201607070242我的新寵II

IMG_0612.jpg - 猫

Nono而家已經一歲半喇,帶咗佢番屋企一個月已經唔駛教就識比手喇,因為佢見到隻大貓識比手就有零食食,咁佢就自己識比手喇     Nono識比手手影片按此

喺上一個主子比我嗰陣話佢仲差一支針未打,要喺五月打埋,但喺佢張針紙喺佢以前個女朋友度,所以攞唔番比我,朋友就介紹我去一間寵物診所NPV,話呢間好好嘅,我去到醫生話佢冇針紙唔可以証明佢有打過,所以要喺下個月補打多一支,但佢打完呢支針過咗一兩個禮拜我開始發覺佢瞓着覺嗰陣啲手腳會震震吓,又成日哩埋一二邊又唔玩又瘦咗,咁我喺23/6/16帶佢去打多支針嗰陣順便同醫生講,唔知佢喺咪對上一支針敏感呢!醫生話敏感唔會過咁耐先有嘅,而且嗰支針最多只會令佢攰啲,一兩日就好,醫生檢查完之後懷疑佢喺子宫有事,要同佢照X光,照完之後証實佢喺子宮畜膿,但喺姑娘同我講佢地因為有兩個醫生放緊大假,冇醫生同佢做手術,所以要我搵過第二間,我當時真喺好無助,又唔知搵邊間好,就問姑娘有冇好介紹,佢就比咗幾間嘅電話我,當我打去第一間問,佢地話已經滿晒,咁我問過多兩,三日有冇,佢就即刻鬧我:子宮畜膿會死㗎,你仲等幾日?我地呢度冇你可以搵過第二間嘛!我先知原來喺咁嚴重,跟住打去幾間都冇位,後來只喺搵到一間唔出名嘅,NPV個醫生聽到又鬧我仲咩唔搵大醫院,跟住叫個姑娘同佢改吓聽日嘅時間,佢要親自同佢做手術,最後原來佢喺响嗰晚漏夜同佢做埋手術,佢簡直喺個天使,我接佢出院嗰日仲喺咁多謝個醫生!

多謝NPV嘅Dr.Cathy妳真喺一個天使,喺妳用妳嘅愛心救番Nono

前兩人我帶Nono去拆線,啲姑娘同醫生一見到佢就好開心,其中有個姑娘知道佢嚟咗就即刻走埋嚟話:Nono番咗嚟呀?佢真喺好得人鐘意架,見到佢就肉緊喇,佢又嗲又得意喎!

估唔到呢隻小魔怪喺嗰度住咗幾日啫,就收買晒啲姑娘同醫生喇

我而家同佢改咗個花名叫儍狗,因為佢而家戴住個頭罩成日周圍撞,撞到嘢又喺咁向後行,行路嗰陣個頭仲搖吓搖吓,個樣真喺好儍


10557.jpg - 猫
10558.jpg - 猫
10559.jpg - 猫
10560.jpg - 猫
IMG_0620.jpg - 猫
IMG_0803.JPG - 猫
IMG_0808.JPG - 猫
IMG_0853.JPG - 猫

回應

很喜歡攝影,旅遊,希望能走遍全世界,近來亦愛上入廚,希望將所有點點滴滴都影下來記下來跟大家分享!

累積 | 今日
loading......
    沒有新回應!
關鍵字
平均分數:0 顆星
投票人數:0
我要評分:





Powered by Xuite