20160621182701-105年閩南語朗讀比賽(國小組)_1

原稿01-105年閩南語朗讀比賽(國小組)_1.doc下載

原稿01-105年閩南語朗讀比賽(國小組)_1.pdf下載

真平台語網聲音檔連結

01 阮兜的早頓(20160309陳文傑老師更新) 黃文俊

  自我有記持開始,的早頓就是阿爸一國、阿母阮兄弟仔一國。我讀幼稚園的時,逐工透早阿母就共早頓好勢,有時陣是牛奶配俗麭/pháng/若無就是豆奶配饅頭/bán-thô/抑是包仔。

  逐工早起,當阮食早頓的時,阿爸攏邊仔咧看報紙。我就問阿爸哪無做伙食?阿爸攏應講伊食飽矣!想袂到阿爸遐早就食飽矣,伊是食啥物好料的攏毋予阮知咧?

  捌聽阿媽講起,阿爸細漢的時,厝內囡仔大陣/tīn/。猶閣庄跤的時,阿公佮阿媽早就愛去作穡/tsoh-sit/,早起攏煮一大,等阿爸兄弟仔精神了後,配一寡仔菜脯、蔭瓜仔/ìm-kue-á/,凊彩咧就去讀冊矣。阿媽閣講過,阿爸細漢的時足歹喙斗,佇庄跤食糜配醬菜的日子,逐工攏嘛面憂面結啥物都無愛食,毋才會生做黃酸黃酸。

  講嘛奇怪,搬去臺北了後,阿公佮阿媽無閒咧做生理,早頓攏叫阿爸家己提銀角仔去菜市仔買,伊親像囡仔咧轉骨仝款,開脾矣!今仔日食蚵仔麵線、明仔載肉羹麵,若無就是米粉炒配豬血湯。就按呢,阮阿爸的早頓就沓沓仔變成菜市仔口味的綜合版,真得改矣!

  阿母講伊佮阿爸交往的時陣,毋知阿爸愛食彼款重口味的早頓,有當時仔阿爸會𤆬伊去菜市仔食數念久的好滋味,阿母嘛會當接受。想到,結婚了後兩人煞不時為著早頓咧冤家。頭起先,阿爸會勉強共阿母的早頓食了,毋過阿母敢若會當感受著翁婿小可仔稀微的心情──無食著家己佮意的早頓,規工/kui kang/輕鬆呢!

  阿母阮講:「人講無冤無家,不成/put sîng/夫妻。但是為著無仝款的食食冤家量債拍歹翁某的感情,才是毋值!」

  所以,這馬阮兜的早頓,就保持這種各人各人食的,逐家攏誠歡喜。毋過,阿爸有當時仔去買伊愛食的蚵仔麵線,攏會偷偷仔問我佮小弟有想欲食?我定定咧想:「有時陣換食換食,嘛袂䆀呢!」

 

02 頭鬃 程惠如

   自細漢就罕得去電頭鬃店予人鉸頭鬃,見擺若是學校檢查頭毛,阿母就會工課,叫阮三弟仔坐椅條逐个一張中央挖空的報紙咧,聽候阿母「開工/khai-kang/」。

  阿母會先對阮兩姊妹仔開始,因為查某囡仔的頭毛規定上長干焦會當耳珠齊,額頭的頭鬃目眉頂一公分。阿母跤手鉸刀小可仔振動一下,一睏仔就鉸好勢。小弟的麻煩,攄仔先攄做三分仔,才用剃頭刀毛跤過,剃一粒頭愛半點外鐘。

  讀國中的時陣,阿母日時鞋仔廠上班,暗時閣去合作農場洗芹菜工無閒無暝無日,就叫阮家己鉸。我佮小妹兩个人互相鉸,小弟的頭無人會曉剃,就提錢去剃頭店的師傅。有一,小妹無細膩我後壁的頭毛鉸甲一角,隔轉工去學校人笑講「去予狗著」。自彼擺了後,若是欲鉸頭鬃,我就會三叮嚀四吩咐,叫小妹毋通共我鉸去。

  大漢出社會了後,阿母就毋捌共阮鉸頭毛矣,顛倒是三不五時,阿母會叫我共伊的頭毛略仔修予順。小弟佇臺北趁食,見擺去予人鉸頭鬃攏無滿意,因為伊去著阿母的頭毛,若鉸無好勢就會氅/tsháng/甲棕鑢仔。噴水、用捋仔抑是用吹風機吹,攏無效,誠費氣。伊定定舞甲想欲攄三分仔,毋過閣無勇氣。

  有一回伊歇睏轉來厝,我看伊規粒頭敢若鳥仔岫咧,就問伊欲予我鉸頭鬃無?想到伊竟然應好,我就開始攢家私。我寬寬仔鉸、沓沓仔修,點鐘久。等小弟的頭洗好,吹了後,阿爸、阿母看著,竟然呵咾伊變足緣投,閣講我會當出師矣。後來小弟共我講,同事攏講伊這擺頭鬃鉸了誠好看,拍層拍了誠順,閣相爭問伊是佗一間鉸的,嘛想欲去。

  這馬,我會共我的後生、查某囝剃頭,雖然一半擺仔會嫌我跤手慢鈍,剃頭的時陣身軀誠刺疫,毋過看鉸好了後輕鬆的款式,我心肝內就會感覺誠滿足!

03 磅米芳  張淑芳

  「欲磅!」聽著這句話,囡仔人耳空隨起來,等phòng一聲,隨過去看,是一種期待、一種歡喜、一種幸福的感覺。

  毋知有食過米芳?毋是種店仔買會著,食著𠕇芳𠕇芳彼種,是彼種現磅起來,燒燒脆脆閣甜甜彼種。民國五、六十年代,真囡仔人無啥物四秀仔通食,三頓食會飽偷笑矣。除非是過年,平常時根本毋敢想欲食糖仔餅,所以聽著有人:「磅米芳的來矣。」規陣囡仔就歡喜。阿母看囡仔遮爾歡喜,想講平常時嘛毋捌錢予囡仔買糖仔食,這時陣實在毋甘囡仔失望,總是會予阮提空的牛奶罐仔米,去磅米芳排隊。

  長長一排等欲磅的罐仔排佇塗跤會當看出每一家口仔環境的好厝內較艱苦的較細罐,厝內較會得過的就較大罐,面頂閣會加一包塗豆。毋過無論環境啥款,囡仔人仝款足樂暢的。佇邊仔看頭家咧磅米芳,逐家目睭攏金金相,看頭家煮糖漿,倒入去今仔磅好的米內底,攪攪咧才閣倒入去柴盤仔內面予平,趁燒切做一塊一塊。切米芳的聲音是遐爾好聽,囡仔人的喙瀾強欲落來。

  若厝無閒鬥作穡的囡仔,無法度踮現場看頭家表演,厝邊隔壁的囡仔嘛會做報馬仔,報講後一就是兜矣。囡仔知影免偌久/guā-kú、(又)juā-kúluā-kú/就有芳閣脆的米芳食,未曾未笑目笑。阿母佇邊仔看,嘛咧歡喜,啊個月的米是毋是有夠通食,就先去想矣。

  這幾年仔已經罕得看著有人咧磅米芳矣,彼工去菜市仔,想袂到煞看著有人咧磅,磅好幾若袋囥佇邊仔聽候人買,毋過攏無人來交關。米芳攏冷去矣,頭家嘛是相連紲咧磅。一聲「欲磅矣!」逐家閃甲離離,驚去予嚇驚著。phòng一聲,聲音聽起來煞有淡薄仔孤單。我共頭家買一包仔來食,仝款甜甜脆脆,毋過食著的是一種記持,我已經食無彼種幸福的滋味矣!

04 風颱天  邱

  「九月颱,無人知」,講著風颱,我想起細漢的代誌。年可能是讀小學二、三年的時陣,電視報講有大風颱來,阿爸阿母攏緊張的,因為兜一是破草厝、一爿是瓦厝,早就離離落落矣。兩爿厝頂本來就𠢕雨,這馬閣有風颱來鬥鬧熱,當然是咧等。

  會記得彼工的欲暗仔, 阿母煮甲誠腥臊,才拄食飯爾, 阿爸講:「袂赴矣!」叫逐家緊攢咧,講欲去風颱。阿母彼陣猶是嬰仔外甥仔,我佮大姊、二姊、四姊,一人一領雨幔,就緊出門走去三叔覕,留阿爸佮三兄顧厝。風雨真正來愈大,行橋頂的時,阿母叫用爬的,才予風落去溪仔底。行久才到三叔兜的門跤口,阮姊妹仔隨大聲喝:「三叔仔,緊開門!」一擺一擺,一直大聲喝,毋過內底的人,敢若攏無聽著。阮只好大力門,這陣才聽著三叔講風雨大,大門毋敢開開,愛阮去後尾門。誠無簡單爬到位,我的跤盤去予鐵線勾著,血流袂停,到今猶有一个

  隔工風颱走了後,阮一家伙隨轉去厝,看阿爸走出走入,我隨去看,原來是斷去的煙筒管共灶跤的厝頂挵破一空,阿爸講好佳哉昨暝走了緊,若無就害矣!尾手阿爸佮三兄共斷去的煙筒管去外口,閣去厝尾頂補厝瓦。原來佇厝後彼兩瓦片,就是這款時陣欲用的,莫怪阿母普通時就三叮嚀四吩咐,袂使去面頂𧿬踏

  落來,阿公𤆬二姊去溪仔邊毛蟹,阿母𤆬四姊佮我去風拍筍,逐家攏足無閒,猶毋過嘛真歡喜,因為有幾若工腥臊通食。佇物資欠缺的年代,有通補喙空,就予人有一種幸福的感覺。

  覕風颱這齣戲,一冬著愛搬幾若擺,一直到讀四年仔搬厝了後才結束這馬想起來,袂輸咧搬電影仝款遐爾仔刺激。逐擺講予囡仔聽,攏感覺誠好,我的心肝內煞有淡薄仔數念,嘛有淡薄仔稀微

05 阿母香芳  陳秋貴

  細漢的時,阿母裁縫,因為手路幼,親情朋友布來伊做衫。若是有色水較的布仔,勤儉的阿母起來,伊講這會當仝款的香芳。

  五日節的時,阿母就會款寡棉仔佮紅線,去漢藥店買一寡芳料,看布幼仔的色水來做香芳。有黃色的綢仔布,伊就用來一隻虎仔型的袋仔,共芳料的棉仔入去內底,閣烏筆額頭寫一字「王」字,佇身軀畫一一逝的虎紋。這時陣,就出現一隻威風凜凜/ui-hong-lím-lím/的虎仔香芳囉!若是有茄仔色的布,伊就會做一條金滑金滑的茄仔,閣會佇茄仔頂懸青色的蒂頭,看起來誠古錐若有花仔布,伊就會用來一塊紅色的雞髻,紩佇雞頭頂懸,佇雞尾插幾枝仔雞毛,做一隻𪁎趒雞鵤仔香芳。總講一句,若有啥物料,阿母就做啥物款的香芳。

  阮有一个風俗,就是查某囝嫁出去的頭一冬,為著欲表示新娘腹腸後頭厝攏會佇五日節進前,送六香芳去予伊。一捾差不多有二十个,通予厝邊頭尾的囡仔。聽講掛這種香芳的囡仔,會加好育飼。逐家庄,啥人有嫁娶攏嘛知,逐擺攏有真濟人來共新娘討香芳。庄裡的人知影阿母真𠢕做香芳,攏會來阿母做。

  這个時陣,阿母做的香芳,花樣就真款囉!人客欲啥就做啥。阿母講每一款香芳,攏有伊的含意。譬論講掛雞會起家;掛塗豆會食甲老老老;金瓜厚子,掛咧會生濟囡仔;掛虎較猛虎;掛茄會𪁎趒;掛粽金銀財寶對兜送。也因為阿母攏會應/ìng/人客的要求,逐擺生理誠交易,做攏袂離。

  阿母有歲矣,目睭嘛來愈花,無法度閣紩幼路的香芳,伊就掛一副目鏡,做一隻大大隻的雞鵤仔香芳予孫掛。遠遠看去袂輸掛一塊大金牌,愈看愈心適。看起來,佇阿母的記持內底,五日節是一定愛掛香芳才有準算

06 阿媽  葉家仁

  前幾冬聽著歌手蕭煌奇唱的〈阿媽的話〉,我就會想著過往的阿媽。

  細漢的時,厝邊的老大人拄著句話:「往過阿媽定定偝巾四界。你紅嬰仔的時,偌爾查某囡仔咧,想這馬生做遮爾仔緣投。」阿母我講,阿媽共我騙的時,攏會講古予我聽。

  讀國小的時,阿媽定定會炒飯。豆油落去,kòng-kòng、kòng-kòng芳。有當時仔阿媽會水餃,仝款豆油撒落去,猶原好食。早頓食了,阿媽會予我,伊講這會當佇學校買四秀仔行到學校大約二十分鐘,阿媽陪我行到學校了後,伊就去田裡作穡暗頭仔我會佇門口等阿媽轉來。阿媽轉來會隨煮飯,因為我腹肚實在是大腸告小腸矣。我上愛食阿媽煮的滷肉飯,一頓會當食三碗喔!

  欲睏的時,阿媽會蠓罩,伊講按呢袂予蠓猶毋過嘛是會有幾隻蠓仔飛入來。pha̍h!一聲、一聲,這聲會當穩心仔睏。阿媽日時作穡真,所以伊一睏仔就睏甲鼾鼾叫

  讀國中的時陣,我定定和厝邊的囡仔𨑨迌。有時會起跤動手。我無細膩著人的目睭,為著這件代誌,我予阿爸箠仔跤肚烏青凝血。我佇公媽的面頭前直直哭。阿媽聽著我咧哭,連鞭對一樓起來到三樓。伊共阿爸講:「毋通拍矣!捷罵袂聽,捷拍袂疼。」雖然阿媽救我一命,毋過阿爸講,我愛佇公媽面頭前跪食暗才會使起來。

  大漢了後,因為佇外地讀冊,和阿媽做伙的時間愈來愈少。等發覺家己和阿媽變甲生疏的時,阿媽已經是老硞硞矣,無法度行,完全袂認得人矣。伊干焦知影印尼來的外勞『Wati』爾爾。

  我真思念阿媽的尻脊骿;思念阿媽唱的搖囡仔歌;思念阿媽煮的滷肉飯;思念阿媽我晾蠓罩;思念阿媽共我。若是會當,我真想欲當面閣再叫伊一聲「阿媽」。

07 彼年的歇熱  徐禎偵 /Tshî Tsing-tsing/

  阿爸生查某囝、一个後生,雖罔/sui-bóng/我是一个查某囡仔毋過爸母無重男輕女的觀念,特別疼我。可能是這个緣故,致使我有淡薄仔壓霸的個性。就連厝邊頭尾的囡仔伴相招𨑨迌的所在、欲物件、欲耍蹌跤雞抑是青紅燈,攏愛經過我同意才會使,無我就會起呸面

  會記得欲升國校仔四年的歇熱,拄著外媽兜附近的媽祖宮咧做醮是二十年才做一。因為這个機緣,我才會當佇外媽兜幾若工。彼幾工,廟埕攏有戲班輪流咧搬戲,除了歌仔戲以外嘛有布袋戲。

  有一工早起,外媽共我叫精神,叫我緊去食早頓。因為泔糜仔燒,欲等伊冷的時陣,我就去提阿妗偝巾做戲服,門口唱王寶苦守寒十八年。唱甲當的時,雄雄聽著一句「啥人狗聲乞食喉,也敢唱甲大聲,真毋知見笑!」越頭一下看,原來是嬸婆孫,臭頭明仔。「你也敢嫌我唱了無好聽。無!你是有偌𠢕?」我見笑轉受氣紲落去講:「拜託一下好,一个查埔囡仔,透早就咧沃花,你按呢毋才是袂見笑!」

  臭頭明仔予我罵煞了後,氣甲一个面膨獅獅,閣一直共我罵,罵甲頷仔頸強欲仝款。毋過,相罵是我的本領,大戰數回合了後,我看伊若像掠狂,目屎咧緊走入去厝內討救兵。無偌久,外媽就來問我是啥物代誌?我就自頭到尾講予外媽聽。外媽聽了就講:「你這个查某囡仔哪會按呢?行!我𤆬你來去人兜會失禮。」

  外公、阿舅下班轉來了後,聽著這代誌,攏講我真害,後擺袂使閣按呢矣。阿舅笑講:「真正是惡馬惡人騎,胭脂馬去拄著關老爺。」我頕頭講:「恁毋知彼个臭頭明仔伊歹咧。看伊氣怫怫,強欲共我拆食落腹的款,驚就死矣,無後擺矣啦。」

  自這層代誌發生了後,我真正變甲加真溫柔,尤其是去搪著彼箍臭頭明仔的時。

08 家庭教師  蔡春芬

  厝邊有个對南嫁來的「臺灣新婦」,十八歲當青春的年紀,就嫁來人地生疏所在來的時,莫講臺灣話,連一句華語袂曉講。彼當陣/hit tong tsūn/雖然社區的小學有開「新住民捌字班」,毋過的人驚讀冊𤆬去,就按呢害錯失學習的機會。

  後來,我也搬離開彼个庄頭。前兩日仔,轉去舊厝物件拄好半路搪著其中一个臺灣新婦。十年無見面,相借問,竟然發覺伊毋但臺灣話講甲削削叫,連華語嘛講甲足標準。我問伊是按怎學的?伊笑笑仔應講:「因為我有一个家庭教師,逐工攏佇我的身軀邊共我牽教/khan-kà/。」

  「家庭教師?」我一時頭摠。以我對兜的了解,大家官看錢看真重,一个錢拍二四个結,根本無可能開錢啥物家庭教師來教伊。伊看我霧嗄嗄,就邀請我去兜坐坐咧。伊講紹介家庭教師佮我熟似

  來到兜看著一四界整理甲誠四序,看會出來伊對這个家庭付出真時間佮精神。伊先『àn-nāi』我坐好勢,隨去樓頂請伊的家庭教師落來。一个生做誠幼秀的查某囡仔出現佇我的目睭前。伊笑微微共彼个囡仔的肩胛頭攬咧講:「這就是我的家庭教師!」原來就是伊讀國小六年仔的查某囝。當年彼个兩歲的囡仔嬰,這馬已經欲佮阿母平矣。

  原來佇查某囝讀國小的時陣,為著囡仔的教育,伊說服翁婿佮大家官,予伊去學校做工。就按呢,伊日時去學校鬥整理環境、做資源回收。查某囝上課的時,尤其是華語課,伊徵求學校佮導師的同意,予伊入去教室佮學生囡仔做伙學習。拄著毋捌的語詞,就問查某囝,抑是第二工才時間問老師。

  俗語講:「捌的十七八,毋捌的七八十。」囡仔人雖然愛聽序大人的教示,毋過做爸母的人若有毋捌的所在,嘛是會當請教囡仔。就算是孔子公伊猶閣拜三歲孩童為師,凡夫俗子的咱,有啥物好堅持的咧? 

回應
關鍵字
    沒有新回應!
我的最愛
衛星雲圖
衛星雲圖

楊秀卿唸歌—七字仔大歌廳上網
萬年曆

諺語

孽詰仔話

下面三个是允言兄的物件, 會隨機變換, 逐遍點逐遍無仝:
1. 台語華語辭典
2. 戀戀台語文 (內容有:選讀/俗語/笑話/書影;請繼續點連結)
3. 台語文句欣賞

單曲英語老歌連結:
1. El condor pasa
2. Bridge Over Troubled Water

知識+的台語問題
Yuh-ru Dyertung Tung

我的訂閱
台灣四界抛抛走(入去了後點每一篇文章標題頭前的編號所在就會使看欲看的所在)
送人客轉去恁兜

夢生的電子冊
好朋友
網站連結
教羅的網站

1. 台語信望愛(資料足濟)[嘛會使轉做台羅字]
(A) 《台灣元氣寶典》(用俗語講台灣歷史)
(B) 浪子回頭(布袋戲)
(C) 歌仔戲--桃花過渡(新音樂版)(ppt檔,若欲直接聽戲, 按山明水清開始)
(D) 特別專輯(有情人節等節日專輯)
(E) 《台灣元氣寶典》(用俗語講台灣歷史)
(F) 台語Unicode轉碼工具(拍數字轉成台羅聲調)

2. 白話字台語文網站(資料世界濟)

3. 台灣俗語鹹酸甜(有搜揣的功能, 逐條有解說)

4. 台語笑詼代(有204編的笑話)

5. 台語羅馬字教材(有袂少的基礎教材, 嘛有排斥無仝系統有淡薄仔偏激的文章)

6. 台語線頂字典(查漢字的發音佮仝音字)

7. 台語文語詞檢索(查語詞佇一句話出現的位置, 會當用查著的資料做語意和語法的分析)

8. 台日大辭典試讀版(將近90000條的詞條, 閣有原冊的圖形檔通看)

9. 台文華文線頂辭典(舊版, 熟手會使直接點新版來用)佮 統計

10. 全羅漢羅轉換工具(照範例去做就會曉用矣)

11. 台語百科全書(全羅的維基)

13. 台語詞頻資料(直接點[頻率統計]等看結果)

14. 信望愛台語客語輸入法

15. 台語文計算語言學(愛點論文入去看)

16. 華台轉換系統(使共華語翻做台語)

19. 台語線頂聖經(會使自由選項來合咱看的口味)

20. 線頂讀台文
(A) 阿瑛a(張聰敏前輩台語長篇小說, 請點數字按順序看)
(B) 威尼斯的生理人(莎士比亞原作劇本, 陳清忠校長翻譯)
(C) 細漢 ê 時陣(尤榮坤口述 兩齒的整理;散文作品集22篇)
(D) 十項管見(老前輩蔡培火, 台灣文學史的第一本台語散文)[全羅馬字](愛閣點細目才看會著文章)

21. 母語家庭

22. 研討會論文

(2010.04.25更新)





Powered by Xuite