早陣子在暗黑熱血中《看到征服世界是可能的嗎？》的一段文章、之後在今天看到了竟然有blog tag這回事....

雖然自己沒有做過blog tag...但這些問題回答一下還是很有趣嘛....

 1. 什麼時候開始想征服世界？

小學睇卡通片睇得太多比阿媽打又冇人幫時就成日都想、不過最記得係小學睇鹹蛋超人(太郎)見到啲怪獸打個"三分鐘超人"都打唔到所以想取而代之。

2. 征服世界為了什麼？

最初係為咗"睇卡通片"合法化、之後變咗做"為弱勢(反派)社團爭取應有福利"。

3. 你做過最接近征服世界的事？

設計大量殺傷性武器、俗稱"玩模型"。

4. 人才、資源、技術力，三者中那樣最重要？

冇聽過人力資源同科技資源？其實缺一不可....不過冇財力資源就乜都冇。所以都係資源最重要...

5. 怕有英雄人物出來嗎？

我贏咗的話邊到會有英雄？反派就會有好多。

6. 有沒有找過其他志同道合的人合作達成夢想？

有，不過冇錢又冇超能力所以已經解散多年....如果有人可以九一分帳的話現時可以立即組隊。

7. 暫時在征服世界之路上最大困難是？

最重要又最缺短....財力資源。

8. 秘密基地想設在那兒？

落腳點一定要有左青龍右白虎之勢，他日轉行搞地產都仲可以起office或者賣地。

9. 你覺得征服作戰有什麼必要器材？

某一種"量產型"物體

10. 如果你可以當一個惡黨首領，會選那個組織？

無所謂、不過兵力越多越好、因為要做人海戰術。

11. 你最欣賞最想招攬的惡黨幹部？

SOS團: 長門有希、完全一個活金手指。

12. 什麼時候，你會打消征服世界的念頭？

搵到新工時。

Blog tag 本應要轉送比其他人...不過惡黨冇乜朋友所以冇得傳。