今仔日學長來揣我，做夥食暗頓，加減開講。伊對客家族群zit 幾冬得著真濟補助，但是鶴佬攏無啥補助真不滿。 

舊年選縣市長，伊對台北縣 e 羅文嘉真有意見，因為阿扁作台北市長 e時投入袂少 e資源佇客家活動，嘛有客家廣播。羅 e 政見互伊真煩惱是毋是 beh 甲台北縣變做客家縣。

今年客委會 ygap 文建會做夥推 sak 桐花季，客家鄉鎮有補助，但是台北土城嘛有真濟桐花，提出申請夆撲回票，因為毋是客家鄉鎮。另外教育部也 bat 向新竹苗栗附近 e 科大提出建議，希望校方增設客家相關 e 課程互學生選課。這嘛互伊真感冒，因為師資 ygap 學生中客家 e 比例並無懸。文建會主委李永得先生講應該按照台灣人口客家 e 比例，新聞時間按比例播送客家相關新聞。尤其真濟鶴佬文化社團，國民黨執政時猶經營會落，阿扁做總統，因為無補助矣， drx 收收起來，親像黃香蓮歌仔戲團。但是客家文化活動攏有客委會讚聲補助，嘛有家己 e 客家電視台。一 to'lakyguq= (拖拉庫)互伊袂爽 e 代誌。

國民黨執政，獨尊華仔話歧視鶴佬話等等，但是會 kiuf 客家儂支援。阿扁上台，共款 kiuf 客家儂，開始補助客家活動，若是鶴佬儂，歹勢，錢 drx 赫濟，無夠分啦。結果是鶴佬話抑是活動 no sud=. 伊認為宜蘭ygap嘉義市民進黨落選，真好，才袂互儂當作毋免照顧 e 鐵票。

總是，我有一個疑問，台灣社會，鶴老儂除了鶴老話以外，敢有共同 e 認同象徵？


------------------------------
舟蘋附註:文建會編列的傳統戲曲來說，京劇一年三億、客家戲團近億、台族歌仔戲布袋戲全部加一加才三千多萬（親藍的明華園歌仔戲得到補助，黃香蓮歌仔戲團則沒有得到補助，其實當時的黃香蓮論資歷經驗及唱功技巧都不輸孫翠鳳）