咱 ê 話愛按怎來【相借問 sann/sio-tsioh-mn̄g/muī】(greeting) @ 鹿津遊子-許嘉勇个沓沓滴滴(ta̍p-ta̍p-tih-tih) :: 隨意窩 Xuite日誌
  • 關鍵字
    1. 沒有新回應!
  • [此功能已終止服務]





  • Powered by Xuite
    201503011515咱 ê 話愛按怎來【相借問 sann/sio-tsioh-mn̄g/muī】(greeting)

    Hi, 你好」、「早啊」、「早安、午安、晚安」、「早上好、中午好、晚上好」、「再見」、「bye bye……tse計毋是咱  ê 話。

    若按呢,咱   ê 話愛按怎來「相借問(sann/sio-tsioh-mn̄g/muī)(greeting)

     ps.    ê 話無講「拍招呼」,   ê 話講「相借問」。 

    1.透早起--來若相拄,會講「𠢕(gâu-tsá)

    2.食三頓 hit   ê 跤兜若相拄,會講「食飽--未(tsia̍h-pá--bēr/bē/buē)?」,若是婦人人,中晝也會用得問講「煮--矣--未?

    3.暗暝若相拄,會用得問講「未睏--喔(啊)」,相辭    ê 時抑是準備berh/beh/bueh去睏--矣 ê 時會khah早睏--ê」、khah早睏--咧--乎(honnh)」、「好--啦!khah早睏-- ê--啦!」。

    4.平素佇路頭若相拄,會問講berh/beh/bueh去佗落(位)?」;berh/beh/bueh相辭    ê 時,會講「閒,tsiah來--啦」、「tsiah來坐--啦」、「tsiah來相揣--啦」,嘛會用得佇頭前加講一句「先來」。

    5.若佇kāi-kī    ê 門頭相拄,主人家berh/beh/bueh先入門,會用得講「來坐--啦」。

    6.人客來咱厝--裡,拄入門,主家人講「坐--啦」、坐--啦」、來坐、來坐」、「lǎi/lāi面坐」、「來食茶--啦」。開店舖做生理个頭家,人客若行入來咱店lǎi/lāi,頭家人嘛會用得說坐--啦」、坐--啦」。

    7.真久毋捌來   ê 人客來咱厝--裡,主家人會用得講「罕行、罕行」。

    8.若是特別去共人拜訪-- ê ,人客拄kàu人塊(tèr/tè)    ê 時,會用得共主人家講「歹勢,來共恁齪嘈(tsak-tsō)」,berh/beh/bueh    ê 時會用得講「失禮--喔!共恁齪嘈遮(爾)久」。

    9.若是拄搪(tú-tn̄g)主人家咧食飯,主人家著共人客講「來食」、「食飯--啦」、「食--矣--未?做陣(伙)來--啦」。

    10.人客berh/beh/bueh相辭    ê 時,人客會用得講「來去、來去」,古早人 只    ê 時陣有講「lír/lú/lí」;主人家講「啊毋閣坐」表示慰留,古早人只    ê 時陣有講「且坐

    11.人客伐(hua̍h)出門    ê 時,主人家講「細膩」、「勻仔是(ûn-á-sǐ/sī)」、寬寬仔是(khuann-khuann-á-sǐ/sī)、「tāu-tāu」,「順行tsiah來--啦」、「tsiah閣來」、「有閒,tsiah𤆬(tshuā)恁○○來--啦

     

    ps.「ta̍uh-ta̍uh」是華語『反覆、常常、不斷地』    ê 意思,「tāu-tāu」是華語『慢慢、逐漸、一步步地    ê 意思,兩    ê     ê 音讀無sâng、釋義也無sâng,毋拄《教典》煞收佇sâng一    ê 詞「沓沓」,而且標sâng一    ê 音讀「ta̍uh-ta̍uh」,頭一    ê     ê 漢字用「沓沓」是音義字,後一    ê     ê 漢字應當另外分用,「逗逗」會用得參考。

     

    回應