琴日老豆話返鄉下拜山要改時間,我當初仲以為冇咩影響,點不知中招...

倒塌咁早起身食完早餐就即刻北上...去殯儀館,上到羅湖撘的士.我其實一直都好懷疑何解個的士站要分有足足五六條隊,唔通的士會拒載?最怪係仲可以走出去另一條行車線截.

坐到的士,行左一輪,交通狀況仍然同以前一樣......咁惡劣.路面設計本身就是一團糟,雖然一部份紅綠燈,不過講明先,就得一部份,小巷上行車亦可以插入大路,最壯觀莫過於三條行車線既車可以湧入一條行車線...下場係點?咪塞到應囉.最慘係路面已經好多問題,司機本身亂來就更大問題.

好啦,驚完一大輪到左殯儀館攞阿婆個骨灰盅返去,當場攪左少少法事...當時場地有兩家人做緊,我唔知係咩風族,有一家拜時好似死老豆咁呼天搶地,鬼死咁糟,最衰係做作到嘔,到走仲要搵人扶,你係孝順就唔使到今時今日攪咁多花臣啦,聽佢一路喊,我忍笑忍得好辛苦,不過佢係真係假就唔知啦,可能上到車時就會話收就收兼問幾時打牌.

講番我呢邊,燒一注香,拜左一下,燒埋衣紙,老豆俾左份優差我做.由於要張阿婆個骨灰盅攞去墳場,好似要俾佢以一條線索跟上黎(我唔知係唔係),所以點著左一條成隻手指公咁粗既香,不過殯儀館同墳場距離好遠,就咁樣攞著個插任支香既香爐墩上車.我起初只係覺得除左俾煙燻一下無咩所謂,不過過左一陣煙灰就跌左落黎...痛得我呀,最慘既係由上車到墳場全部我一個人攪點,走到墳場已經燒左半注,d灰就跌哂落我手度.我唔知d煙灰到底有幾熱,我剩係知用黎包住個香爐墩個膠袋俾d煙灰燒到穿哂,我隻右手多左幾點.

返到屋企,食完飯就百無聊賴咁等左成個下午,開車到墳場,就唸住打開個墳放阿婆個盅落去,誰不知個墓俾水沈住,原本兩個盅仲入埋水,真係失敗.倒左水,攪左一大輪先開始拜.拜用三個字,其他野就攪左九個字.到走時已經天黑,要食埋飯先走,返到屋企已經十點.

原本唸住只係攪半日既事足足攪左成日,完全可以用一句形容:
完全係浪費我時間!
下次我要考慮下去唔去.