10美金網路創業.WS 於2009-09-04
    Re:[諸葛梓岐 收錄於部觀門(Digest b...]，By door.urs.tw 於2009-07-01
    Re:[林葦茹 收錄於部觀門(Digest by...]，By door.urs.tw 於2009-07-01
    Re:[梁洛施 收錄於部觀門(Digest by...]，By door.urs.tw 於2009-06-18
    Re:[內衣模特兒 收錄於部觀門(Digest ...]，By door.urs.tw 於2009-06-18
    Re:[淫照 收錄於部觀門(Digest by ...]，By door.urs.tw 於2009-06-18
    Re:[Android 收錄於部觀門(Diges...]，By door.urs.tw 於2009-06-07