20161217084412月17號

今日0910左右起身..之後就玩MAC﹏上facebook+聽歌+打日記,1000左右就落樓下食早餐>搭60X去旺角..去到旺角就去左恆生入數>去朗豪坊返工,我決定將D黑布由外收到內..咁我放返上去時就唔使玩布玩咁耐!準備好D野後我就開始Check Excel+Check e-mail..打比問左我幾次全新訂造價錢既客,其實我唔明點解佢sd e-mail比我但我覆左後又唔睇..最後都係要口頭上講..最搞笑就係佢都未比齊野我..我連相都唔可以開始整。之後都係不斷望住外面好多人但冇人入黎既情況..我已經冇計就唯有祈求天后娘娘「比一張單我就夠」(因為未返呢份工前..我去左天后廟將五色線過左火爐..所以我先祈求天后娘娘),過左冇耐有對好似會即落單既人入左黎..但因為佢話唔趕所以拎左卡片後就走,真係超sad..然後過多陣就有個唔似會落單既女仔入左黎..但佢竟然救左我一命+全數Pay..好感動!!

佢走左之後我就計數..發覺我找多左錢比佢就即刻打比佢..好彩佢都肯上返黎比返我..如果唔係我就要嘔返果D差價出黎之後我就開始整相..突然有人出現係我面前..原來係YORU..我就同佢傾計,之後豆腐、兔兔都黎左..佢地3個就去食野;我就食外賣>整相+上傳到Cpanel,之後又冇所事事..有個外國人入左黎問「要整幾耐」「可唔可以郵寄去新加坡」之類..我完全唔識用英文表達自己想講既野YORU佢地食完野就上返黎搵我..我間餔頭其實好細..一次咁多人其實真係唔係好方便..雖然有人陪我傾計+有人幫我手翻譯英文真係好好!!之後佢地就四圍行多陣..大約2145左右就上返黎搵我,2155左右就幫我手收餔..果然4人力量係快好多~~跟住就行新の城>去御前上茶食宵夜﹏Joyce+Theodore都黎左,我地食完後就周圍行多陣+吹水..0020左右就搭車返屋企,返到屋企整好晒D野後都已經0145..之後就訓

回應
關鍵字
    沒有新回應!





Powered by Xuite