徒手畫既木顏色圖(即色鉛筆)

講起上黎，都好耐冇搞木顏色，
琴日咁Ｏ岩係一大堆亂放係地下既書堆入面搵到林青慧既色鉛筆教學，
心血來潮就動起筆黎重新畫下木顏色圖啦～

以上既呢幅圖，冇起稿係講下既。。。（用灰色木顏色畫既淺灰色線就係稿線。。）
不過木顏色既好處就係畫錯都唔怕～因為可以用擦膠整番淺Ｄ，
今次呢幅起稿既時候係以非常簡單既線條畫出黎，
幾乎擦都冇擦過，
當真係上色既時候，就不斷加上Ｄ野（笑”）
最大既改變當然係頭髮（本來係垂直型。。），
為左加上Ｄ動感，不斷加線，
頭髮亦係畫得最開心既一部分～！

成幅圖半個鐘左右搞掂，
好暢快既感覺～～～
好耐都冇畫呢種超級兒童ＦＥＥＬ既圖，
不過，事實上係。。。我係畫呢幅圖前係想有種黑暗感。。。
　　一個女布偶拖住一個布偶仔，
　　身上沾滿血，
　　令人不寒而慄。。
遺憾冇呢種營造氣氛既功力。
。。。加個背景可能會有好大改變。。。
嗯嗯，諗得過，諗得過。。