這篇是欲予學生做練習的。請將以下台羅句讀[kù-tāu]改寫做台語漢字，以教育部的推薦用字為準，其他的字，請參考《教育部台灣閩南語常用詞辭典》。若是有畫下底線的所在，就猶原保留台羅，毋免改做漢字。為著閱讀的方便，凡若單字動詞後壁接單字受詞的，我攏有用連字號ka連起來。這點佮目前教育部的連字號草案所擬(gí)的規則無仝款。

1. Lí sī siánn-lâng?
2. Guá sī lín a-má.
3. I beh khì tó-uī?
4. I bô kā guán/gún kóng.
5. "Lán tsò-hué lái khì sńg?" "Hó ā!"
6. "Lín kóng hó-sè--buē?" "Hó--ah."
7. Kā gín-á kah-phuē.
8. Kā lāu-bú tàu-sann-kāng.
9. Mi̍h-kiānn bô kāng-khuán.
10. Ka-jia̍t ka kah un-tōo siunn kuân mā bē-sái--tit.
11. Kah in ke-āu khì phah-kiû.
12. Kā in ke-āu o-ló kah-.
13. Tse khah kóo-tsui, guá khah kah-ì.
14. Tsit ki pit ba̍k-tsuí that-tiâu--leh.
15. Tsia khah bē hip.
16. Tsia--ê lóng kā té tsò-hué.
17. Tsiah tsē/tsuē guá tsia̍h bē khì.
18. Ba̍k-nī-hue khui kah tsiah-nī tshing-phang.
19. Īng tshiú jia-ji̍t khuànn, hit thâu iá sī pe̍h-bâng-bâng.
20. He khuànn-tio̍h tsin tsha̍k-ba̍k.
21. Hit khoo tsiânn m̄ sī khuán.
22. Hia ū tsi̍t tsiah káu leh tuh-ku.
23. Hia--ê lóng beh huah-bē.
24. Hiah hó-khang ê tāi-tsì, suah m̄-bián tàu sio-pò--tsi̍t-ē?
25. Sui-jiân hiah-nī thiám, koo-put-jî-tsiong mā tio̍h kiânn.
26. A-huâ hīnn-khang tsin tāng.
27. Guán/Gún sim-kuann-á-kiánn leh tshuì-ta--ah.
28. Tú-tio̍h ah-pà lâng, bē lún--tit.
29. Ài khah tsim-tsiok--leh.
30. Hōo hōo ak kah tsi̍t sing-khu ná tsuí-tshí/tshú/tshír(水鼠).
31. In ang tshiú--lí gia̍h tsi̍t sian pòo-tē-hì ang-á teh sńg.
32. Án-ne/ni siunn áu-bân, m̄-thang án-ne-senn/án-ni-sinn.
33. Jîn-tsîng lâu tsi̍t suànn, āu-ji̍t hó sio-khuànn.
34. Āu--ji̍t thàu-tsá beh tshut-huat.
35. I khiā tī āu-piah, bî-bî-á tshiò.
36. Ba̍k-tsiu khuànn kuân bô khuànn kē.
37. Báng-á tìng gû-kak.
38. Hit ê lâng khuànn-tio̍h bīn-si̍k-bīn-si̍k.
39. Bîn/mî-á-tsài guá bô îng.
40. Tsa̍p-liām ta-ke tú-tio̍h bân-phuê sin/sim-pū.
41. Tsit pún tsheh, nā bat-jī ê lâng lóng bat tha̍k--kuè.
42. Kah in bóo nn̄g lâng ji̍t-tsí bóng tōo.
43. Kā hit-hō/lō lâng koo-tsiânn(姑情) bô-tshái-kang.
44. Tshit-bú-peh-bú, ke-hué pāi-liáu-liáu.
45. Tsáu kah ti̍t bué-liu(尾溜).
46. Khó tē-jī--ê ū nn̄g-ê.
47. Ē-kha-tshiú-lâng ē kóng îng-á-uē.
48. Guá giâ tsi̍t pau tshik-á(粟仔), i gia̍h tsi̍t ki ti-thâu.
49. Gín-á-lâng ū-hīnn-bô-tshuì.
50. Ta̍k-kang gōng-sîn-gōng-sîn, m̄ tsai teh tshòng siánn.
51. Tshe-jī ài tńg khì guā-ke.
52. Guán tau ê tsàu-kha ū tsi̍t ê lâng-sn̂g.
53. In guē-sing-á tsin iân-tâu.
54. Tsit su sann-á-khòo lí tshīng khah ha̍h-su.
55. "Guá beh tshuā--lí." "Lí leh hām-bîn!"
56. Sè-hàn ê sî, lâng lóng kiò i ài-háu-á.
57. Tsē hāu-senn gō lāu-pē; tsē sin/sim-pū gō ta-ke.
58. Hē pún-tsînn khì kah lâng tâu-tsu.
59. Tha̍k-tsheh ná teh hian-tsheh.
60. Àu-pōo hōo lâng khuànn hiān-hiān.
61. Lí ē thiám--bē? Guá kā lí hiânn sio tsuí.
62. Tsò-tsha̍t hông lia̍h--khì, tsiok hiān-sì.
63. Khuànn lâng hiah hó-khang, m̄-bián him-siān.
64. Hio̍h-jua̍h beh pān Tâi-gí-iânn.
65. I khiā--khí-lâi, hiông-hiông siūnn bô beh kóng siánn.
66. Enn-á tsò muá-gue̍h, ài hip iû-pn̄g.
67. Hip-siōng hip khiā-sin(徛身).
68. Hit king tiàm leh bē khòng-bah-pn̄g.
69. Hó-ka-tsài bô tāi-tsì.
70. M̄-thang siunn hònn-hiân.
71. Hōo lâng tshiánn tsia̍h-àm.
72. Hōo lâng tshiànn tsò-kang.
73. Beh tsia̍h hôo-sîn ka-tī/kī hop/hap.
74. Huah-kûn bē ko-io̍h.
75. Huâinn/huînn-ti̍t sing khó khuànn-māi.
76. Huî-á kòng-phuà, bô huat-tōo uân-tsuân ho̍k-guân.
77. Tshiú-sio̍k mâ-huân, huì-khì-huì-tak.
78. Tsò-lâng m̄ jīn-hūn.
79. Tsia̍h-hî tsia̍h-bah, iā-tio̍h tshài kah.
80. Iau kah tuā-tn̂g kò sió-tn̂g.
81. Iá-buē sîng-liân, bē-sái tsia̍h-hun.
82. Lâng bô hit-hō/lō îng-kang thiau/tiau-kang kā lí tshòng-tī.
83. I tsin gâu ioh bī-tshai.
84. Tsia̍h ke-kha-jiáu ê gín-á, ē jiàu-phuà tsheh.
85. The̍h phuē-tuann lâi ji̍p-phuē.
86. Thinn-khì sio-jua̍h, sim-kuann ut-tsut.
87. Kái-tsiú, kái-hun, kái-kiáu(筊), siu-kha-sé-tshiú tsò hó-kiánn.
88. Tsò-kué kài kāu-kang.
89. Tsng-kha khah kāu báng.
90. Ang-bóo nā kāng-sim, âng-thôo piàn n̂g-kim.
91. Ka-to, tsio̍h-thâu, tsuá.
92. Guá ke-kiám kóng, lí ke-kiám thiann.
93. Khan-kenn ê tshài guá bô ài.
94. Khah-thîng-á lí tō háu-thiànn.
95. Khang-tshuì kuè-phuê(過皮) tsiah ē-sái tsìm-tsuí.
96. Khǹg-tsiú ē phang, khǹg-pēnn ē tāng.
97. Guá bat juā/luā/guā tsē, tō kà lí juā/luā/guā tsē, bô khǹg-pōo.
98. I khiā tī hia, thâu khi-khi, siūnn beh uá-khò pinn--á ê lâng kā i thau-kóng.
99. Hué-tshia-tsām, khah tsá kóng hué-tshia-thâu.
100. Khiáu-lâng tsia̍h-khá bô tsia̍h-pá.
101. Gín-á ē jú/lú sīng jú/lú hó-khuán.
102. Sann-tsò sì-hioh-khùn.
103. Tsi̍t ki tsháu, tsi̍t tiám lōo.
104. Tshun-kiau kah Tsì-bîng nn̄g-ê leh kiânn.
105. Kiàn-nā kìnn-bīn tō uan-ke.
106. Kín-sū khuann pān.
107. Kíng à kíng, kíng tio̍h bé lîng/gîng-gíng.
108. Guá iáu-koh teh kah-ì--i.
109. Kóo-ì hōo lí khuànn tsò gōng-bīn.
110. Sing-lí sit-pāi, koo-put-jî-tsiong khì hōo lâng tshiànn, phâng lâng ê pn̄g-uánn, tsia̍h lâng ê thâu-lōo.
111. Kóo-tsui gín-á thong lâng ài.
112. Kuà ba̍k-kiànn kik su-bûn.
113. Ti-bú/bó kuà-uann(鞍) m̄ sī bé.
114. Tiánn-kuà-tíng ê káu-hiā（蚼蟻）, tsáu bô lōo.
115. Kuânn--lâng tsia̍h tāu-kuann.
116. Tuà lâm-pōo khah kuàn-sì.
117. In ang tshut-khì tsìng kué-tsí, in bóo tī tshù tshue tinn-kué.
118. Kui ke-hué-á tsi̍t nî ài khai kuí-nā pah bān.
119. Lāi-suann tshut hó tê, hái-kháu tshut lîng-hê.
120. Kim-po̍h(金箔) lak-lak--lo̍h-lâi--ah.
121. Lán tsa-bóo-kiánn suah kóng i beh kè hit ê m̄-tsiânn kiánn.
122. Lâng-kha, káu-phīnn, huê-siūnn-thâu.（三項畏寒的物件）
123. Kū lâng-sn̂g īng kah lap-té, iá-koh m̄-kam tàn-tiāu.
124. Lāu-huè-á-lâng khah bô kì-tî (記持).
125. Tsia̍h-tsînn hōo lâng lia̍h-pau.
126. Liâm-mi thàn tuā-tsînn tńg--lâi.
127. Khiau-kha lián tshuì-tshiu.
128. Tsik thiāu-á tsik kah piàn lia̍p-á, tsin tsia̍h-la̍t.
129. Lâng teh lim-thng, lí teh huah-sio.
130. Tshia-lián(車輦) ê lāi-ling hōo lâng ui tsi̍t khang.
131. Kiù-tuà（糾帶）līng--khì.
132. Liú-á bô liú.
133. Ta̍k-kang lóng uī tio̍h in kiánn leh khì-lóo.
134. Thâu-tsang bô lua̍h, tō lâi siōng-khò.
135. M̄-bián lí ê ke-pô!
136. Guá mā sī liáu-kái sènn-miā ê ì-gī.
137. Bô-mê-bô-ji̍t teh phah-piànn.
138. Tsá nā tsai ē án-ne, guá tio̍h m̄ khì--ah.
139. Nâ-âu-khang kah phīnn-khang ū sio-thàng（相迵）.
140. Tshài-tāu-á tsi̍t ngeh tsi̍t ngeh.
141. Tshin-tshiūnn toh-tíng ni-kam.
142. M̄-thang pò niáu-tshí-á-uan.
143. Hōo lí o-ló, guá tsin kiàn-siàu.
144. Guán/Gún lóng iōng oo-lâng khí-ko leh sé-tshuì.
145. Mài iōng tsíng-thâu-á(指頭仔) óo phīnn-khang.
146. Lâu-tíng tsio lâu-kha; a-bú tsio a-pa.
147. Pē-bú/bó thiànn kiánn.
148. Pâng-king-lāi tiàu tsi̍t pha gōo-tsa̍p-tsik（燭）ê tiān-hué-kiû-á.
149. Ta-ke sin-pū suah phah-pháinn kám-tsîng.
150. Hiong-káng ê hiunn kám ū-iánn phang?
151. Pin-nn̂g-phoh mài oo-pe̍h phuì.
152. Hit tsiah phòng-tshí/tshú/tshír tsin kóo-tsui.
153. Kiò tsóng-phòo-sai khùn tsóng-phoo, tsin pháinn-sè.
154. Kan-na gâu phôo tíng-si, tsò khang-khuè bô puànn-phiat.
155. Tsit ê lâng kài pîn/pûn/pân-tuānn, pâng-king bô piànn, piān-sóo bô sé, pùn-sò bô tshing.
156. Sann tshīng tò-píng.
157. Kuè ke-lōo ài sing khuànn tò-tshiú-pîng, tsiah-koh khuànn tsiànn-tshiú-pîng.
158. Pōng-á bô tshing-khì, pōng bē tsún.
159. Hué-tshia kuè pōng-khang.
160. Tuā-pù iû thinn, sió-pù iû khîn-khiām.
161. Tshing-bîng puē-bōng, siàu-liām tsóo-sian.
162. Siōng-pan pûn kóo-tshue, hā-pan pûn ke-kui.
163. Lí tsit ê pùn-sò!
164. Lâng sán koh po̍h-pán.
165. Sàn-tshiah gín-á ā kánn siàu-siūnn beh tsia̍h gû-pâi?
166. Sè-hàn senn-tsò kài tuā-hàn, tuā-hàn tian-tò pí lâng khah sè-hàn.
167. Kui-ji̍t tsia̍h-pá se̍h-se̍h-liām.
168. Bīn-māu sī pē-bú/bó sinn/senn-tsiânn--ê.
169. Lí kóng siánn-huè?
170. Sǹg-siàu sǹg bē tshing-tshó.
171. Tsia̍h khah bái--leh! Iau káu siàu-siūnn ti-kuann-kut.
172. Lo̍h-hōo-thinn, sì-kè tâm-lok-lok.
173. Si̍k-sāi-lâng, hó tsham-siông.
174. Sé sin/sing-khu, Gî-lân-lâng kóng sé hun-su.
175. Sing-khu-tíng hit su iûnn-tsong tsiok ta̍t-tsînn.
176. Sió-khuá sing-lí, bóng thàn khah bē sàn.
177. Tse sī siōng-hó sńg ê tshit/thit-thô-mi̍h.
178. Tsú-liáu siunn kiâm.
179. Tiánn-pinn-sô sī tshut-miâ ê sió-tiám(小點).
180. Tshīng-sann bô ha̍h-su, pháinn khuànn.
181. Uì Tn̂g-suann puann-suá--kuè-lâi.
182. Kóng-uē tsin suí-khuì.
183. Tsi̍t thong tiān-uē, ho̍k-bū suî lâi.
184. Beh án-tsuánn siūnn, suî-tsāi--lí.
185. Tsi̍t ê kóng-uē tshàu-ling-tai, tsi̍t ê tshin-tshiūnn gōng-tuā-tai.
186. Bô-tāi-bô-tsì, khí phuì-bīn.
187. Ta̍k-pái tsioh-tsînn lóng bô hîng.
188. Lán lâi-khì lim--tām-po̍h-á.
189. Kiânn tī lōo--lí suah hōo lâng tàn tsio̍h-thâu.
190. Siunn tàng-sng, kau bô pîng-iú.
191. Kàu tann lí tsiah tsai?
192. Bè-tàng lâu tiàm pē-bú ê kha-tau iú-hàu--in.
193. Tàu-tīn--ê, lán lâi-khì sì-kè khuànn kíng-tì.
194. Tshuē tshù-pinn lâi tàu lāu-jia̍t.
195. Tsia ê lîng-kiānn ài ka tàu tsò-hué.
196. Té-pn̄g m̄-thang té kah tsiam-tsiam.
197. "Tǹg-ku" mā ū kóng "tǹg-lap(塌)-tsē".
198. Thâi-thâu mā ū "hōo lâng sî thâu-lōo" ê ì-sù.
199. Thàn-tsînn iú-sòo, sènn/sìnn-miā ài kòo.
200. Ū uē siūnn beh tuì lí kóng, m̄ tsai thang iah m̄-thang.