The world’s languages, in 7 maps and charts @ 鹿津遊子-許嘉勇个沓沓滴滴(ta̍p-ta̍p-tih-tih) :: 隨意窩 Xuite日誌
  • 關鍵字
    1. 沒有新回應!
  • [此功能已終止服務]





  • Powered by Xuite
    201504291329The world’s languages, in 7 maps and charts

    http://www.washingtonpost.com/blogs/worldviews/wp/2015/04/23/the-worlds-languages-in-7-maps-and-charts/

    只篇文章咧講天跤下各種無sâng款个言語。

     

    1.全世界上少有7,102種夭閣活跳跳个言語,其中,佇亞洲上濟種,有2,301種,非洲有2,138種,太平洋有1,313種,米洲有1,064種,歐洲上少,干焦有286種。

     

    2.佇全球72億个人口裡(lǎi)底,將近三分二个人講下底只12種言語:1.漢語Chinese,包括漢語个各種方言,計共139千萬人跤兜。2.印度斯坦語(印度-烏爾都語)Hindi-Urdu58千外萬人。3.紅毛話English52千外萬人。4.阿拉伯語Arabic46千外萬人。5.大呂宋話Spanish38千外萬人。6.西魯話Russian25千外萬人。7.孟加拉語Bengali25千外萬人。8.媽口(Má-káu)Portuguese19千外萬人。9.獨逸(To̍k-i̍k)German13千外萬人。10.日本話Japanese12千外萬人。11.法蘭西話French11千外萬人。12.以大利話Italian67百外萬人。

     

    只个統計共漢語Chinese算做是一種言語,若佇西方个言語學,話語互相無法度交流个話是language,毋是dialect,所致漢語Chinese論真是7種或--者是10language,分別是官話Mandarin(包括晉語)、吳語(包括徽語)、湘語、贛語、粵語Cantonese(包括平話)、客話Hakka、閩語,其中,閩語閣分做閩南話Hokkien、閩東話、福州話(閩北)、閩中話、莆田話(莆仙),互相之間亦是無法度通交流,所致漢語Chinese照講會用得分做14種个language

     

    若照Wikipedia个記載,中國講官話个人(native speakers)有84千外萬人,吳語kap閩語各有7千外萬人,粵語kap平話加--起來有6千外萬人,晉語有四千外萬人,湘語kap客語各有3千外萬人。有資料寫講全世界講Hokkien个人有6千萬人跤兜(有个資料寫4400萬人),安爾凡當仔嘛會用排佇第十外名。

    若共第一言語kap第二言語做伙濫咧統計,講大呂宋話个人口佔全世界个4.85pha,並4.83pha个紅毛話夭閣恰懸。

     

    3.佇非洲、南亞kap東南亞,國家裡底个人民講無sâng款个母語个比例上懸。巴布亞新幾內亞Papua New Guinea是上譀--个,凊彩揣兩个人,兩人講無sâng母語个指數達夠98.8100是滿點),若是佇米國,只个情形干焦有33pha个可能性。

     

    4.真濟世界時行个言語是佇一个以上个國家咧奢颺,紅毛話排頭辦(101國),阿拉伯語排二辦(60國),應當是回教Muslim个因端,法國話排三辦(51國)。紅毛話、法國話kap大呂宋話會佇世界上楦甲遮爾闊,當然是kap往過个帝國主義有關係。

     

    5.紅毛話是世界上上濟國家个官方言語(有35國),佇法律上,紅毛話並毋是英國、米國、澳洲个官方言語。一个國家雖然是共紅毛話當做亻因个官方言語,毋拄夭是有寡人實際上是用另外一種話咧互相交流,佇頂頭講--著个35个國家,有一寡仔國家个「英語母語人士」是干焦佔少數中个少數。

     

    6.大多數个言語是干焦少數人咧講niā-tiānn96 pha个言語屬佇3pha个人口,世界頂有2000種个言語干焦無夠1000人咧講,所致講世界上差不多有一半个言語會佇只个世紀底來死失。

     

    米國个瀕危言語除了中西部个原住民保護區以外,主要分布佇西海墘。若照全球个範勢來看,Amazon雨林、Saharan沙漠以南个非洲、大洋洲、澳洲kap東南亞將會失去上濟个言語。

     

    7.紅毛話是全世界上濟人咧學个言語(有15億人),第二濟--个是法國話有82百外萬人,閣來是漢語有3千萬人(可能是指現代中文Mandarin)、大呂宋話kap獨逸話各有14百外萬人、以大利話有8百萬人、日本話有3百萬人。

     

    1990-2013年,米國个大學教現代中文个比例提升11成,sâng只个時陣,提供西魯話个課程煞下降三成。

     

    有寡言語有無在額个價值,可比講佇米國,汝若有法度講獨逸話,會用得加趁128千箍个米金,獨逸話个價值是法國話个兩倍,是大呂宋話个三倍。

    【[冫彥]錢 gàn-tsînn】|日誌首頁|茭荖(ka-ló)上一篇【[冫彥]錢 gàn-tsînn】下一篇茭荖(ka-ló)
    回應