交左成四百幾蚊既謝師宴。。。終於都係蝕哂。。。
去到只係不斷影相。。（我影，我影，我影影影影──咔嚓！）
又冇咩點食到野，
玩既遊戲悶。。。其實成場自己都係悶到死。。

其實我想知點解有Ｄ人可以玩得咁投入，真係好開心？
我只係覺得呢場「宴」，大部分人都係為左扮靚自己，然後同人溝通溝通，聚舊聚舊，影相影相（我影，我影，我影影影影──咔嚓！）。。
最攞命既係坐既位係出風位。。。成晚凍到「藤藤震」，唯有出去夾一夾野食，暖一暖個人先返埋位──繼續「藤藤震」。
大家ｓｏｃｉａｌ、溝通溝通既時候，
我就係度「藤藤震」「藤藤震」（甲：夠啦），
就係咁，終於成個人懵懵地咁過左成個謝師宴。
成為左佈景版。
（那年「十七」　母校舞會　站著如嘍囉　　　　　　曲：浮誇）
不過講真，我都係唔鐘意熱鬧。。。太多人既場合，我會變到無野講。
太大壓迫感啦～～～！！！
（會唔會患上左社交恐懼症。。）
果然小貓三四隻（ＦＤ），圍埋一整傾計最開心～！

未去之前仲覺得著哂成套戰衣後，超唔似自己。。屋企多左個人（鏡入面果個。。汗）
仲驚住著得好誇張，點知──
露胸！露背！袒胸露背！
。。。估唔到大家咁勇。。
我以為既誇張係對比之下簡直小巫見大巫。

點都好啦，過左去啦。。。＄冇左就冇左。。。。
欸！？仲未計＄８２的士錢＠口＠
雖然同ＦＤ攤分，但都仲係要俾＄４１。。
嗚嘩～～可惡既謝師宴！如果我ＲＥＰＥＡＴ既話一定唔會再參加！