早排係youtube搵ZerA既片時聽到呢首超配合既音樂，
好少聽古典音樂，。。。暫且算係古典先啦。。
不過就好鐘意呢首，有令人想跳舞既衝動～～
優美既華爾茲～～啦啦～～。。
（啊──唔好打！唔好打我！）

睇番ｆｅｂ２２７時代既自己，畫風真係轉個不停。

好彩係會考之後既呢幾個月，慢慢咁，終於「磨」出左自己覺得最舒服自在既畫法。繪圖呢家野，當然係要開心去做，做得開心，何必攞苦黎辛咁去挑戰難度？（安慰下自己。。早期竟然去挑戰言情小說封面插畫。。）

不過，始終都好想畫下超精緻既圖。。。例如最鐘意既ＺｅｒＡ！
下圖：


左三果個真係型到爆～～（激動）
呢種圖係咪真係要學過繪圖技巧先畫到。。。？
自從偶然比我發掘到ＺｅｒＡ既圖後，我既偶像排名已經改變，
第一：ＺｅｒＡ既原畫師，
第二：木通野茉莉
。。。其實一個漫畫一個原畫。。冇咩關係（汗）
不過ＺｅｒＡ確實令我比較「激動」，每次睇都會！

至於漫畫，我既故仔好幾個都胎死腹中。總覺得寫完之後好無聊，再睇埋放係書架上既珍藏漫畫──心灰，好在意仍未冷～～（甲：好爛。）
繼續努力！

係喎，決定係決定咩。。
係啦，係決定係呢個畫風：


好慢好慢好慢好慢好慢^{十萬九千七個好慢}
一幅簡簡單單既圖我用左幾粒鐘先畫到。
而且，總覺得飽和度唔夠，嗯，下次注意下！（攞紙筆寫住：飽和度）
老手應該個幾鐘（或更快）就搞得掂，
我要做老手！做老手！老手！！！！！（老手。。？講到覺得奇奇怪怪。）
敬請期待十年後既老手沙羅。

呢個網誌、呢篇文章，象徵告別Ｆｅｂ２２７時代，進入新既沙羅時代。

－－－－－－－－－－－－－－－－－－

發勞蘇：

星期一終於攞埋畢業證書，正式告別中五等放榜～～～
期待，期待，升到就升，升唔到就ＩＶＥ～
ＩＶＥ既話。。。本應係想讀四年制電腦遊戲及動畫高級文憑。
好似好難會有就業機會。。。
或者應該將繪畫當做業餘，安安份份搵份工。
。。但係真係好想將興趣變成自己既職業（同時都係短期既心願，長期既當然係做到實力超凡、大師級、超著名、斷腳唔憂三餐既遊戲原畫師。。。近乎罔想。。）
。。。。。。^{沉默十萬九千七秒}
都係唔諗住，等放榜先再算。
（一堆廢話　　─完─）