Tsiah久仔，心肝真hah-tah。為著家治無知無識[bû-ti bû-sik]直透老--去塊苦慼[tsheh]，亦為著家治舊症帶久[tài kú]袂凍斷根塊悵心[tiòng-sim]。

激[kik]--字，佇台語个白話內底，不止有路用。激氣[kik-khì]是無歡喜、賭氣；「氣」若唸白話音个時，激氣[kik-khuì]是激派，激派頭、驕慢。激身穿[kik-sin-tshīng]是穿甲pha-lí-pha-lí。激一支喙，是干那出一支喙。激外皮、激外氣[kik-guā-khì]，是徒有其表[tôo iú kî piáu]。激頭腦，是費神思考。brainstorming華語譯做「腦力激盪」，咱台語共翻做「相激頭腦[sann-kik thâu-náu]」猶閣卡好。「激」--字相關个詞，歸百个，全是仁仁仁个台語，請貴君去查台日大辭典網路摘譯版。

新台灣人文教基金會主辦，成功大學台灣文學系佮台灣政策辯論研究會協辦，第七屆大專台語辯論賽，阮系个代表隊今仔日得著冠軍矣。佇遮卜共這寡勞苦種作[tsìng-tsoh]、歡喜收成个學生大大恭喜，嘛感謝同事丁鳳珍老師每一年自頭到尾，用心計較个指導佮跟前綴後个照顧。

呂柳仙佮邱鳳英唱過真儕本無仝个勸世歌。有兩本有幾葩仔有重疊[tîng-tha̍h]，佇遮小共比較一下。呂柳仙唸个歌，我聽著真現，著準有幾字仔毋知意思，至少音足清。毋閣邱鳳英个著kâm瀾kâm瀾，有寡所在連音都聽袂明。

暗頭仔佇校園內，看著一隻鳥，袂細隻。佇草phí仔頂行來行去塊覓食[bā-tsia̍h] thóng蟲，頷kui會像水泱[iann]按呢溢振動[tín-tāng] 。伊無啥畏儂，ûn-ûn咧，食一頓飽，才飛起去厝尾頂塊哮，袂輸塊扑呃。毋知伊叫做啥乜名？

這個月底，阮系大三生，愛交出畢業作品个申請計畫。有一个學生寫兩个案予我看，看是卜做台語教材、教具，抑是做陣頭變遷个研究。伊寫个內容，看著有卡hàm大，亦無啥所見奇[sóo-kiàn-kî]。我著按呢共伊回批，予伊一寡想法做參考：

有朋友寄話問講「華語个"默契"即咧詞,定定會聽著」，按呢台語【默契】按怎講？我應講，我愛閣好好仔想一下。另外一位熱情个朋友sauyon著來贊聲：

有一種孽詰仔話[gia̍t-khiat-á-uē]毋是「歇後語[hiat-hiō-gí]」个形式。親像聽著儂講：「阮卜來轉[tńg]」，著應講：「轉[tńg]，哪干樂咧。」「轉[tńg]」即个詞素有兩種意義。閣親像聽儂講：「來去共講」，著應講：「講[kóng / 管]，一支長長啦。」這是利用「講」「管」兩个共音無共意个詞素來激五仁[kik ngóo-jîn]。

魚行水濁，鳥飛毛落[Gî# hîng# suí# to̍k#, niáu# hui# môo# lo̍k#]；走獸行過个所去，著會有燒逝[sio-tsuā]；冊有讀過，著會佇意識个田地掖落一寡種子。

食魚食肉我無愛，

【巨蛋】是台灣華語新發明个詞。台語卜講即種物，有三種辦法：

總統選馬蕭，台灣人民食袂消；

下昏暗去看影戲《人之島》，導演王金貴，對緬甸[Biān-tiān]來个，敢是華僑个款。故事是塊講一个青年轉去蘭嶼[Lân-sū]故鄉走揣純淨自然个聲音，後來嘛揣著伊个真愛。

以下是我拄tsiah 佇 ptt.cc BBS站 TW-language 板所貼个華語文章。

北京話過台灣，有个成分lak無去。這牽涉著至少兩點。