200612260929大近視看

LASIK 後 遺 症   角 膜 隨 時 甩

今 時 今 日 , 激 光 最 無 敵 , 近 視 眼 、 痘 皮 面 、 手 毛 長 , 只 要 激 光 掃 一 掃 , 煩 惱 速 速 冇 ! 尤 其 在 港 有 近 十 年 歷 史 的 激 光 矯 視 手 術 , 估 計 單 是 今 年 , 至 今 已 有 超 過 二 萬 人 曾 接 受 手 術 。
手 術 後 冇 矇 冇 痛 , 以 為 一 天 光 晒 , 誰 不 知 , 恐 怖 後 遺 症 陸 續 出 現 , 若 延 醫 不 理 , 嚴 重 者 可 引 致 失 明 !
你 敢 唔 敢 搏 一 鋪 ?




魏 太 當 初 為 方 便 湊 女 , 決 定 接 受 LASIK , 可 惜 一 年 後 卻 被 地 拖 棍 害 到 要 再 做 兩 次 手 術 。
眼 大 鼻 高 的 魏 太 , 同 囡 囡 瑩 瑩 一 樣 , 眼 仔 碌 碌 , 唔 講 唔 知 , 一 次 激 光 矯 視 手 術 , 一 個 地 拖 , 幾 乎 令 她 失 明 。 「 我 有 六 百 度 近 視 , ○ 二 年 , 瑩 瑩 出 世 前 , 諗 住 戴 住 眼 鏡 湊 女 唔 方 便 , 就 去 做 激 光 矯 視 手 術 , 手 術 好 成 功 , 第 二 日 即 刻 回 復 正 常 視 力 , 完 全 冇 唔 舒 服 。 」 就 算 其 後 驗 出 有 五 十 度 遠 視 , 魏 太 對 於 能 脫 離 四 眼 一 族 , 仍 然 覺 得 非 常 滿 意 。

當 頭 棒 打 角 膜 瓣
據 眼 科 醫 生 表 示 , 角 膜 能 自 動 癒 合 , 切 割 完 又 打 磨 過 後 , 傷 口 在 六 個 月 左 右 就 會 完 全 癒 合 , 不 留 疤 痕 。 可 惜 , 手 術 後 約 一 年 , 魏 太 如 常 做 家 務 , 拖 地 時 , 低 身 想 執 回 地 上 一 支 筆 , 誰 知 抬 頭 一 看 , 擱 在 一 邊 的 地 拖 迎 面 撼 來 。
回 過 神 來 , 魏 太 右 眼 感 到 劇 痛 , 而 且 視 野 模 糊 , 於 是 馬 上 入 院 , 並 進 行 手 術 。 主 診 的 中 大 眼 科 及 視 覺 科 學 系 副 教 授 鄭 澤 鈞 醫 生 解 釋 : 「 魏 太 的 角 膜 瓣 , 因 被 地 拖 強 力 撞 擊 而 引 致 移 位 , 有 一 半 外 翻 , 要 即 時 進 行 角 膜 覆 蓋 手 術 。 另 外 , 由 於 角 膜 瓣 移 位 , 瓣 膜 的 表 皮 細 胞 亦 在 翻 起 後 迅 速 增 生 , 要 同 時 進 行 切 除 增 生 表 皮 細 胞 手 術 。 」 鄭 澤 鈞 指 出 , 表 皮 細 胞 增 生 , 會 阻 礙 水 分 及 養 分 輸 送 至 角 膜 , 「 缺 水 缺 糧 」 , 角 膜 可 於 數 日 間 被 破 壞 , 導 致 失 明 !



倫 永 亮 在 九 八 年 做 了 LASIK , 自 言 其 後 有 老 花 眼 , 連 晚 上 看 書 的 樂 趣 也 失 去 。 ( 《 蘋 果 日 報 》 圖 片 )


黃 凱 芹 在 ○ 四 年 做 LASIK , 手 術 後 左 眼 至 今 仍 然 視 野 模 糊 。 ( 《 忽 然 1 週 》 圖 片 )


傷 口 外 露 染 細 菌



中 大 鄭 澤 鈞 醫 生 透 露 , 醫 學 界 正 研 究 利 用 激 光 直 接 射 入 角 膜 組 織 進 行 打 磨 , 不 必 切 割 角 膜 瓣 , 可 達 致 零 感 染 。
角 膜 瓣 「 重 開 」 , 傷 口 外 露 , 空 氣 中 的 細 菌 即 時 入 侵 , 導 致 魏 太 角 膜 發 炎 。 結 果 , 兩 個 月 內 接 受 兩 次 手 術 , 她 總 算 重 見 光 明 。 「 當 時 都 冇 意 識 到 情 況 原 來 好 嚴 重 , 甚 至 可 能 會 盲 , 後 來 諗 起 先 識 驚 。 」
過 去 七 年 , 鄭 澤 鈞 醫 生 曾 接 觸 過 另 外 兩 個 因 強 力 撞 擊 , 引 致 角 膜 瓣 移 位 的 個 案 。 其 中 一 位 在 手 術 三 年 後 , 角 膜 瓣 被 文 件 夾 撞 至 外 翻 。 另 一 位 更 在 手 術 七 年 後 , 因 強 力 撞 擊 , 導 致 角 膜 瓣 移 位 。 「 理 論 上 , 角 膜 組 織 可 以 自 然 黏 合 , 但 到 底 有 幾 穩 固 , 因 人 而 異 ; 因 此 , 曾 接 受 激 光 矯 視 的 人 士 , 更 須 小 心 保 護 眼 睛 , 尤 其 要 避 免 受 撞 擊 。 」

鐵 質 沉 澱 削 視 力
過 往 , 中 大 眼 科 中 心 亦 曾 接 收 一 些 需 要 跟 進 的 個 案 。 鄭 澤 鈞 表 示 : 「 他 們 在 接 受 激 光 矯 視 後 , 主 要 出 現 兩 種 後 遺 症 , 包 括 揭 起 或 覆 蓋 角 膜 瓣 的 位 置 不 佳 , 角 膜 出 現 皺 紋 , 引 致 視 力 模 糊 ; 或 者 由 於 切 割 太 深 , 令 角 膜 瓣 出 現 破 損 , 因 而 誘 發 感 染 , 若 處 理 不 當 , 可 能 形 成 疤 痕 , 影 響 視 力 。 」 鄭 澤 鈞 提 醒 , 空 氣 中 滿 布 細 菌 , 手 術 後 應 加 倍 注 意 衞 生 , 避 免 感 染 。
不 過 , 小 心 保 護 仍 未 足 夠 , 長 遠 後 遺 症 可 能 陸 續 有 來 。 早 前 有 新 西 蘭 及 英 國 眼 科 專 家 作 出 推 論 , 指 出 激 光 矯 視 改 變 角 膜 弧 度 , 可 能 會 令 角 膜 組 織 於 瞳 孔 附 近 , 形 成 一 條 鐵 質 沉 澱 帶 , 名 為 Hudson-Stahli 線 , 會 引 致 視 力 模 糊 。 眼 科 專 科 醫 生 周 伯 展 指 出 : 「 Hudson-Stahli 線 的 鐵 質 沉 澱 物 來 自 淚 水 中 的 礦 物 質 , 並 不 常 見 , 並 且 通 常 出 現 於 六 、 七 十 歲 老 人 家 的 眼 睛 。 」
不 過 , 周 伯 展 認 為 該 項 推 論 成 立 , 「 但 發 生 率 有 幾 高 , 仍 為 未 知 之 數 。 」 中 大 鄭 澤 鈞 醫 生 補 充 : 「 Hudson-Stahli 線 要 在 顯 微 鏡 下 放 大 好 多 倍 先 會 見 到 , 對 視 力 影 響 相 信 不 大 。 不 過 , 激 光 矯 視 始 終 是 一 項 手 術 , 因 此 有 一 定 程 度 的 風 險 。 」



一 名 近 視 人 士 於 接 受 LASIK 手 術 三 年 後 , 因 被 文 件 夾 撼 頭 , 撞 甩 角 膜 瓣 。 ( 模 擬 圖 片 )
Model : James / Jam Cast


提 防 角 膜 瓣 重 開 , 進 行 高 撞 擊 性 運 動 , 例 如 網 球 、 壁 球 或 kick boxing 時 , 最 好 佩 戴 保 護 眼 鏡 , 甚 至 眼 罩 。


鐵 質 沉 澱 帶 Hudson-Stahli 線 ( 黃 箭 嘴 )


美 國 一 名 接 受 過 LASIK 手 術 人 士 , 在 手 術 後 20 分 鐘 捽 眼 , 導 致 角 膜 瓣 移 位 起 皺 , 要 再 進 行 覆 蓋 手 術 。

 

模 糊 眼 看 世 界
香 港 眼 科 學 會 會 長 郭 坤 豪 醫 生 強 調 : 「 激 光 矯 視 歷 史 尚 短 , 長 遠 後 遺 症 仍 未 盡 現 , 不 過 , 技 術 和 儀 器 的 改 良 , 則 有 助 改 善 後 遺 症 的 發 生 率 , 亦 能 減 低 誤 差 , 例 如 『 波 前 像 差 技 術 』 , 就 能 針 對 每 個 人 不 同 的 角 膜 弧 度 , 更 準 確 計 算 打 磨 厚 度 , 減 少 過 矯 或 欠 矯 的 情 況 。 」
撇 開 一 堆 可 大 可 小 的 後 遺 症 , 激 光 矯 視 的 確 幫 助 到 四 眼 一 族 , 無 拘 無 束 重 見 清 晰 世 界 。 自 小 受 先 天 性 遠 視 、 弱 視 和 斜 視 困 擾 的 Jenny , 雖 年 過 三 十 , 但 從 未 真 正 看 過 景 物 大 小 平 衡 和 清 晰 的 世 界 : 「 細 個 唔 識 分 辨 , 以 為 其 他 人 同 我 一 樣 , 景 物 模 糊 不 清 , 加 上 斜 視 令 我 望 景 物 時 , 會 邊 大 邊 細 。 」 雖 然 她 在 九 歲 時 接 受 斜 視 矯 正 手 術 。 周 伯 展 表 示 : 「 可 惜 Jenny 過 了 七 歲 先 做 手 術 , 無 法 百 分 百 矯 正 斜 視 。 」



香 港 眼 科 學 會 會 長 郭 坤 豪 醫 生 認 為 , 深 近 視 人 士 應 考 慮 進 行 晶 體 置 換 手 術 以 矯 正 視 力 , 效 果 更 佳 。 不 過 費 用 比 LASIK 貴 近 一 倍 。


現 時 LASIK 配 合 多 種 新 技 術 , 例 如 , 虹 膜 定 位 追 蹤 、 激 光 刀 等 , 出 現 後 遺 症 的 機 會 已 大 幅 減 少 。


一 舉 三 得
直 至 上 月 , Jenny 見 有 矯 視 中 心 推 出 「 三 人 同 行 , 一 人 免 費 」 優 惠 , 即 刻 同 兩 位 朋 友 報 名 。 Jenny 興 奮 地 表 示 : 「 原 本 以 為 只 可 以 矯 正 遠 視 , 估 唔 到 連 斜 視 和 弱 視 都 有 改 善 。 」 周 伯 展 解 釋 : 「 Jenny 的 斜 視 和 弱 視 受 遠 視 度 數 影 響 , 令 大 腦 不 能 準 確 接 收 影 像 , 視 力 因 而 變 差 。 矯 視 手 術 後 , 由 於 度 數 消 除 , 斜 視 和 弱 視 均 有 所 改 善 。 」
「 好 開 心 , 而 家 望 遠 近 都 清 晰 , 遠 視 同 斜 視 都 冇 晒 , 不 過 左 眼 有 廿 五 度 近 視 , 同 埋 右 眼 有 一 百 度 散 光 。 」 雖 然 度 數 大 幅 消 除 , Jenny 的 視 力 並 非 百 分 百 正 常 , 鄭 澤 鈞 指 出 : 「 她 的 大 腦 始 終 有 一 小 部 分 未 有 完 全 發 育 , 無 法 完 全 改 善 弱 視 。 」
不 過 , 比 起 以 前 戴 眼 鏡 都 看 不 清 , Jenny 已 經 心 滿 意 足 !



Jenny 一 直 活 在 模 糊 不 清 的 世 界 中 , LASIK 成 為 她 的 救 星 , 助 她 重 拾 清 晰 視 力 。




壹 齊 剔 : 你 適 合 做 手 術 嗎 ?
□ 18 歲 以 上
□ 一 年 內 度 數 穩 定
□ 沒 有 白 內 障 或 青 光 眼 問 題
□ 眼 睛 沒 有 嚴 重 受 傷 及 病 變
□ 沒 有 糖 尿 病 或 免 疫 系 統 問 題


無 鏡 看 世 界
激 光 矯 視 手 術 於 一 九 八 七 年 首 次 在 美 國 進 行 , 用 以 矯 正 屈 光 不 正 , 即 近 視 、 遠 視 及 散 光 等 。 由 早 期 的 「 激 光 屈 光 角 膜 切 除 術 」 ( PRK ) , 到 現 今 最 普 遍 的 「 角 膜 激 光 矯 視 手 術 」 ( LASIK ) , 無 論 儀 器 和 技 術 都 有 好 大 改 進 , 不 過 , 手 術 各 有 優 劣 , 必 須 經 過 詳 細 檢 查 先 好 動 「 刀 」 !


 

角 膜 激 光 矯 視 手 術 ( LASIK )
適 用 人 士 : 矯 正 1300 度 以 下 近 視 , 600 度 以 下 散 光 或 600 度 以 下 遠 視 。
優 點 : 手 術 痛 楚 不 大 , 復 元 速 度 快 , 翌 日 已 可 恢 復 八 成 視 力 。
缺 點 : 切 割 時 可 能 有 誤 差 , 揭 起 或 覆 蓋 角 膜 瓣 時 , 若 位 置 不 佳 , 均 有 可 能 帶 來 後 遺 症 。



手 術 流 程
1. 用 自 動 板 層 刀 切 開 角 膜 瓣


2. 醫 生 將 角 膜 瓣 揭 起


3. 電 腦 進 行 激 光 打 磨


4. 醫 生 將 角 膜 瓣 覆 蓋 回 原 位 , 約 在 2-3 分 鐘 後 自 動 黏 合 , 六 個 月 後 完 全 黏 合 。


角 膜 上 皮 切 割 激 光 矯 視 手 術 ( LASEK )
適 用 人 士 : 度 數 與 LASIK 相 若 , 不 過 由 於 角 膜 厚 度 不 足 , 無 法 施 行 LASIK 手 術 人 士 。
優 點 : 由 於 毋 須 切 割 角 膜 瓣 , 不 會 出 現 瓣 膜 移 位 , 出 現 後 遺 症 的 機 會 相 對 較 少 。
缺 點 : 手 術 後 要 佩 戴 特 製 隱 形 眼 鏡 保 護 傷 口 ; 視 力 復 元 時 間 較 LASIK 長 , 達 致 最 佳 視 力 約 需 六 個 月 或 以 上 。
資 料 提 供 : 中 大 鄭 澤 鈞 醫 生 及 香 港 眼 科 學 會 會 長 郭 坤 豪 醫 生



手 術 流 程
1. 以 稀 釋 酒 精 浸 敷 角 膜 約 40 秒 , 軟 化 上 皮 組 織 。


2. 醫 生 揭 起 角 膜 上 皮


3. 電 腦 進 行 激 光 打 磨


4. 醫 生 將 角 膜 上 皮 組 織 覆 蓋 回 原 位 , 新 生 的 上 皮 會 於 7 天 後 取 代 原 來 的 皮 層 , 視 力 即 可 恢 復 。


矯 視 技 術 進 化 圖
PRK ( 1987 年 )
原 理 : 直 接 利 用 激 光 打 磨 角 膜 表 面 , 以 改 變 角 膜 弧 度 。

LASIK ( 1996 年 )
原 理 : 以 自 動 板 層 刀 切 割 角 膜 瓣 , 再 以 激 光 打 磨 角 膜 。

波 前 像 差 技 術 ( 2001 年 )
原 理 : 利 用 激 光 來 測 量 眼 球 上 細 微 的 變 化 , 以 決 定 激 光 打 磨 角 膜 組 織 的 厚 度 和 位 置 , 矯 視 準 確 度 高 , 並 能 減 少 夜 間 眩 光 。

LASEK ( 2001 年 )
原 理 : 以 稀 釋 酒 精 軟 化 角 膜 上 皮 , 再 利 用 激 光 打 磨 角 膜 下 層 組 織 。

激 光 刀 ( 2004 年 )
原 理 : 取 代 自 動 板 層 刀 , 改 用 新 技 術 「 femtosecond laser 」 切 割 角 膜 瓣 , 切 割 較 薄 和 安 全 , 減 少 角 膜 瓣 出 現 併 發 症 的 機 會 。

非 球 面 切 割 ( 2005 年 )
原 理 : 將 角 膜 整 體 視 為 一 個 平 面 , 並 在 角 膜 邊 緣 加 強 打 磨 , 以 減 少 夜 間 眩 光 及 視 力 模 糊 等 現 象 , 可 提 升 視 力 質 素 。

虹 膜 定 位 追 蹤 ( 2005 年 )
原 理 : 定 位 式 眼 球 轉 動 追 蹤 , 可 提 升 度 數 矯 正 效 果 , 避 免 因 眼 球 轉 動 而 造 成 散 光 軸 度 偏 差 。
資 料 提 供 : 中 大 鄭 澤 鈞 醫 生 及 香 港 眼 科 學 會 會 長 郭 坤 豪 醫 生



波 前 像 差 技 術 能 準 確 分 析 角 膜 弧 度 。


以 激 光 刀 切 割 角 膜 瓣 , 時 間 可 由 30 秒 縮 短 至 約 15 秒 。


激 光 刀 透 過 激 光 聚 焦 在 角 膜 中 間 的 內 層 形 成 氣 泡 , 以 分 割 角 膜 瓣 。


常 見 後 遺 症
研 究 顯 示 , 激 光 矯 視 出 現 後 遺 症 的 機 會 低 於 0.1% 。 不 過 , 不 夠 運 的 , 大 有 人 在 !



視 力 模 糊
近 視 太 深 人 士 ( 1200 度 以 上 ) , 有 機 會 因 角 膜 組 織 打 磨 太 多 , 導 致 永 久 失 去 最 佳 視 力 。 ( 模 擬 圖 片 )


眩 光 或 光 環
常 見 於 瞳 孔 過 大 人 士 , 夜 間 看 發 光 景 物 時 會 有 光 環 或 「 星 光 」 。 ( 模 擬 圖 片 )


重 影
同 樣 常 見 於 瞳 孔 過 大 人 士 , 偶 然 視 物 時 會 出 現 景 物 重 疊 , 似 有 鬼 影 。 ( 模 擬 圖 片 )


危 機 未 解



手 術 後 一 個 月 , 雙 眼 不 應 化 妝 , 否 則 可 能 引 致 發 炎 。
深 近 視 人 士 是 視 網 膜 脫 落 高 危 族 , 激 光 矯 視 手 術 只 是 消 除 度 數 , 不 會 改 變 眼 球 形 狀 , 所 以 仍 有 視 網 膜 脫 落 危 機 ! 加 上 手 術 後 要 保 護 角 膜 瓣 , 以 下 規 條 必 須 守 足 一 世 !
1. 避 免 大 力 揉 眼 睛
2. 進 行 「 高 撞 擊 性 運 動 」 時 應 戴 眼 罩 。
3. 定 期 接 受 眼 睛 檢 查 , 提 防 出 現 眼 疾 。 另 外 , 若 發 現 視 物 時 有 閃 光 , 亦 應 立 即 求 醫 。

醒 你
眼 睛 有 部 分 自 主 神 經 可 能 於 角 膜 瓣 切 割 時 受 損 , 會 引 致 淚 水 分 泌 不 足 而 經 常 眼 乾 , 建 議 定 時 滴 人 造 淚 水 滋 潤 。
做 完 LASIK 後 , 可 能 會 感 到 眼 睛 痛 楚 , 流 眼 水 甚 至 紅 腫 , 但 均 屬 正 常 現 象 , 一 般 會 於 數 日 內 消 退 。

 
平均分數:0 顆星    投票人數:0
我要評分:
回應
    沒有新回應!
7A
嶺南
Bloggers
我的歌
關鍵字