20161218110412月18號

今日0830左右起身..之後就玩MAC﹏上facebook+聽歌+打日記,0915左右就同dad+mum+家姐+阿喬去富臨飲茶,1030左右阿喬就送我去搭車..搭962X去銅鑼灣,去到銅鑼灣又係等1200先入到商場..入到去就開餔﹏Check晒Excel+E-mail後又冇野做..唔知點解係銅鑼灣時玩電話對話眼會咁痛,之後好眼訓就係度發呆..唔好講入黎問野既人..連外面既人都唔多,1430左右就有個客人入黎問..問完就走出去打電話..之後決定入黎訂,揀款什麼的真係好快..但問佢加唔加背景就好似想搶佢錢咁..我見到咁連改顏色都冇加佢錢!!!今日終於開單了..之後我諗諗下好似要加加急費就sd whatsapp同佢講..點知佢超串「你剛剛冇講wo」,仲打黎話如果要加就取消並退款..我就話幫佢問..其實我都Hea左好耐先問阿Joe+Ryan,之後佢地都話可以唔使加..我就扮好人話「已問,可以不用加急費」,佢好柒咁Cap左我同佢既對話然後sd左比我..下面寫「好野,唔使加急費」,Woo~講到好似自己賺左咁..證明我果句真係好似怕Q左佢咁

無聊坐到1730左右有對客人入左黎話之前有問過..嚇到我以為佢已經訂左..好彩佢話「宜家訂28號係咪可以拎?」,經過上一個煩膠客之後我就知道28號一定OK..我就幫對客人落單+幫佢地手揀頭髮等顏色,然後KO後佢地就走..我望望下對公仔..心裡OS「F_ _k..有帽既..個客岩岩講到男仔既頭髮要跟返相..咁即係要唔要帽?」,我就打去佢留底既電話(訂果個係女人..我知佢留左男人既電話),但明顯女人唔係佢隔離..我就whatsapp轟炸女人,點知佢已讀不回。我就唔理佢..食我既飯..仲諗「如果佢2130都唔覆我就唔整帽」,點知佢就直接打黎問..問完之後都係決定要帽。其實我今日到底發生咩事..唔係唔記得呢樣就唔記得果樣!2200左右就走..落地鐵站入數>搭962X返屋企。返到屋企已經攰到核爆..所以整好晒D野後即訓

回應
關鍵字
    沒有新回應!





Powered by Xuite