生活台文-陷眠 @ 潘科元台語文理想國 :: 隨意窩 Xuite日誌
  • 頭戴台灣天
    跤踏台灣地
    喙講台灣話
    手寫台語文

  • 關鍵字
    1. 沒有新回應!





  • Powered by Xuite
    個人首頁 / 文章分類 /生活台文-陷眠
    201703181702我欲共伊放生

    我出外食頭路,家己稅一間公寓咧徛,一个同事佮怹女朋友蹛對面間。怹欲搬走矣,我暫時閣蹛咧。

    (繼續閱讀)

    201611211515總鋪到街市

    去參加一个營隊,睏總鋪,我穿一領長睏褲,早時起來,外褲挔[hiannh]咧,欲出去外口个便所換(因為無分男女,攏蹛仝即間兩排个總鋪厝仔)。

    (繼續閱讀)

    開學上新班第一節課,我攏慣勢一開始就盡量攏講台語,但是會注意學生个表情反應,嘛會不時停落來問怹看聽有--無。講著一个詞,叫怹毋捌聽過个儂攑手,結果有袂少儂,我心肝內暗暗煩惱,學生个台語程度一代不如一代,哪會連遮爾四常个話都毋知咧?

    (繼續閱讀)

    早起夢見我咧製作台語定格動畫,主角是台灣烏熊,所以愛先做一隻烏熊囝个尪仔出來,膨膨[phòng-phòng]、軟軟个布尪仔做好了後,發現迄隻熊家己會繼續生長、大漢……

    我咧眠夢个時,出現个語言大部份是台語。若是轉去中學時代,往往是華語。

    早起精神進前,出現佇國中教室內咧小考。阮導--个,英語也教、歷史、地理也教。伊一儂分一張用手剺[lì]个紙liâu仔,考一條簡答題。我分著个迄張紙,剺甲歪膏揤斜[uai-ko-tshi̍h-tshua̍h],真歹寫字。我共老師講,咁會凍liah家治个白報紙來用,伊講好。

    老師佇台頂講題目:「寫出中國歷史上五個男人及其所犯的罪行」。我一本計算紙一直掀,煞揣無一張兩面攏空白--个thang用,足緊張。雄雄聽著老師喝講時間到,才趕緊凊彩提來寫。我寫兩逝[tsuā]:

     武松殺嫂
     李世民殺兄弟

    就醒矣。

    我用華文創作台灣文學,描寫阿公佮我个感情,中國中央人民廣播電台共我提去朗讀放送,得著中國十億儂个欣賞、呵咾。我光榮轉鄉里[tńg hiunn-lí],各大媒體攏來採訪我,閣將電台節目錄音放出來予阮阿公聽,想欲問伊聽了感覺啥款。

    結果,伊聽無。

    (繼續閱讀)

    201011161231拜訪中國農民

    昨昏暗睏無啥落眠,早起未精神,夢著去中國拜訪農民,佇田裡。

    (繼續閱讀)

    200703142328畢竟空

    我塊參加一項比賽,親像撞球迄號个,是王見現[ông kiàn-hiān]个冠軍賽。圓形運動埕四箍輾轉[sì-khoo-liàn-tńg] gám-á頂个觀眾塞塞淀[that-that-tīnn]。輪到我決定性个一箠[tshuê],若贏,獎金著一世儂食甲油sé-sé矣。我對頂峘一步一步踏gám-á落去場中,心內哪塊念觀世音菩薩。因為儂傷儕,逐[ta̍k]gám通道嘛tún甲全是觀眾个鞋靴淺拖[ê-hia tshián-thua],哪行,遐[hia]个鞋仔著哪予我踢著,落[lak]落[lo̍h]去下gám。

    (繼續閱讀)

    我塊讀國中,有一工下晡散學(suann3-oh8),輕鬆矣,我著走去隔壁棟,無外久,雅雪佮另外一个同學來jiok4儂。伊手提排班表,認真盡責个面chiunn1共我講,今旦日輪著我掃便所,叫我愛轉去做空課(khang1-khue3),我著順情應好。

    (繼續閱讀)

    最近塊讀錢穆(cinn5-bok8)先生个《中國文學論叢》,是共學校圖書館借个,聯經出版社《錢賓四先生全集》个版本,學校進即套冊毋知幾年矣,其中即本《中國文學論叢》攏毋捌有儂借過,可能別本嘛是按呢。

    (繼續閱讀)

    200605051333烏暗个磅空

    有兩三个少年姿娘(cu1-niu5),身穿薄紗(se1)衫,色水(sik4-cui2)真嬌(kiau1),大幅(pak4)个肩胛幔(king1-kah4-mua1),綴(tue3)風颺(iann7)咧颺咧。

    (繼續閱讀)

    第一頁  上一頁  1 下一頁  最後頁