半暝枵饑，掀開電鍋，閣偆半碗白飯保溫--椆。用湯匙仔kueh--一下，坩底小可仔堅粃，thîn寡燒滾水落去，閣ué半小匙仔nóo-lih醬，lā-lā puān-puān咧，一喙紲一喙pe-pe哺哺食了了。坐--遐，吐一个氣，戇神戇神bah-bún笑一下。扑算，這著是一个單身中年會凍有个一刻仔幸福啦乎？

(繼續閱讀)

對八月二一開始，逐工佇紙裡寫日記，有時袂記得，隔工著補起去。久無寫字，欲開始寫个時，閣著揣簿仔紙，發現一本十年前佇電腦公司食頭路寫日記个活頁筆記，迄陣一寡代誌，才按呢回想轉來。

(繼續閱讀)

今仔日去日新戲園看Harry Potter and the Half-Blood Prince，閣去萬代福看末日預言[Bua̍t-ji̍t Ū-giân] "Knowing"。第六集个Potter電影有夠歹看，做甲無lám無le̍h，看彼無彩工閣無彩錢。好佳哉有另外看著卡有意思个末日預言，而且佇無意中，看著即兩phō个關聯。

(繼續閱讀)

(2009-07-08) 以下是寫予少年朋友，一个敬虔个耶和華見證人，講著我最近讀聖經个一寡無成熟、未定著个想法，內底个漢字，除了「儂」以外，攏照教育部所推薦个，佮我慣勢用个無同[bô-tâng]。

(繼續閱讀)

被縛受苦[pī-pa̍k siū-khóo]个靈魂，應該愛得著tháu-pàng。

(繼續閱讀)

Tso̍h日暗講今後[kim-hiō]欲十二點晉前去睏。過兩工矣，嘛是無改變[ké-pìnn]。

(繼續閱讀)

儂个一生，íng是佇人我是非[jîn#ngóo#sī-hu]个中間塊phah-siak。因為有見笑心，所以儂會改惡從善[kái-ok tsiông-siān]，但是嘛因為共即个心，所以儂會見笑轉受氣[tńg siūnn-khì]。做出真濟無理性个所行[sóo-kiânn]，滾絞[kún-ká]袂煞，苦痛[khóo-thàng]無了時。

(繼續閱讀)

千字文[Tshian-jū-bûn]古早是訓蒙必讀[hùn-bông pit tho̍k]，總是，先生會共囡仔解說意思个，恐驚無濟。伊內容tsa̍t-pak，文辭典重[tián-tiōng]，佇一个特殊限制之下，亦著是字眼袂使出現兩擺，周興嗣[Tsiu Hing-sū]先生一暗著ka做出來，激頭腦激甲頭毛喙鬚白，袂怪[kuè]得予儂千古傳頌[tshian-kóo thuân-siōng]。

(繼續閱讀)

Phāinn一个儂殼，lio̍h-á-heh腹肚著枵餓[iau-gō]，lio̍h-á-heh精神著困倦[khùn-kuān]。要緊著卡猛[khah-mé]趁袂枵袂siān个中間，加做寡有意義的代誌，閣著共伊貫串[kuàn-tshuàn]起來，tsiânn做ka-nn̂g个事工，承先啟後[sîng-sian khé-hiō]。

(繼續閱讀)

第一遍去台中車頭前个第一影城看二輪片。遐卡濟五色儂[ngóo-sik-lâng]塊出入，佮萬代福卡濟學生囡仔有縒[tsua̍h]。

(繼續閱讀)